Itaia 40:22 - Te B'aib'ara

²² Bon te Atua ae e tautaekana te aonnaba ni kabane, ao ngaira aika ti maeka ikai bon ti taian man aika a uarereke. E taakin nako taiani karawa kaanga te kunnikai ke te autinrianna ae e aki rokinaki.

Itaia 40:22 ပူးပေါင်းရင်းမြစ်များ

Karikani B'aai 1:6

Ao E a manga taku te Atua, “Ke e riki te raure i marenan taian ran.”

Iobi 22:14

Kam taku b'a e toki ana taratara n taian nang aika matenten ngkana E tabe n nakonako i aon mronronin karawa.

Iobi 26:7

E arora karawa meang i aon te akea, ao E katinetinea te aonnaba n te akea.

Iobi 36:29

Bon akea ae ataa butin taian nang, ke aron rurungaan te baa ri karawa, n te tabo are E maeka iai te Atua.

Iobi 37:18

Ko kona ni buoka te Atua n arora karawa ma ni karaoia b'a kaanga te biti ae matoatoa?

Iobi 9:8

Bon akea temanna ae buoka te Atua ngke E taakina nako karawa, ke ngke E toubekaa nukan te mannikaakang ae kakamaaku are i taari.

Taian Areru 104:2

Ko otab'aniniaki n te oota b'a kanga niniram. Ko taakina karawa b'a kanga te roki.

Taian Areru 18:11

E rabunna n te roo; E otab'aniniaki n nangi ni karau aika matenten.

Taian Areru 19:4

Ma e roti taabo nako i aonnaba te baere a kaotiotia n akea temanna ae na aki ataia. E a tia te Atua ni karaoa nen taai i karawa;

Taian Areru 2:4

E na ngarengare te Uea are tekateka i aon ana kaintokanuea i karawa, ni b'ainingareia botannaomata.

Taian Areru 29:10

E tautaeka te UEA mai aon ana kaintokanuea b'a bon Ngaia Uean te ieka n aki toki.

Taian Areru 68:33

are buti i aoni baona i karawa, are te karawa ngkoangkoa. Ongora ni b'anaana, ae te b'ana ae korakora.

Taeka n Rabakau 8:27

I mena ikekei ngke e katikui taiani karawa te UEA ni nneia ma n taakina nako karawa i aon taari.

Itaia 19:1

Aio rongorongon Aikubita: E roko te UEA mai Aikubita, n toka i aon te nang. A aki konab'ai aomata i bukin maakuia. A rurubenebene aia bouannanti ngke e roko man taku,

Itaia 37:16

Te UEA ae Atuaia Iteraera ae Moan te M'aaka, e mena am kaintokanuea i aon baika a maiu aika iai baiia ni kiba. Ko karaoa karawa ma aonnaba, ao bon ti Ngkoe n tautaekan taian abanuea n te aonnaba.

Itaia 40:15

Bon ti taian timtim n ran i nanon te b'aketi botannaomata ni kabane iroun te UEA ke te taaurouro i aon te kainikatine; bon ti te abutana te tano abam'akoro ni kabane.

Itaia 40:17

E iangoia botannaomata te Atua b'a b'aai aika akea manenaia.

Itaia 42:4

E na bon aki b'ara nanona ke ni kua ni karokoa e roko raoi te eti n te aonnaba ni kabane, ao a kariaria botannaomata nako nakon ana reirei.

Itaia 42:5

Bon te UEA Ngai ae te Atua. I karaoi taiani karawa kaanga te autinrianna ae e tangaina nako ieta. I karaoa te aonnaba ma b'ai ni kabane aika a maiu i aona. Boni Ngai boton te maiu ni baika a maiu ni kabane n te aonnaba, ma ngaia are, kakauongo nakon te b'ai ae I taekinna.

Itaia 44:24

Iteraera, bon ami UEA Ngai. Boni Ngai boton maiumi. ao I a tia ni kamaiungkami. I kariki b'aai nako ma i karawa i eta nakon te aba i nano.

Itaia 51:13

I taakina nako taiani karawa ao I kawenea aan te aonnaba. Ma kam a tia ni m'aninga taekau, Ngai ae ami UEA ao te Tia Karikib'ai. Kam katoabong ni maakuia koraki aika a un nanoia ma n taku b'a a na kabuakakako. Ma a mena ia ngkai?

Itaia 66:1

E taku te UEA: Au kaintokanuea karawa ao nnen katokaniwaeu aonnaba. Tera te aekaki n auti ae ko na karaoia ibuku? E nga te tabo ae N na motirawa iai?

Ieremia 10:12

Ko karaoa te aonnaba ao ko taakin taiani karawa ni wanawanam ao m'aakam.

Tekaria 12:1

Aio te rongorongo mairoun te UEA i bukin Iteraera: Bon te UEA Ngai! I arora nako taiani karawa; I kaaki te aonnaba i aon aana ao I anga te ikeike ni maiu nakoia aomata.

Warekaia Iteraera 13:33

Ao ti bon nooriia raoi kaain Nebiri ake boni ngaiia aia bakatibu kaain Anaka. A bon rangi ni buubura n te aro are ti a taku b'a kaanga ai aron taian taake ngaira.”