Itaia 40:11 - Te B'aib'ara

¹¹ E tararuaia ana Botannaomata te UEA, kaanga te tia kaawakintiibu ni kaawakiniia ana Nanai n tiibu. E uouotia tiibu ataei i aoni baina ao ngke e tabe ni kaira raoi te tina n tiibu.

Itaia 40:11 ပူးပေါင်းရင်းမြစ်များ

Karikani B'aai 33:13

Ao e taku Iakob'a, “A rangi ni waeremweremwe ataei aikai, ao I iangoia naba tiibu ma maan aikai ma natiia aika uarereke. Ngkana tao a imanonoaki ni kawaekoaki i nanon ti te bongina, ao a na bon bane ni mate.

Karikani B'aai 49:24

Ma e bon tiku n ariraki ana kainikatebe ma ana kanoanikatebe. Ao a kakorakoraaki angan baina Ni m'aakan te Atua ae Moan te M'aaka, ae Atuan Iakob'a, Ae te Tia kawakin tiibu, ae te Tia kawakina Iteraera.

Taian Areru 100:3

Kam na ataa te UEA b'a bon te Atua Ngaia. Boni Ngaia ae karikira, ao ana b'ai ngaira; Bon ana Aomata ngaira, aika E kakawakinira b'a kanga ai aroia tiibu.

Taian Areru 27:10

Tao a kona ni kitanai tamau ma tinau, ma E na m'aneai n akoai te UEA.

Taian Areru 28:9

Te UEA, kamaiuia am botannaomata; ao kakab'aiaia te koraki akana am b'ai. Ko na riki b'a te tia kawakinia n ai aron te tia kawakin-tiibu; ao kawakinia n aki toki.

Taian Areru 37:3

Onimakina te UEA, ao karaoa ae raoiroi; Ko na maeka ma te rau raoi i aon te aba.

Taian Areru 80:1

Katanimaia taningam, Ngkoe ae te tia kawakinia Iteraera b'a kanga tiibu ngaiia; Ko na ongo iroura, Ngkoe ae te tia kaiririia am nanai n tiibu. Ngkoe ae Ko tekateka i aon am Kaintokanuea are i aoia kerubim,

Itaia 42:3

E na bon aki otea naba te uteute ae manamana ke ni kabuokia, ma e na kakoaua raoi b'a e na karaoaki ae eti.

Itaia 63:11

Ma ana aomata a uringa te b'ai are e riki ngkoa n ana tai Moote E bon aki uotiia ngkoa te UEA ma aia taani kairiiri nako ma ni kaawakiniia raoi i nanon taari? E bon aki anganiia ngkoa Tamneina ae e Raoiroi?

Ieremia 31:10

Ongo irou, ngkami aika botannaomata aika kam kaan ma akana kam mena n taabo aika a raroa i taari. I kamaaeia nako ia Iteraera, ma N na manga ikotiia riki. N na kaawakiniia kaanga te tia kaawakintiibu ngkana e tararuaia ana nanai ni man;

Ieremia 31:8

Boni Ngai ae te UEA, ae N na kairiia Au aomata b'a a na oki mai B'aburon ao man taabo nako n te aonnaba. A na mena ikekei te mataki ma te m'auku. Aine aika i aon kawaia n riki b'a tiina ao aine aika a na bung a na roko naba ma n riki b'a kaain te koraki n aomata ae e korakora.

Etekiera 34:15

I berita b'a N na tararuaia ma ni kaawakiniia b'a a na aki reke n te kangaanga,

Etekiera 34:16

ma ni kakaaia ake a bua ma ni kaokiia ake a tiotio nako, ma ni bauti ikoakiia ake a ikoaki, ao n tararuai maiuia aika a mamaara. N na boni kamateia naba aika a marikarika ao a korakora, i bukina b'a I kakaaraoa ae e raoiroi n taai nako.

Etekiera 34:2

Etekiera ae natin te aomata, ti te bo taan kairiiri i Iteraera ma taan kaawakin tiibu aika a kaawakiniia au tiibu, aika Iteraera. Ma I tangiriko b'a ko na kabuaakakaia taani kairiiri aikai ma ni kaangai nakoia: Boni Ngai ae te UEA ae I kaangai, E a roko te kaangaanga i aomi taan kairiiri i Iteraera! Kam bon iangoi aromi i bon iroumi ao kam kaaki taekaia Au tiibu.

Etekiera 34:23

I mwiin anne, N na karekea ami tia kaawakin tiibu man te utu are ana toro te Uea are Tawita. A na kaai n reke ami tia kaawakin tiibu ae ti temanna ngkami aika kam korakora ma aika kam mamaara, ao e na kaawakiningkami raoi.

Etekiera 34:31

Bon Au tiibu ngaiia; ao Ngai Atuaia, ao boni Ngai ae I kaawakiniia.

Etekiera 37:24

E na uea i aoia temanna ae e nako mairoun Au toro are Tawita. A na bane n ikotaki i aan temanna te tia tautaeka ao a na ongotaeka nakon au Tua nako.

Mika 5:4

Ngkana e roko, ao E na bon taua taekaia ana aomata ma te korakora are e anganna te UEA, ao ma ni kaotiota naba mimitongin te UEA n ti Ngaia. A na boni maeka ana aomata ma te rau, i bukina b'a e bon namakinaki kakannaton ana tautaeka ni kabutaa te aonnaba,

Mika 7:14

Te UEA, Ko na riki b'a te tia kaawakin tiibu nakoia Am aomata, Am aomata ake Ko rineia. E ngae ngke a maeka ni kaokoro n te rereua, ma boni iai aaba aika a maiu aika a katobibiia. Kariaia b'a a na nako am tiibu n am'arake n uteuten Batian ao Kireata aika a maiureirei, n ai aron are a kakaraoia n taai ake ngkoa.

Tekaria 11:7

Ma ngaia are, I riki b'a te tia kaawakiniia tiibu i bukiia tiibu aika a reke n te kabuanib'ai irouia taan kabonakoi tiibu. Ao I aran taiani kai aika uakai ake I kamanenai ngkoa i bukin kaawakin taian tiibu: e arana teuana b'a “Nanoanga” ao teuana b'a “Katiteuanaki.”

Tekaria 13:7

E taku te UEA ae Moan te M'aaka: Uti, Au kabaang! Buakana au tia kaawakin tiibu ao raoraou. Orea te tia kaawakin tiibu ni kab'akaa! Kamaaenakoia tiibu aika uarereke, ao N na uruaniia.

Ebera 13:20

Ao te Atua, ae mai Rouna te raoi, are kaira rake mai buakoia maate ara Uea are Iesu, are te Tia Kawakin tiibu are kakannato, are e kabonganaki raraana i bukini karaoan te boraraoi are aki toki,

1.Betero 2:25

B'a kam tiotio nako ngkoa n ai aroia tiibu; ma kam a oki ngkai nakon te Tia Kawakini maiumi ma te Tia Tararuai.

1.Betero 5:4

Ao ngkana E a manga oki te Tia Kawakin-tiibu are te Mataniwi, ao e na reke iroumi te bau are te neboaki are aki kona n rai.

Te Kaotioti 7:17

ao te Tiibuteteei are i nanoaan te kaintokanuea, E na kawakinia n ai aron te tia kawakin-tiibu, ao E na kairiia nakoni koburaken raan aika kamaiu; ao te Atua E na kaoi rannimataia ni kabane mai mataia.”