Itaia 41:14 - Te B'aib'ara

¹⁴ Kaain Iteraera kam na aki raraoma, ngkana a kaangai tem'angina, Bon ti te m'ata Iteraera!” Bon Atuan Iteraera ae e tabu Ngai, ae E kamaiuko ma ni kaawakiniko.

Itaia 41:14 ပူးပေါင်းရင်းမြစ်များ

Iobi 19:25

Ma I ataia b'a n tokin aei, ao iai temanna ae na roko mai karawa n tei i buku.

Iobi 25:6

Ao ai tera riki aron te aomata i matana ngkai bon te ino, ao maiun te aomata ngkai bon te m'ata?

Taian Areru 19:14

A bia riki au taeka ma namakin aika nako mai nanou b'a kakukureiam, te UEA ae te tia kamanoai ao au tia kamaiu!

Taian Areru 22:6

Ma tiaki te aomata ngai, b'a bon te m'ata, ae e kakeaki bonganana ma n riribaaki irouia aomata nako.

Taian Areru 46:5

E mena te Atua n te kaawa anne, Ao e na aki kona n uruaki; E rangi n tauraoi ni buokiia.

Taian Areru 78:35

A uringa ae te Atua are Moan te M'aaka bon te tia kamanoia, Ao E a tia ni buokiia.

Itaia 35:10

A na oki ma te anene aomata aika e a tia te UEA ni kamaiuia ngkana a rin i Tion. E na riki te kukurei b'a aia bau ni uea ae a na baunna n aki toki. A na bukamaruia ao a na takaarua b'a a nako ni kabane rawawataia ma raraomaia.

Itaia 37:4

Ti butiiko b'a ko na tataro i bukiia aika a tiku ni maiu. E kanakoa ana mataniwi ni buaka uean Aturia ni kakaewenakoa te Atua. Tao e bon ongo te UEA te b'ai are e taekinna ao E na karaoa te b'ai teuana, ngkana ko tataro.

Itaia 41:10

Ko na aki maaku. Bon raou ngkoe. Ko na aki ruru ni maaku. Bon Atuam Ngai. N na kakorakorako, ngkana I kamanoko ni baiu ma n anganiko taian tokanikai.

Itaia 43:14

Bon Ngai ae te UEA ae N na kamaiungkami! Bon Atuan Iteraera ae e tabu Ngai, N na kanakoa te taanga ni buaka nako B'aburon i bukimi b'a e na uaakiniia nako aomatana, ao a na tang ngke e tabe n nako.

Itaia 43:3

Ngai te Uea, ae Atuam. I anga Aikubita, Itiobia, ao aonon Tieba b'a oneani mwiim.

Itaia 44:22

Kam na okirai? I a tia ni kamaiungkami ao I kaitiaki ami bure nako ngke a matenten kaanga taiani karau.

Itaia 44:24

Iteraera, bon ami UEA Ngai. Boni Ngai boton maiumi. ao I a tia ni kamaiungkami. I kariki b'aai nako ma i karawa i eta nakon te aba i nano.

Itaia 44:6

Bon te UEA Ngai ae Moan te M'aaka, Te moa ao te toki, ae ti Ngaia te Atua ae ti temanna. Iteraera, I a tia ni kamaiuko! Bon am Uea Ngai.

Itaia 47:4

Bon te UEA Ngai ae Moan te M'aaka, Atuan Iteraera ae e tabu. Boni Ngai aia tia kamaiu.

Itaia 48:17

ma taian rongorongo aika: Kaain Iteraera, Bon te UEA ae te Atua ae e tabu Ngai, are e kamaiungkami. bon i bukimi, I reireiningkami, ao I kairingkami i aon te kawai ni koaua.

Itaia 49:26

E na karaoia aomata aika a iowawaa aikai b'a a na bon kana irikoia ao a na mooi boni man raraaia. Ao ane a na ataai aomata nako b'a bon ara Tia kamaiu te UEA; Atuan Iteraera ae Moan te M'aaka are e kamaiuia ana aomata.

Itaia 49:7

Iteraera, bon te UEA Ngai ae te Atua ae e tabu, are e kamaiuko. Bon te toro ngkoe irouia taan tautaeka ao taian botannaomata ake a kabuaakakako.

