Itaia 40:28 - Te B'aib'ara

²⁸ Kam tuai ataia? Kam tuai naba ongo? Bon akea tokin te UEA, Te tia karaoa te aonnaba. E bon aki konaa ni kainano ke ni kua; bon akea tian wanawanana.

Itaia 40:28 ပူးပေါင်းရင်းမြစ်များ

Karikani B'aai 21:33

Ao Aberaam, e unika te aroka ae te Tamaritiki i Beerateb'a, ao e taromauria te UEA, ae te Atua ae akea tokina.

Iobi 38:18

Ko ataia b'a buburara te aonnaba? Ko na kaekaai ngkana ko ataia

Taian Areru 138:8

Ko na kakoroa bukin am kaantaninga i buku; te UEA, akea tokin am tangira. Ko na katia te m'akuri are Ko a tia ni moana karaoana.

Taian Areru 139:6

E kamimii irou te ataib'ai aei; e ri aon au atatai.

Taian Areru 145:3

E kakannato te UEA, ao E riai ni kabatiaki kamoamoana; Akea temanna ae ataa aroni kakannatona ni kabane.

Taian Areru 147:5

E kakannato ara Uea ao E korakora; akea tokin ana atatai.

Taian Areru 90:2

I m'aini karikani maunga iroum, Ngke Ko tuai ni karika aon te aba ma aonnaba, Ao bon te Atua Ngkoe ma ngkoangkoa ao n aki tootoki.

Itaia 37:26

Ko na ongora, ngkai Tennakeriba Irou, Ngai ae te UEA. I baairea te b'ai aei man taai aika a nako. Ao ko tuai man ataia ae bon ti Ngai ni baaireia b'a ngkoe ae ko na karaoi b'aai aikai. I karaoiko b'a ko na urui kaawa aika a buubura.

Itaia 40:21

Ko tuai man ataia? Ko tuai man ongongo, E bon aki teretere raoi b'a bon te Atua ae e karika te aonnaba?

Itaia 42:4

E na bon aki b'ara nanona ke ni kua ni karokoa e roko raoi te eti n te aonnaba ni kabane, ao a kariaria botannaomata nako nakon ana reirei.

Itaia 45:22

“I kaooa te aonnaba ae e b'anin b'a e na rairaki nako iu ao e na maiu. Bon ti te Atua Ngai! Akea riki te Atua ni koaua.

Itaia 57:15

E maiu n aki toki Atuara n taiani karawa, ao aei ana taeka: Ngke I maeka n ae e rietaata i eta n te tabo ae e tabu, ma I bon mena naba ikai b'a N na buokiia aika nanorinano aika a ti mwiokoai.

Itaia 59:1

E tuai ni bua korakoran m'aakan te UEA; E boni konaa naba n ongo ao ni kaekai taiani tataro.

Itaia 66:9

Bon te UEA ae E kanakoraoa te bung. Ao E na bon nooria b'a e na karikiia natina aika a bati Tion. Boni Ngai ae te UEA ae I taetae.

Ieremia 10:10

Te UEA, bon ti Ngkoe te Atua ni koaua ae e maiu. Ko na tautaeka n taai nako. E m'aieie te aonnaba ngkana ko un, ao a mauna nako botannaomata.

Ieremia 32:17

Te UEA ae te Atua, Ko arora naako baim ao Ko karaoa karawa ao te aonnaba. Ko konaa ni karaoi b'aai ni kabane.

Ieremia 4:22

I ongo b'anaan te UEA ngke E kaangai, “A aki kubarai au aomata, bon ataei ngaiia aika a nanobaba ae a aki ataia ae a na katuaaeaki. Ti te b'ai ae a ataia aron karaoan te bure.”

Mareko 16:14

I mwina ao E kaoti nakoia reirei ake tengauni ma temanna ngke a am'arake; ao E takuia i bukin aia aki onimaki ao matoatoan nanoia i mwin tuangakiia irouia te koraki ake a tia n noria i mwin te tai are E a manga uti iai.

