Itaia 40:1 - Te B'aib'ara

¹ E a tia ni kaangai te Atua: “Kaungai nanoia au aomata! Anganiia te rau.

Itaia 40:1 ပူးပေါင်းရင်းမြစ်များ

Neemia 8:10

Ao e taku Neemia nakoia aomata, “Kam na kukurei ni kang kanami ao n nim nimami aika a raraoi ao ni i buokanib'ai iai ma raomi aika akea uotaia. Kam na aki nanokawaki! Bon ana bong te UEA ae e kaokoro te bong aei, ao E na bon kakukureingkami ma ni korakoraingkami.”

Taian Areru 85:3

Ko katoka unim irouia ao Ko aki kaotinakoa unim ae korakora.

Taian Areru 85:8

N na ongora nakon te bae E taekinna te UEA; E atonga ae na reke te raoi nakoira, ngaira aika ana botannaomata aika ti kakaonimaki nakoina, ao ti na bon aki oki nakon arora n nanobaba.

Te Minita 3:4

te tai n tang ao te tai ni ngare, te tai n nanokawaki ao te tai ni kukurei,

Itaia 12:1

Ko na kaangai n te tai arei. “I kaaitauko te UEA! ko un ngkoa irou, ma e a toki unim ao ko a anganai te mweraoi.

Itaia 3:10

Tuangiia aomata aika a ongotaeka iroun te Atua ni kaangai, “Kam rangi n tekeraoi kam na anganaki kaniwangami i bukin te b'ai ae kam a tia ni karaoia.”

Itaia 41:27

Boni Ngai ae e moan tuangiia Iteraera ni kaangai, “Nooria, e a koro bukina!” Bon te moan Ngai ni katanoataa te rongorongo ae e raoiroi aei nakon Tion.

Itaia 50:10

Bon akea mairoumi ae e karinea te UEA ke n ongotaeka nakon ana tia m'akuri. Ko nakonako n te roo ao tiaki te oota; ko aki onimakina aran te UEA ae Atuam.

Itaia 51:12

Bon te UEA Ngai, are E kaungaingkami. E aera ngkai kam maaka te aomata? A m'au ma ni mate kaanga te uteute.

Itaia 51:3

E ngae ngke e uruaki Tion, E na uota te rau te UEA, ao e na rangi n taatangiraki te kaawa n ai aron te nne n aroka are Eten are E a tia ni katauraoia. Ao i mwiina, e na karaoa ana bootaki ni kukurei Tion; e na kakaaitau ao e na anenea te anene ni kukurei.

Itaia 52:9

Ierutarem, teirake mai buakon uruakim! ira buakon te anene. E a tia te UEA n anga te rau nakoia ana Aomata; E roko b'a e na kamaiu.

Itaia 60:1

Teirake, Ierutarem! ko na oota! E a kaarangaina am bong ae e boou. E rangi n oota nako ootan mimitongin te UEA i aom.

Itaia 61:2

Aio te ririki are e E na kaota iai ana nanoanga nakoira te UEA ae te Atua ni katuaaia ara kairiribai nako. E a tia ni kanakoai te UEA b'a N na karaunanoia aika a tang,

Etekiera 16:42

Ao i mwiin anne, e na toki uniu, ao e na rau nanou. N nang aki manga oki n unun ke ni kokoo.

Tekaria 1:13

Ao e akoi mani karaunano Ana kaeka te UEA.

Tekaria 1:17

I bon berita naba b'a e na manga teetekeraoi au kaawa nako-e na manga riki Ierutarem b'a au kaawa ae e rineaki, ao N na anga te rau nakoia aomata aika kaain Tion.

Tekaria 9:9

Kukurei ao takaarua aomata ni kabane i Ierutarem, E a tia n tokanikai ami uea, ao E a roko ni kawaringkami. E nanorinano ao E toka i aon te ati; ao E roko i aon bunin te aati.

2.I-Korinto 1:4

are E anganira karauan nanora n rawawatara ni kabane, b'a ti aonga ni karau nanoia akana taonaki n rawawata nako, n te aro ni karaunano are e a tia ni karauaki nanora iai iroun te Atua.

1.I-Tetaronike 4:18

Ma ngaia ae kam na karau nanomi n taeka aikai.