Itaia 40:31 - Te B'aib'ara

³¹ Ma e na manga reke te korakora ae boou irouia akana a onimakina te UEA. A na korakora kaanga ikare a na betiraoi i aoni baiia ni kiba; a na nakonako ao a na biribiri ao a na aki kua.

Itaia 40:31 ပူးပေါင်းရင်းမြစ်များ

Iobi 17:9

E na bon aki toki waen te aomata ae raoiroi, ao e a rikirake ni korakora ma ni korakora ane e itiaki baina.

Taian Areru 103:5

E anganganiko baika raraoi ni bongini maium, B'a e aonga n teimatoa marurungin rab'atam kanga ai aron te ikare.

Taian Areru 123:2

Tooro aki toki n tataara aia m'atita, ma ngaira ti na bon teimatoa n tataraiko, ni karokoa e na bon mena am nanoanga i aora.

Taian Areru 138:3

Ngke I weteiko, ao Ko ongo irou; Ko kakorakoraai ni korakoram.

Taian Areru 20:9

Te Atua, anga te tokanikai nakon te king; ao ongo iroura ngkana ti weewete.

Taian Areru 25:21

I ongotaeka iroum ma nanou ni koaua, Ao I onimakiniko, n ataakina b'a Ko na kamaiuai.

Taian Areru 25:3

A aki kona ni konaaki akana onimakiniko irouia aiaia; ma ti te koraki ake akea nanoia b'a ti te kan ekiko nako.

Taian Areru 25:5

Reireiai b'a N na maiuakina am Koaua, B'a Atuau Ngkoe ae Ko kamaiuai. I aki toki n onimakiniko.

Taian Areru 37:34

Kaantaninga te UEA, ao ira nanona; E na karineko n anganiko te aba, ao ko na nora ane buakaka ni kakioaki nako.

Taian Areru 40:1

I kakantaninga ana buobuoki te UEA: E kakauongo nako iu, ao E ongo au weewete;

Taian Areru 84:7

A rikirake riki ni marurung n aia tai ni m'ananga; A na nora te Atua ae tautaeka i aoia atua i Tion.

Taian Areru 84:8

Te UEA ae te Atua ae Moan te M'aaka, Ko na ongo au tataro; Atuan Iakob'a, Ko na ongora!

Taian Areru 92:1

Ai raoiroira te katituaraoiko, te UEA, ao te anenea karaoiroan aram, Ngkoe ae Ko Moa n Rietaata,

Taian Areru 92:13

Ai aroia kaai akana unikaki n ana auti te UEA, akana maiureirei n te Tembora ae Um'an Atuara;

Te Otinako 19:4

“Kam bon noori b'aai ake I karaoi Ngai ae te Atua nakoia kaain Aikubita, ma arou ni uotingkami kaanga te ikare ngkana e uotiia natina i aoni baina ni kiba, ma ni uotingkami nako ikai nako Iu.

Taeka n Rabakau 30:19

Aron te ikare ni kiba ieta ke te naeta ni kawakawa i aon taiani b'a, aron taiani kaibuke ni ieie i nanoni marawa ke aroia aomata n tangira.

Ana Anene Toromon 8:5

Antai te ateiaine aei ae e roko man te rereua man raraa angan teuare e tangiria? I kakiriwea am tangira i aan te kai ae te aboro ike ko bungiaki iai.

Itaia 25:9

Ane a na kaangai aomata n te tai arei, “E a tia te UEA ni kamaiura! Ti na karaoa ara bootaki ni kukurei. Ti tataninga ma ni kakantaninga ao ngkai e a mena Atuara ikai.”

Itaia 30:15

E a tia n tuangiira ni kabane te UEA ae E tabu ae Atuaia Iteraera ni kaangai, “N na kaawakiningkami ngkana kam oki Nakoiu ma ni karau nanomi. N na manga kakorakoraingkami ngkana kam nanoraoi n onimakinai.” Ma i mwiina kam a manga bonotaninga

Itaia 30:18

E tataninga te UEA ae te Atua ni kaota m'aitin ana akoi ao n nanoangaingkami. E aki toki te UEA ni kaakaraoa ae e raoiroi; e kakab'aiaia akana a onimakinna.

Itaia 41:1

Tai kakarongoa ao kakauongo, abam'akoro ni kabane i nanon te marawa. Kakorakoraingkami ao kaaningkami, aomata ni kabane aika taiani botannaomata. Ti na iangoa aron te b'ai ae e riki aei!