Itaia 54:5

E tautaekana te aonnaba ni kabane te UEA ae Moan te M'aaka ae Atuaia Iteraera ae e Tabu. Bon te tia karikiko ao buum, ao e na bon kamaiungkami.

Itaia 54:8

I tannako ngkoa n te tai ae e aki maan ma te maraki n nano. Ao ngkai e a reke irou te nanoanga ao te tangira ae akea tokina! Boni Ngai ae te tia kaawakiniko ao am UEA, ae I a tia ni berita n aei.”

Itaia 59:20

Boni Ngai ae te UEA ae I a tia ni berita b'a N na kamaiua te kaawa are Tion ao ana kariki Iakob'a ake a rairaki man aia bure.

Itaia 60:16

Ko na atiki kaub'aia uea ma botannaomata nako. Ane ko na ataai b'a te UEA Ngai ae e m'aaka ae Atuaia Iteraera, ae I a tia ni kamaiungkami.

Itaia 63:16

A tia ni kaai ni katinanikuira ara bakatibu ake Aberaam ao Iakob'a. Ma Ko bon teimatoa naba n riki b'a Tamara; Ko a tia n riki b'a te tia kaawakiniira man taai ake ngkoa.

Ieremia 46:27

Iteraera, Ane a na roko boong are N na kaokingkami iai nakoni mwengami mai abaia ianena. Ane kam na maeka ma te rau ngkami ma ami kariki ao akea te b'ai ae kam na maaku iai.

Ieremia 50:34

Ma bon Ngai ae te UEA ae Moan te M'aaka, ae N na kamaiuia ma ni kaawakiniia. N na kakoroa te rau i aon abaia ao N na karokoa te kangaanga i aon ami b'ai.

B'aeb'aeti 3:57

ao Ko roko n te tai are I tangira buokau iai. Ko kaangai nako iu, “Tai raraoma!”

Taniera 10:12

Ao e taku nako iu, “Taniera, ko na aki maaku. E ongo am tataro te Atua ni moa man te tai are ko a tib'a iangoa iai reken am atatai. Ao I a roko ngkai i bukin kaekaan am tataro.

Otea 11:9

Iteraera, I aki konaa ni kabua nanou ni marakin nanou ma ni manga uruaniko riki. Bon te UEA Ngai ae I tabu tiaki Ngai te aomata, I aki konaa ni katutuka marakin nanou.

Mataio 7:14

B'a e wariki te mataroa, ao e irariki te kawai are nako n te maiu, ao a karako akana kunea te kawai anne.

Ruka 12:32

Tai maaku, ngkami aika karako m'aitimi b'a E kukurei Tamami n anganingkami ueana.

I-Rom 9:27

Ao Itaia e taekiniia Iteraera ni kaangai, “Ai aron tanon te bike i rarikin taari m'aitiia natin Iteraera, ma ti tabeman mai buakoia aika na kamaiuaki.

I-Karatia 3:13

E kainaomataira Kristo man te rekenikai are n te Tua, ngkae E karaoa are E na reke kaina iai i bukira, b'a e koreaki ae kaangai, “E a reke kain te aomata ae tauraki n te kai:”

Te Tua-Kaua 7:7

Bon aomata ngkami aika taiani kabanea ni mamaara mai buakoia botannaomata,

Tito 2:14

are anga Ngaia i bukira, b'a E aonga ni kainaomataira man te buakaka ni kabanea, ao E aonga ni kaitiakiira b'a aomata aika ana aomata n ti Ngaia, aika iai nanoia ae korakora ni kani karaoi m'akuri aika raraoi.

Iotua 17:18

A na riki aaba ake a tabukibuki ni kabane b'a abami, e aoria ngke te buakonikai ma ko na kaitiakia ao ko na abanna mai tabona nako tabona. Ao i bukiia ngkanne aomatan Kanaan, kam na kakioia nako mai ikanne, e ngae ngkana a korakora ao a m'aiti aia kaa aika biiti.

Te Kaotioti 5:9

Ao a anene n te anene ae boou, ao a anene ni kaangai, “Ko riai n anaa te niira ni boki ma ni kanakoi b'aini kanim'ana ake kanikina. B'a Ko kamateaki; ao Ko kamaiuia aomata n raraam b'a ana b'ai te Atua mai buakoia baronga nako, ma reeti n aomata nako, ma aomata nako aika a kakaokoro aia taetae,