Itaia 4:6 - Te B'aib'ara

⁶ E na karekea te nuu i aan riringan taai ao te tabo ni katantan ao ni kamanomano n tain te buaka ma te karau.

Itaia 4:6 ပူးပေါင်းရင်းမြစ်များ

Taian Areru 27:5

E na kawakinai ni kamanoai man te kaangaanga i nanon ana Tembora, ao E katokaai i aon te b'a ae rietaata ae N na maiu iai.

Taian Areru 55:8

I a kona ni waekoa ni kunea te tabo are N na katanai iai man te ang ae baibati ma buakani karawa.

Taian Areru 91:1

Ane katanna iroun te Atua ae Moan te Rietaata, Ane kamanoa iroun te Atua ae M'aaka,

Taeka n Rabakau 18:10

Bon te taua ae e korakora te UEA ike a konaa ni biri nako iai ana aomata ni kamanoia

Itaia 14:32

Ngkana e roko te tia uarongorongo man te botannaomata ae e raroa, ao ko na kaangai nakoina: “E karaoa Tion te UEA. Ao e na reke naba ikekei te rau iroun te aomata ae e rangi ni kainano.”

Itaia 25:4

Ko a tia n riki b'a te tabo ni kamanomano i bukiia aika a maiu ni kainano ma n tangira buokaia i nanon tain te kaangaanga. A buakaniira ara kairiribai kaanga rokon te karau ae e korakora ke kaanga riringan taai n te tawanou, ma ko bon riki b'a katanara.

Itaia 30:30

E na rangi ni un te UEA. E na ongo te aba b'anaana ae e kakamaaku, ao e na nooraki baina ae e tauraoi n oro, ao e na riki unna b'a kaanga te ai ae e urub'ai, ae e irianaki ma rebwen taiani baa ao taiani karau atiibu.

Itaia 32:1

A na tautaeka te uea ma ana taani kairiiri ma te riai.

Itaia 32:2

A na riai n riki b'a nne ni kamaiu man taian angibuaka, b'a taiani karaanga n ran n te rereua, ao te b'a ni katantan ma ni kabuebuen taai.

Itaia 8:14

Biiri nako iu i bukin b'aai ni kamanoakimi. Bon Ngai te b'aa ae e kaai n kab'akaaki man kamaaeaki iai riin aban Iuta ma Iteraera.

Etekiera 11:16

Ma aio te b'ai ae I tangiria b'a ko na tuangiia Iteraera ake i B'aburon: Bon te koaua ae bon te UEA Ngai ae te Atua, ae I kairoroingkami ni kanakoingkami man oin abami ma ni karikingkami b'a kam na maeka i buakoia botannaomata aika ianena. Ma ngkai, N nang mena iroumi n taabo nako ike kam mena iai, b'a kam aonga ni konaa n taromauriai.

Ebera 11:7

I bukin ana onimaki Nooa, ao e ongo ana taeka ni katauraoi te Atua i bukini baika na riki rimwi aika aki konaki n noraki. E ongeaba nakon te Atua ao e kabaa te kaibuke are e a kamaiuaki iai ma ana utu. Ao i bukin aei a motikaki iai taekaia kaain aon te aba ni kabuakakaki, ao Nooa e riki b'a te tia b'aib'ai n te raoiroi are reke n te onimaki.

Ebera 6:18

b'a ti aonga ni karekea kakorakoraan nanora ae bati ni baika uoua aikai aika aki bibitaki, aika ti aki kona ni keweaki iai iroun te Atua, ngaira aika ti biri nako b'a ti na taua te kaantaninga are kamenaki i m'aira.

Te Kaotioti 7:16

Ane a na aki manga baki, ao a na aki manga taka; ao e na aki manga riringa taai i aoia, ao a na aki rotaki ni kabuebuena;