Itaia 39:7 - Te B'aib'ara

⁷ A na uotaki nako tabeman natimi m'aane nako B'aburon, ike a na kamaamaeaki ma ni kam'akuraki n ana baareti te uea.

Itaia 39:7 ပူးပေါင်းရင်းမြစ်များ

2.Uea 24:10

E kanakoa te taanga ni buaka mai B'aburon te uea are Nebukaneta ni buakana Ierutarem n te tai ae e aki maan i mwiin reken Ieoiakin b'a te uea.

2.Uea 24:12

E waekoa Ieoiakin n taenikai, ni ikotaki ma tinana ao ana taani m'akuri, ao ai uana naba ma ana aobitia n te taanga ni buaka, ao a na mataniwi. Ao e katika Ieoiakin te uea are Nebukaneta. A riki baikai n ana kawanua n ririki Nebukaneta n tautaekana B'aburon.

2.Uea 24:15

E uotaanako Ieoiakin te uea are Nebukaneta nako B'aburon, ni ikotaki ma tinana, buuna, ana mataniwi, ao ai taani kairiiri aika a kakannato mai Iuta.

2.Rongorongo 33:11

Ma ngaia are, e kanakoa ana taanga ni buaka Aturia ni buakana Iuta ma n taua Manate. A kanim'a te matau i b'airina, ao a kabaea n taian taurekereke, ao a uotia nako B'aburon.

2.Rongorongo 36:10

Ni bongin te aumeaang n te ririki, ao e katika Ieoiakin uean Aikubita are Nebukaneta ao e uotia nako B'aburon, ni ikotaki ma b'aai riki tabeua aika a kakaawaki aika b'ain te Tembora. Ao e a manga rinea Tetekia Nebukaneta b'a e na uea i aon Iuta.

2.Rongorongo 36:20

A uotiia nako koraki ake taian nikira ni maiu nako B'aburon b'a aia taenikai, ike a riki b'a ana toro te uea ma natina m'aane, ni karokoa te tai are e rikirake iai Botia b'a te botannaomata ae e korakora.

Ieremia 39:7

E autaki matana ni kanakoaki, ao e kabaeaki n te taurekereke, b'a e aonga n uaakinaki nako B'aburon.