Itaia 40:18 - Te B'aib'ara

¹⁸ Antai ae e na kabootauaki ma te Atua? iai te b'ai ae ai arona?

Itaia 40:18 ပူးပေါင်းရင်းမြစ်များ

Iobi 40:9

E boraoi korakoram ma Ngai? Ko kona ni karebwea b'anaam n ai aron rebwen te baa, kaanga b'anaau?

Taian Areru 113:5

Akea n ai aron te UEA ae Atuara. E mena ana kaintokanuea i etani karawa,

Taian Areru 89:6

Te UEA, akea n ai arom i karawa; akea i buakoia kaaini karawa ae ti te bo ma Ngkoe.

Taian Areru 89:7

E korakora makakim irouia kaain te kauntira i karawa; Ko kakamaaku nakoia ake a mena i rarikim.

Taian Areru 89:8

Te UEA ae te Atua are Moan te M'aaka, akea n ai arom ni korakora; te UEA, Ko kakaonimaki ni b'aai nako.

Te Otinako 15:11

“Te UEA, antai ae ai arom i buakoia atua? Antai ae katotongko n arom ae Ko tabu ma ni mimitong? Antai ae kona ni karaoi kakai ma m'akuri aika ab'ab'aki n aron am m'akuri?

Te Otinako 20:4

“Tai karaoi ami bouannanti aika katotongan b'aini karawa, ke b'ain aonteaba, ke b'ain marawa are i aan te aba.

Te Otinako 8:10

Ao e taku te uea, “Ko na karaoia nakon te ingabong. Ao e kukurei iai Moote ao e kaangai, “Ngkana ko tangiria. Ao a na bane aomata n ataia b'a bon akea riki te anti ae ai aron te UEA,

Te Otinako 9:14

Bon aei te tai are N na aki ti katuaaia am mataniwi ma am aomata, ma N na bon katuaaeko naba, b'a ko aonga n ataia b'a bon akea ae ai arou n te aonnaba aei ni kabutaa.

Itaia 40:25

E titiraki te Atua ae tabu, “Antai ae e kabootaua ma Ngai? Bon iai ae e boraoi ma Ngai?”

Itaia 44:6

Bon te UEA Ngai ae Moan te M'aaka, Te moa ao te toki, ae ti Ngaia te Atua ae ti temanna. Iteraera, I a tia ni kamaiuko! Bon am Uea Ngai.

Itaia 46:5

Iai iroumi ae e konaa ni kabootaua ma Ngai? Iai ae e booraoi ma Ngai?

Itaia 46:9

Bon ti Ngai te Atua! Bon akea riki atua i rarikiu; bon akea naba n ai arou. Kam na iangoi baika a tia n riki n ririki aika a b'aka nako.

Ieremia 10:1

E taku te UEA: Ongora i Rou, ngkami aika Iteraera. Kam na aki irii kateia botannaomata aika ianena aika a mamaaku ngkana a noora te b'ai teuana ae e kamimii ae e riki i karawa.

Ieremia 10:16

Ko karaoi b'aai nako Ngkoe ae Atuaia Iteraera, ao ko rinea Iteraera b'a am b'ai ni koaua. Aram bon te UEA ae Moan te M'aaka.

Ieremia 10:6

Ara UEA, ae E korakora ma ni m'aaka bon ti Ngkoe te Atua.

Mika 7:18

Ara UEA bon akea riki n ai arom, te UEA; Ko kab'arai aia bure am aomata ake nikira ni maiu. Ko aki kakamaana unim, ma Ko kukurei riki ni kaota Am tangira ae e teimatoa nakoira.

M'akuri 17:29

Ma ngaia aei, b'a ngkai ti riki mairoun te Atua ao e aki riai b'a ti na taku i nanora b'a te koora arona n Atua, ke te tirewa, ke te atibu, are karaoaki b'a katotongana iroun te aomata ae rangi n rabakau ni m'akuri n tabonibaina, man ana iango.

Te Tua-Kaua 33:26

Kaain Iteraera, bon akea te atua temanna ae ai aron Atuara; taian nang Ana kaanibuaka ngkana E m'ananga i aon taiani karawa ngkana E na kawariira ni buokiira.

Te Tua-Kaua 4:15

Ao ngke e taetae te UEA nakoim man te ai, ao bon akea rab'atana. Ma ngaia are, kam na taratara raoi

I-Korote 1:15

Kristo boni katotongan te Atua ae aki nonoraki, ao bon te moa n Nati ae kakannato i aoni b'aai ni kabane aika karikaki.

Ebera 1:3

Ngaia raneaneani mimitongin te Atua, ao katotongan arona ni koaua; ao E kateimatoai b'aai ni kabane aika karikaki b'a a na waki n aroia n ana taeka ae m'aka. Ngke E a tia ni kaitiaki buure, ao E tekateka i angaatain te Atua are M'aka i eta;

1.Tamuera 2:2

Bon akea riki te atua n ai arom. Ao mai rouna ti a kamaiuaki nakon aon te maunga.