Itaia 41:15 - Te B'aib'ara

¹⁵ N na kairiko kaanga te kai ae e onrake n taian ing. Ao ko na kamanti ma ni kamanatui taiani maunga ma tabuki ni karokoa a riki b'a te taaurouro.

Itaia 41:15 ပူးပေါင်းရင်းမြစ်များ

Iobi 41:30

Ngkana e nakonako i nanon te bokaboka, ao e tane mwiin birotona, ae kaanga ai aron mwiin biiti aika kakang ake b'ain kamarauan te tano.

Taian Areru 18:42

I kamanatuaia ni karikiia n aroni bubun te tano are e na ukia nako te ang;

Itaia 17:13

Ma e ngae ngkana a rurunga kaanga te ieka ae e kakamaaku, E na tuangiia te Atua b'a a na oki rikaaki. A na riki b'a kaanga te bubu, ke kaanga te uteute ae e ukaki nako n te ang are e karabinobinoaki ri aon taian tabuki n te angibuaka.

Itaia 21:10

Ao i mwiina, I a kaangai, “Au aomata, kam a tia n rangi n rawaawata, ma iai au rongorongo nakoimi mai roun te UEA ae Moan te M'aaka, ae Atuan Iteraera.”

Itaia 28:27

Ao ngke a tia n taiiaki taiani kumino aika a roro ma ake a aki roro ao a oreaki ni kanakoaki mani kaiia, ma a aki kamanatuaaki n taiani kaa ni b'ai aika a katikaki irouia maan.

Itaia 29:5

Ao i mwiina, e na karina ni uotaki nako am kairiribai ae moan te tiritiri n ai aron baareka i nanon te angibuaka.

Itaia 42:15

N na kamaunai taiani maunga ma b'aai ni kabane ake a maiu i aoia; N na kaorai taiani karaanga ma taian nei.

Itaia 64:1

Bwenauai taiani karawa! Ruorikaaki, te UEA; karurui taiani maunga.

Ieremia 51:20

Kaain B'aburon, bon Au aama ngkami; I kamanenaingkami n oroia botannaomata nako ma n urui taian abanuea,

Ieremia 51:33

Boni Ngai ae te UEA ae Moan te M'aaka ae Atuaia Iteraera, ao I karaoa te boraraoi aei “E na kaboraoaki B'aburon ma ni kamanatuaaki kaanga te tabo ni kaaki kun ni uita n tain te tai.”

Ieremia 9:10

I tang i bukin te tabo n uteute are i aon te aba ae e tabukibuki. Ai bon akea kain aona, ao e mate tanona n te kabuebue n te aro are bon akea te tia m'ananga ae e kan rikekei. Bon akea te kao ae e konaa ni kuneaki ikekei, ao a bane n tia mannikiba ma maan aika a aki manana ni mauna nako.

Etekiera 33:28

N na karika te aba ni kabuta b'a te aba ae akea manenana ao ni kamaunaa te m'aaka are kam kainikatonga iai. A na akea naba arokan aon taiani maunga, ao bon akea ae e na kataia n riaoi.

Taniera 2:35

Ma ngaia are, e a b'aka te biti ma te tano, ma te buraonti, ma te tirewa, ao te koora ni maerikiriki kaanga bubun te uita are e oreaki n tain te aumaiaki. E uotia nako te ang ni kabane ni bon akea nikirana. Ma e rikirake ni buubura te atiibu arei ni karokoa e a rabuna te aonnaba ni kabane.

Mika 4:13

E kaangai te UEA, “Kam na nako n oreia ami kairiribai ngkami aika kaain Ierutarem! N na kakorakorako n ai aron te kaom'aane ae iai korona aika biiti, ao iai naba ana kau ni wae ae te buraonti. Ko na kamanatuaia botannaomata nako, ao ko na uotii mai nako iu Ngai ae UEAN te aonnaba ni kabane, kaub'ai ake a reke mairouia botannaomata ake a konaiia n te buaka.”

Mika 5:8

A na riki b'a kaanga raian aika a kakaaei kanaia i buakonikai ke i aon uteute: a rin i buakoia tiibu, a ewekia, ao a raebitiia-ao bon akea manga kantaningaan te kamaiuaki.

Ab'akuka 3:12

Ko m'ananga ri aon te aba ma te bononnano Ko toutouia botannaomata n unim

Tekaria 4:7

Terub'abera, e na kaboraoaki ma te tano te maunga ane i matam. Ao i mwiina, ko na kaotinakoi atiibun te tembora aika a kakaawaki ma n takaarua ni kaangai, “E a tia n rangi n akoi te Atua.”

Iotua 17:18

A na riki aaba ake a tabukibuki ni kabane b'a abami, e aoria ngke te buakonikai ma ko na kaitiakia ao ko na abanna mai tabona nako tabona. Ao i bukiia ngkanne aomatan Kanaan, kam na kakioia nako mai ikanne, e ngae ngkana a korakora ao a m'aiti aia kaa aika biiti.

Tani Motiki-taeka 6:16

Ao E taku te UEA, “Kiteon, ko kona ni kamaiuia Iteraera i bukina b'a N na buokiko. E na bon rangi ni beebete kataenikaiaia kaain Miiria b'a kaanga ai aron kataenikaian te aomata ae ti temanna.”