Itaia 39:6 - Te B'aib'ara

⁶ N te bong teuana ao ane a na uotakinako iai b'aai aika kam a tia ni kaawakin ma ami bakatibu nako B'aburon. E a tia ni berita te UEA b'a bon akea te b'ai teuana ae e na tiku.

Itaia 39:6 ပူးပေါင်းရင်းမြစ်များ

2.Uea 24:13

E a tia te UEA ni kauringnga b'a n te tai teuana, ao e na roko anaakin taiani kaub'ai man ana bareti te uea ao man te Tembora, ni ikotaki ma taiani koora ake e karaoi Toromon i bukin te Tembora. Ao anne te b'ai are e tuangiia ana tautia Nebukaneta b'a a na karaoia.

2.Rongorongo 36:10

Ni bongin te aumeaang n te ririki, ao e katika Ieoiakin uean Aikubita are Nebukaneta ao e uotia nako B'aburon, ni ikotaki ma b'aai riki tabeua aika a kakaawaki aika b'ain te Tembora. Ao e a manga rinea Tetekia Nebukaneta b'a e na uea i aon Iuta.

2.Rongorongo 36:18

E uoti nako b'aai ni kabane Nebukaneta ake a tiku i nanon te Tembora; e iraea te kaub'ai ao kanoan ana ruunib'ai te uea ma ana mataniwi. E uoti b'aai ni kabane nako B'aburon.

Ieremia 20:5

E na kaitiaka kaub'ain te uea ma n anai b'aai nako aika a kakaawaki mai Ierutarem.

Etekiera 23:26

A na raeraeaki am kunnikai ao am b'ai ni katamaroa.

Taniera 1:2

Ao te UEA e kariaia Nebukaneta b'a e na kataenikaia te uea are Ieoiakim ma n anai kaub'ain te Tembora. E uotiia rikaaki tabeman taenikai nakon temboran antina i B'aburon, ao e karin taiani kaub'ai akekei i nanon te ru ni b'ai are i nanon ana tembora antina.

Taniera 1:3

Ao te uea e tuanga Atibenati are ana mataniwi temanna b'a e na rineia rorobuaka aika a nako man utu ni uea ao utu naba aika a kakannato mai buakoia Iteraera ake taenikai.