Itaia 4:5 - Te B'aib'ara

⁵ E na rabuna te kaawa ae e buubura ni kabane te UEA ma ana tabo ni kabowi n te nang ae e matenten ni katoa bong ao te ai ae e ura ni katoa tairiki. Ao mimitongin te Atua e na riki b'a kaanga te autinrianna ae e korakora ae e rabuni b'aai ni kabane.

Itaia 4:5 ပူးပေါင်းရင်းမြစ်များ

Neemia 9:12

Ko kairiia am aomata ni katoa bong n te nang ae e matenten, ao n te tairiki ko kaotaa kawaia n te ai ae e uram'aaka.

Taian Areru 105:39

E takina te nang i etaia, ao te ai b'a kaotaia n te bong.

Taian Areru 111:1

Kam na takaruaea neboan te UEA! N na katituaraoa te UEA Ma nanou ni koaua n aia tai ni bootaki ana botannaomata.

Taian Areru 78:14

E kairiia n te nang ni ngaina, Ao n otan te ai ni bong ni karokoa e ngaina.

Taian Areru 85:9

E bon tauraoi ni kamaiuia akana karinea, Ao E na kaota memenana i abara ni kamaiuakira i rouna.

Taian Areru 89:7

E korakora makakim irouia kaain te kauntira i karawa; Ko kakamaaku nakoia ake a mena i rarikim.

Te Otinako 14:24

Ao E tarai naao te UEA mai aon te boua te ai, ao te boua te nang i m'aain ingin mainiku n tara aia taanga ni buaka kaain Aikubita, ao E katakakaiia.

Te Otinako 24:16

ao e ruo rikaaki raneanean mimitongin te UEA ao e tiku ikekei. E rabuna te maunga te nang i nanon onobong, ao E tuanga Moote te UEA n te kaitiua ni bong b'a e na rin i buakon te nang.

Te Otinako 26:1

Karin keetenin te Um'antabunrianna aika a karaoaki man tebwiina m'akorokoro ni kunnikai aika riinen aika tamaroa. A na riai n rarangaaki man buraen te tiibu ae buru, ae uraro, ao ae uraura, ao a na karaoaki taamnein maan aika maiu aika iai baiia ni kiba aika korootinaki.

Te Otinako 26:7

Ko na karaoa rabunan te um'anrianna man tebwi ma teuana m'akorokoro ni kunnikai aika karaoaki ma buraen te kooti

Itaia 32:18

Kam na maeka ma te rau, kam na maeka i aan te naa ao te mwianounou, ngkami, aika ana aomata te UEA,

Itaia 33:20

Kam na taraa te Maunga are Tion ike ti bukamarua iai ara toa nako. Kam na noora Ierutarem ae e matoa raoi koron roobuna aika a aki konaa ni kounako aika a kabaeaki n taian roobu aika a aki konaa ni moti.

Itaia 37:35

N na bon kaawakinna i bukin karineau ao i bukin naba te berita are I a tia ni karaoia nakon au tia m'akuri are Tawita.

Itaia 46:13

N na waekoa n roko ni kamaiungkami. I a kaan ao N na bon aki kabane tai; I kakatia iroun Iteraera ao N na kamaiua Iteraera.

Itaia 60:1

Teirake, Ierutarem! ko na oota! E a kaarangaina am bong ae e boou. E rangi n oota nako ootan mimitongin te UEA i aom.

Itaia 60:2

A rabunaki aonnaba ma aomatana n te roo, ma e oota nako ootan te UEA i aomi.

Mataio 18:20

B'a ike a botaki iai uoman ke teniman n arau, ao Ngai I mena naba iai i buakoia.

Mataio 28:20

ao n reireiniia b'a a na iri nanoni b'aai ni kabane ake I a tia n tuangngkami; ao noria, I a memena i roumi n taai nako ni karokoa tokin aonnaba.