Itaia 40:30 - Te B'aib'ara

³⁰ A na boni kua roronrikirake, a na tatatata ao a na b'aka.

Itaia 40:30 ပူးပေါင်းရင်းမြစ်များ

Taian Areru 33:16

E aki tokanikai te uea i bukina b'a e korakora ana taanga ni buaka; Ao e aki tokanikai te tautia i bukini korakorana.

Taian Areru 34:10

A kona raian ataei ni baki b'a akea kanaia, ma akea te b'ai ae e raoiroi ae na aki reke irouia akana ongeaba iroun te UEA.

Taian Areru 39:5

Moan te uarereke au bongi ni maiu; m'aitin au ririki ni maiu bon te akea i matam. Te maiu aei kaanga mwemwen te ang,

Te Minita 9:11

Ao aikai b'aai riki tabeua aika I a tia n noori i aan taai: Aika birim'aaka ao aomata aika a ninikoria a aki tootokanikai n taai nako n te kabobirim'aka ao te buaka. Te wanawana, ni ikotaki ma te niniwana ao te ataib'ai a aki anganiko te marurung n taai nako, te kaub'ai, ke tanoatan taekam. Ti bane n toa n te tekebuaka.

Itaia 13:18

A tiringiia rorobuaka n aia kanoanikatebe; e na bon akea te nanoanga ae e na nooraki nakoia ataei aika a uarereke ao naati.

Itaia 9:17

E a un te UEA irouia ana Aomata ao e bon teimatoa naba ni katuuaia, i bukina ngke a tia ni kaaitaraa. A buakaka ao a taetae n nanobaba. Ao bon anne bukina are e aki nanoangaiia aia roronrikirake ke aia aine aika a tia ni mate buuia ao ataei aika akea aia karo.

Ieremia 48:15

Ma bon te UEA Ngai, ae Moan te M'aaka, ao I berita b'a a na karanganakoi ami kaawa nako kairiribai. Ao a na bon mate naba ami taani buaka aika a bane aroia n te buaka.

Ieremia 6:11

E ura unim n ekaanako Iuta i nanou ao I aki konaa n taotaonna. Ko na aki tautauai! Ti nang kamaunaia aomata ni kabane— ataei akana a tabe n takaakaro ao ikawai ni kabane, ti te bo ataei ma ikawai.

Ieremia 9:21

Ti mena i nanon ara nono, ma e karaba n roko te mate ri nanon ara winto nako. E bon oroia naba ara ataei ni kab'akaia ngke a takaakaro ao ara rorobuaka n ataei aika a rangi ni korakora naba.”

Amota 2:14

E na bon aki kona naba ni birinako te aomata ae birim'aaka. Ao e na bua naba korakoran te aomata ae ninikoria, ao ana bon aki kona naba n rawei maiuia taian tautia.

1.Tamuera 30:10

Ao e reita nako kawaina Tawita ma rorobuaka ake 400; ao a kua ana rorobuaka ake 200 b'a a aki konaa n ri nanon te karaanga are e uarereke ma ngaia are, a tiku n iterana are teuana.