Itaia 41:11 - Te B'aib'ara

¹¹ A na bane aika ribaiko ni kam'aitaki mamaaia; ao akana a buakaniko a na mauna nako i nanon te ang.

Itaia 41:11 ပူးပေါင်းရင်းမြစ်များ

Te Otinako 11:8

Ao e kabanea ana taeka Moote ni kaangai, “A na bane n roko am mataniwi nako iu ni boobaraaki i matau, ao a na buubutiai b'a N na kairiia nako au aomata ma ni m'ananga nako. Ao i mwiin anne, I a m'ananga nako.” Ao i mwiina, e kiitana te uea Moote ma te marakinnano.

Te Otinako 12:29

Ngke e a nuukanibong E a tiringiia naati karimoa mm'aane te UEA i Aikubita, ni moa mairoun natin te uea te mm'aane, ni karokoa natin te bure are i nanon te karabuuti; a bane naba n tiringaki karimoa mm'aane aika natiia maan.

Te Otinako 23:22

N na riki b'a te kairiribai ae tiritiri nakoia ami kairiribai ngkana kam ongotaeka raoi nako ina.

Itaia 17:13

Ma e ngae ngkana a rurunga kaanga te ieka ae e kakamaaku, E na tuangiia te Atua b'a a na oki rikaaki. A na riki b'a kaanga te bubu, ke kaanga te uteute ae e ukaki nako n te ang are e karabinobinoaki ri aon taian tabuki n te angibuaka.

Itaia 29:5

Ao i mwiina, e na karina ni uotaki nako am kairiribai ae moan te tiritiri n ai aron baareka i nanon te angibuaka.

Itaia 29:7

a na bane ni mauna kaanga te mii ngkana e a ngaina botannaomata ni kabane aika a iowawa aika a buakana Ierutarem ma ni karawaawataa.

Itaia 29:8

Ao a na mate n te baki ao te taka botannaomata aikai aika a buakana te Maunga are Tion. Ane a na miia te am'arake ma te mooi ma a na uti ni kua ma ni baki ao n taka n aron ae a tuai man noonoria.

Itaia 34:12

E na aranaki Etom b'a “Te abanuea ae akea kiito iai.” A na akea kiito i rouia ana taan tautaeka.

Itaia 40:17

E iangoia botannaomata te Atua b'a b'aai aika akea manenaia.

Itaia 40:2

Taetae raoi nakon Ierutarem ao katanoataa ae e kaangai: A toki am bong n tautoronaki. Bon te UEA ngai, are I kataboroa tuaam i bukin am bure nako.”

Itaia 41:24

Bon akea boonganami ngkami aika taian bouannanti, bon akea m'aakami. E na riki b'a te b'ai ae e rangi n ribaaki taromauriakimi.

Itaia 41:29

Bon akea boonganaia, ao bon akea te b'ai teuana ae a konaa ni karaoia akea manenaia nakon te ang ae e a taonnako.

Itaia 45:24

A na kakoaua b'a bon ti te Atua Ngai ae I karokoa te kaetitaeka ae eti. Ane e un ma ngai e na bon rangi ni kamaamaaeaki ao e na rairaki nako iu.

Itaia 49:25

Ma E a tia te UEA ni berita b'a E na tei man ara itera ao E na kamaiuia ara ataei mai rouia ara kairiribai aika a korakora ma n tiritiri aikai.

Itaia 49:26

E na karaoia aomata aika a iowawaa aikai b'a a na bon kana irikoia ao a na mooi boni man raraaia. Ao ane a na ataai aomata nako b'a bon ara Tia kamaiu te UEA; Atuan Iteraera ae Moan te M'aaka are e kamaiuia ana aomata.

Itaia 54:15

N na aki manga kanakoa temanna b'a e na buakana am kaawa, ao ko na karikiia b'a am taenikai koraki akana a buakaniko.

Itaia 54:17

A na aki nakoraoi taiani b'ainibuaka akana a karaoaki i bukin buakanakimi; ao a na aki konaa ni kamarakingkami taian taeka akana a ekinakoingkami. Bon am b'ai au tia m'akuri are Ierutarem! I berita Ngai ae te UEA b'a N na kakab'aiako n te tokanikai.

Ieremia 12:17

Ma ngkana a aki kan ongo i Rou, N na koutiia nako man abaia ma n tiringiia ni kabane. Bon aio au taeka Ngai ae te UEA.

Ieremia 2:3

Bon ti ngkami au b'ai, kaanga moan m'akoron te tai, ao I rangi ni katuaaia koraki aika a karaoa ae e aki raoiroi nako imi.

Taniera 4:35

E taraia aomatan te aonnaba b'a kaanga baika akea bonganaia; a mena i aan Ana babaire anera ake i karawa, ma aomata aika i aon te aba. Bon akea ae e kona ni kaitaraa Ana iango ke ni waea te b'ai ae E karaoia.

Tekaria 12:3

Ma N na onika Ierutarem nakon te atiibu ae e rawaawata ae e na kamanatuaia aomata nako i aon te aonnaba aika a katobibia Ierutarem,

M'akuri 16:39

A nako n raraoma nakoia, ao a kairiia nako man te karabuuti, ao a butiia b'a a na nako man aia kaawa.

Te Kaotioti 3:9

Noria, N na kanakoia tem'angina man ana botannaomata Tatan b'a a na bobaraaki i rarikini waem, te koraki aika taani kewe, aika taku b'a I-Iutaia ngaiia, ma bon tiaki, ao a na ataia b'a I tangiriko.