Itaia 64:4

Bon ti ngkoe te Atua ae e tuai man nooraki ke n ongongo taekana ae e karaoi taiani kakai i bukiia taani ri mwiina.

Itaia 8:17

Man te tai arei ni karokoa ngkai, ao I bon tiku naba n onimakina te UEA, e ngae ngke e a aki kukurei iroun Iteraera.

Ieremia 48:15

Ma bon te UEA Ngai, ae Moan te M'aaka, ao I berita b'a a na karanganakoi ami kaawa nako kairiribai. Ao a na bon mate naba ami taani buaka aika a bane aroia n te buaka.

Tekaria 10:12

N na kakorakoraia Au aomata i bukina ngkai bon te UEA Ngai, ao a na irai. Bon aei Au taeka Ngai ae te UEA!

Ruka 18:1

Ao E taekina te rongorongo ni kabotau Iesu nakoia ana reirei, ma te kaantaninga b'a a riai n tatataro n taai nako, ao a na aki b'ara nanoia.

I-Rom 8:25

Ma ngkana ti kaantaninga te bae ti tuai n noria, ao ti kakariaria ma te taotaonaki n nano.

2.I-Korinto 4:1

Ma ngaia aei, ngkae e reke i roura te m'akuri aei n ana nanoanga te Atua, ao a aki b'ara nanora;

2.I-Korinto 4:16

Ma ngaia ae a aki b'ara nanora. B'a ngkana e tabe ni mamara aomatara ae i aora, ma e boni kakorakoraki aomatara ae i nanora n te bong ae koraki.

I-Karatia 6:9

Ma a na tai toki nanora ni kakaraoa ae e raoiroi, b'a ti a bon tai anai mwin ara m'akuri n te tai ae riai, ngkana a aki b'ara nanora.

Te Tua-Kaua 32:11

Kaanga ai aron te ikare te UEA ae reireina natina ni kiba, ma n tatauraoi ni kiba rikaaki n rawea natina mai akuuna.

Te Tua-Kaua 33:25

ao a na reke mataroan am kaawa aika matoatoa aika te buraonti ao te biti b'autiia. A na korakora ami aomata ni kabane bongin maiuia.

1.I-Tetaronike 1:10

ao ni kaantaninga Natina mai karawa are E a manga kamaiua mai buakoia maate, are Iesu, are kamaiura man unin te Atua are e nangi roko.

Ebera 12:1

Ma ngaia ae ngaira, ngkai iai taani kakoaua aika rangi ni bati aika otab'aninira, ao ti na kaki b'aai nako aika katinebuira, ma te bure ae nimnimtira, ao ti na biri ma te nanokorakora n te kabobirim'aka ae kamenaki i m'aira;

Ebera 12:3

Kam na iangoa aron Teuare taotaona nanona nakon ribakina ae bati irouia taani bure, b'a a aonga n aki b'ara ma n toki nanomi.

Iotua 14:11

ao bon ti te bo naba marurungiu ngkai ma marurungiu n te tai are e kanakoai iai Moote b'a ana tia tutuo ni karaba. E bon rangi n tau naba ngkai korakorau nakon te buaka ke b'aai riki tabeua.

Te Kaotioti 12:14

Ao e anganaki neierei bain te ikare aika uaai aika ab'ab'aki, b'a e na kibakiba nakon te rereua nakon ana tabo, ike e na tararuaki iai i nanon tenua ma te iterana te ririki, ao ike e raroa nako iai mairoun te naeta.

Te Kaotioti 2:3

Iai i roum te nanom'aka, ao ko taotaona nanom i bukin arau, ao e aki b'ara nanom.

Te Kaotioti 4:7

Ao temanna ni baike a maiu ai aron te raian, ao te kauoman ai aron te kaomm'aane; ao te kateniman iai ubuna ae kanga ubun te aomata; ao te kaaman ai aron te ikare ae kibakiba.

Tani Motiki-taeka 16:28

Ao e tataro Tamton ni kaangai, Taiaoka te UEA ae te Atua, Ko na uringai. A auta matau kaain Biritia ni kanakoi, ma I butiko b'a ko na manga kakorakoraai riki te kabanea n tai, b'a I a kukurei naba ngkana tao e ti reke irantaangakin kanoan matau ti teuana.