Itaia 40:26 - Te B'aib'ara

²⁶ Bon noora karawa n te tairiki! Antai ae e karaoi taian itoi? Antai ae e anganiia araia n tatabemaniia nako? Antai ae e kairiia kaanga te taanga ni buaka? E bon rangi ni korakora te UEA n te aro are bon akea mai buakon taian itoi aika bua.

Itaia 40:26 ပူးပေါင်းရင်းမြစ်များ

Karikani B'aai 1:14

Ao i mwiina, E a manga taku te Atua, “Ke e riki te oota i karawa, ao e na kaokoroa te ngaina ma te tairiki, ao ni kaotii boong, ririki, ao aeka ni bobotaki nako ni moanaki aroia.

Karikani B'aai 1:16

Ao te Atua, E karaoi oota aika uoua aika buubura ake taai ma nam'akaina. E angan taai te taua taekan te ngaina, ao nam'akaina te taua taekan te tairiki, ao E karaoi naba taian itoi.

Taian Areru 102:25

Ko kawenea aan aonnaba ngkoangkoa, ao Ko karaoa karawa ni baim.

Taian Areru 119:91

A tiku b'aai n aroia ni karokoa te bong aei i bukin am Taeka; B'a a bane b'aai ni m'akuri i bukim.

Taian Areru 121:1

I tara rake n tarai maunga! e na reke mai ia buokau?

Taian Areru 19:1

A tataekina mimitongin te Atua taiani karawa, Ao a kaotioti baika E a tia ni karaoi taian nang.

Taian Areru 66:3

Kam na kaangai nakon te Atua, “Ai kamimiira am M'akuri aika Ko karaoi! E korakora M'aakam, ma ngaia ae a bobaraaki aiam i m'aim b'a a makuko.

Itaia 34:16

Ko konaa ni kakaaea ao ni kunea n ana boki te UEA n are e koreaki iai, “E ikoti ni kabane ana karikib'ai te UEA ni m'aakan Tamneina, ao akea temanna ae e bua.”

Itaia 42:5

Bon te UEA Ngai ae te Atua. I karaoi taiani karawa kaanga te autinrianna ae e tangaina nako ieta. I karaoa te aonnaba ma b'ai ni kabane aika a maiu i aona. Boni Ngai boton te maiu ni baika a maiu ni kabane n te aonnaba, ma ngaia are, kakauongo nakon te b'ai ae I taekinna.

Itaia 44:24

Iteraera, bon ami UEA Ngai. Boni Ngai boton maiumi. ao I a tia ni kamaiungkami. I kariki b'aai nako ma i karawa i eta nakon te aba i nano.

Itaia 45:12

I karika te aonnaba ao I kaonna irouia aomata; I arora nako karawa ao I kaonna n taian itoi.

Itaia 45:7

I karika te oota ao te roo, te kukurei ao te nanokawaki. Boni Ngai ae te UEA ae I karaoi baikai ni kabane.

Itaia 48:12

Iteraera ae au aomata ae e rineaki, kakauongo irou Bon ti te UEA Ngai, te moan ao te kabane.

Itaia 48:13

I karika te aonnaba n oin baiu ao n taakina nako karawa. A ongotaeka n taeka ni kabane.

Itaia 51:6

Karaua n taraa karawa! Tarai aonnaba. E na mauna nako karawa kaanga te bubu; ao e na mangaingai te aonnaba kaanga taiani kunnikai. A na bane ni mate aomata aika i aon te aonnaba kaanga taian nango. E na akea tokin au tokanikai; ao e na teimatoa m'aakau ni kakamaiu.

Itaia 66:2

I a tia ni karaoi b'aai nako; ao anne aron rikiia ni kabane. Bon aei au taeka Ngai ae te UEA. Aomata ae I kawakinia riki bon aika nanorinano are a mena aia mwioko irou ao a ruru ngkana I taetae.

Te Tua-Kaua 4:19

Ao ngkana kam noora nam'akaina ke taian itoi, ao kam na aki bobaraaki n taromauriia. E bon katikuia te UEA ikekei b'a aonga n taromauriaki irouia botannaomata tabeua.