Mareko 9:19

E taku Iesu nako ia, “Te botannaomata ae akea ana onimaki; tao maan ra ae N na titiku iai i rarikimi? Ao tao maan ra taotaonakin nanou nako imi? Uota mai te teinimm'aane nako Iu!”

Ruka 24:25

Ao E taku Iesu nako ia, “Aomata aika kam nanobaba, ao kam waeremwe n iri nanoni b'aai ni kabane ake a atongi burabeti!

Ioane 14:9

E taku Iesu nakoina, “Ai maanraa Ngai ni mena i rarikimi, ao ko tuai man ataai, Biribo? Ane e a tia n norai, ao e a tia naba n nora Tamau; e aera ngkai ko kaangai, ‘Kaota Tamam nako ira’?

Ioane 5:17

E kaekaia Iesu ao E taku, “E m'am'akuri nako naba Tamau, ao Ngai I riai naba ni m'akuri.”

M'akuri 13:47

B'a boni ngaia are ti tuangaki iai iroun te UEA, ni kaangai, “I kateiko b'a te oota Ngkoe nakoia aomata aika aki onimakina te Atua, ao te kawai ni kamaiu nakoia aomata nako i aonnaba.”

I-Rom 16:26

ma, ngkai, e a tia ni kaotaki, ao e a ataaki irouia botannaomata ni kabaneia ri nanon aia boki burabeti n ai aron are E tua te Atua b'a e na koreaki, b'a a aonga n onimakinna ma n ongeaba i rouna.

1.I-Korinto 2:16

n aron are koreaki ni kangai: “B'a antai ae ata nanon te UEA, b'a e na reireia?” Ma bon iai i roura i nanoni Kristo.

1.I-Korinto 6:16

Kam aki ata te aomata ae nim ma te kabekaau b'a kanga temanna n aomata ngaia ma ngaia? B'a e kangai taekana are koreaki, “A na riki b'a kanga temanna n aomata naka uoman.”

1.I-Korinto 6:19

Kam aki atai rab'atami b'a ana um'antabu te Tamnei are Raoiroi, are maeka i nanomi, are reke i roumi mairoun te Atua? Ai tiaki ami b'ai ngkami.

1.I-Korinto 6:9

Kam ataiia aomata aika buakaka b'a e aki reke i rouia uean te Atua? Kam na tai kababaingkami; e aki reke uean te Atua irouia taani wene ni bure, ma taan taromauri bouannanti, ma aomata aika aki kakaonimaki nakon aia berita ni mare, ma mm'aane aika baka ni kan aine, ma mm'aane aika bure ma mm'aane,

Te Tua-Kaua 33:27

Nnera ni karabaira te Atua ae akea tokina; E uotiira ni baina. Ngkana E tuangkami te UEA b'a kam na tiringiia ami kairiribai, ao ane E na kabirinakoia mai m'aaimi.

I-Biribi 1:6

ao I koaua raoi n aei, b'a Teuare moana te m'akuri ae e raoiroi i nanomi, E na boni wakina karaoana ni karokoa ae e tia n ana bong Kristo Iesu.

1.Timoteo 1:17

Ana b'ai te Uea ae akea tokina, ae aki mamate, ae aki nonoraki, ae te Atua ae ti temanna, te karineaki ma te neboaki n aki totoki. Amen.

Ebera 9:14

ao ai bati ra riki kaitiakani mataniwin nanora mani m'akuri aika akea uaaia n raraani Kristo are anga Ngaia iroun te Tamnei are Raoiroi n aki totoki b'a te karea ae akea buakakana nakon te Atua, b'a kam aonga n toro iroun te Atua ae maiu!

1.Tamuera 2:10

Ara UEA, a na maaerikiriki aomata aika buakaniko ngkana Ko buakaniia ma rebwen te baa mai karawa. Ko na motika taekan te aonnaba ae b'anin ao Ko na anga te m'aaka ma te korakora nakon am uea ae rineaki.