Itaia 40:15 - Te B'aib'ara

¹⁵ Bon ti taian timtim n ran i nanon te b'aketi botannaomata ni kabane iroun te UEA ke te taaurouro i aon te kainikatine; bon ti te abutana te tano abam'akoro ni kabane.

Itaia 40:15 ပူးပေါင်းရင်းမြစ်များ

Karikani B'aai 10:5

Bon ngaiia aia bakatibu aomata ake a maeka i mataniwiin taari, ao i aon taian abam'akoro. Ao aikai kanoan Iabeta, ake a maeka n aia baronga, ao abaia aika kakaokoro. A bon kakaokoro aia taetae n aia m'akoro nako.

Taian Areru 62:10

Tai onimakini ami m'akuri ni bai-tabare, Ao tai kaantaninga rekeni kab'aiami mani kurib'aiaia aomata iroumi. Ao ngkana a rikirake kaub'aimi, ao tai taku b'a e mena iai mwiokoni maiumi.

Taian Areru 62:9

Ai aron te ike ae ti teuana aomata nako; Ao ti te bo aroia aika kakannato ma aika mangori n akea manenaia. Ngkana a tauaki rawawataia, ao bon akea rawawataia; A bebete riki nakon rawawatan angin te ike ae ti te ikena.

Itaia 11:11

Ngkana e roko te bong arei, ao e na manga arora baina ae e m'aaka te UEA ni kaokiia ana Aomata nakoni mwengaia ake taian nikira ni maiu mai Aturia, Aikubita, Bateroti, Itiobia, Eeram, Tina. Amata, ao te aba are i mataniwiin taari.

Itaia 17:13

Ma e ngae ngkana a rurunga kaanga te ieka ae e kakamaaku, E na tuangiia te Atua b'a a na oki rikaaki. A na riki b'a kaanga te bubu, ke kaanga te uteute ae e ukaki nako n te ang are e karabinobinoaki ri aon taian tabuki n te angibuaka.

Itaia 2:22

Katoka onimakinan m'aakaia aomata. A na boni bane ni manga mate, ao a na kangaa ni buokingkami?

Itaia 29:5

Ao i mwiina, e na karina ni uotaki nako am kairiribai ae moan te tiritiri n ai aron baareka i nanon te angibuaka.

Itaia 40:22

Bon te Atua ae e tautaekana te aonnaba ni kabane, ao ngaira aika ti maeka ikai bon ti taian man aika a uarereke. E taakin nako taiani karawa kaanga te kunnikai ke te autinrianna ae e aki rokinaki.

Itaia 41:5

A noora te b'ai are I a tia ni karaoia taian abam'akoro ao botannaomata aika ianena ao a rurubenebene ngke a tabe ni kaan.

Itaia 59:18

E na rangi n un ngkai te UEA ao e na karaoia nako ia aia kairiribai ake a kaan ma ake a raroa te b'ai naba are a karaoia nako ia ana Aomata.

Itaia 66:19

man kakoauaan te b'ai ae I konaa ni karaoia. N na karokoia taiani nikira ni maiu mai Taretiti, Bura, Ruuta, Meteka, Tubara, Iawan, ni karokoa abam'akoro ake a raroa nako. N na kanakoia b'a a na katanoataa mimitongiu ae e kamimii nakoia botannaomata nako aika a tuai man ongongo taekau.

Ieremia 10:10

Te UEA, bon ti Ngkoe te Atua ni koaua ae e maiu. Ko na tautaeka n taai nako. E m'aieie te aonnaba ngkana ko un, ao a mauna nako botannaomata.

Taniera 11:18

Ao i mwiin anne, e na buakana te botannaomata mai taari ma ni kataenikaia aika a m'aiti. Ma e na konaaki ma n toki kamoamoana iroun te tia kairiiri ae te ianena. E na manga boni kaoka ana kamoamoa uean Tuuria bon nakoina.

Taniera 4:32

Ao ane ko na kakioaki nako man te kaawa, ao ko na maeka ma taian man aika a moaanti, ao ko na kana te uteute n ai aron te kao i nanon itiua te ririki. Ao ane ko na kakoaua b'a iai m'aakan te Atua ae e m'aaka i aon ana tautaeka te aomata, ao E kona n anga nako ngaiia nakon temanna are E bon taku.

Taniera 4:35

E taraia aomatan te aonnaba b'a kaanga baika akea bonganaia; a mena i aan Ana babaire anera ake i karawa, ma aomata aika i aon te aba. Bon akea ae e kona ni kaitaraa Ana iango ke ni waea te b'ai ae E karaoia.

Teb'ania 2:11

Ana kab'ainrangaki iroun te UEA. E na kakerikaaki m'aakaia antiia te Atua ao ana riki n akea bonganaia. Ao botannaomata ana taromauria te UEA n oin abaia n tatabemaniia nako.