Itaia 39:2 - Te B'aib'ara

² Ao e butim'aea te tia uarongorongo Etekia, ao e kaoti nako ina ni kabane taian tirewa, koora, taiani b'ai ni kaboiarara, ao taiani b'aa ake i nanon ana auti. E bon kaoti naba nako ina taabo ike e kaawakin iai taiani b'ai ni buaka. Bon akea te tabo teuana n ana bareti ke i nanon abanueana ae e karabaa mairouia.

Itaia 39:2 ပူးပေါင်းရင်းမြစ်များ

1.Uea 10:10

Ao e angan Toromon e kaaniia nimaua te tan te koora, b'aai ni katamaroa, ao b'aai aika boiarara aika a bati nakon ae a tia n anga tem'angina nakon Iteraera, ueanainen Tieba.

1.Uea 10:15

Ao e anganganaki naba ana koora irouia taani boob'ai ao ai uana naba ma uean Arabia ao taan tautaeka i aon Iteraera.

1.Uea 10:2

E kairiia tabeman ana aobitia, ao e katokai i aon ana kamero ni b'aintangira aika boiarara, tirewa, ao koora. Ao ngke e roko, ao e maroroo ma Toromon ni b'aai ni kabane ake i nanona.

1.Uea 10:25

A roroko aomata nako ni kakawaria n te ririki teuana ma teuana ma uotaia aia b'aintangira aika tirewa, koora ao ai uana naba ma kunnikai, b'aai ni buaka, baika a boiarara, taian aoti ke miure.

2.Uea 20:13

E butim'aaia taan uarongorongo Etekia ao e kaoti nakoia taian tirewa ni kabane, ma koora ni kabane, boiarara ni kabane, ao taian b'a ake a mena n ana autinib'ai. Ao e boni kaota naba nakoia te tabo are e kaawakin iai ana b'ai ni buaka. Bon akea te b'ai teuana n ana bareti ao n abanueana ae e karabaa nakoia.

2.Rongorongo 32:25

Ma e rangi ni kamoamoa Etekia ao e rawa ni kaaitaua te UEA i bukin b'aai ni kabane ake e a tia ni karaoia nako ina. Ao aio are e karika unin te UEA, ao e katuaaea Etekia ma kaain Iuta ma Ierutarem.

2.Rongorongo 32:27

Ao e a rangi ni kaub'ai Etekia, ao a bane ni karinea aomata. E karaoi taian ru aika a kaokoro i bukin taian tirewa, koora, ao atiibu aika a tamaroa ao taiani b'ai ni kaboiarara, taian otanga, ao b'aai riki ake tabeua aika a kakaawaki.

2.Rongorongo 32:31

E ngae ngke a kanakoia aia taan uarongorongo taan kairiiri mai B'aburon b'a a na titirakina Etekia ana kanikina te UEA are e anganna, ao te Atua, e kariaia Etekia b'a e na anga are bon ana reke b'a e na tuoa ao n noora ana kakaonimaki.

2.Rongorongo 9:1

Ao e ongo rongorongon Toromon te ueanaine mai Tieba, ma ngaia are, e nako Ierutarem ni kataia n taian titiraki aika a matoatoa. E kairiia ana aobitia tabeman, ao e kanoai taiani kaamero n taiani b'aintangira aika taiani boiarara, tirewa, ao taiani koora. Ao ngke e roko, ao e a maroroo ma Toromon i bukin b'aai ni kabane ake e atai.

2.Rongorongo 9:9

Ao e angan Toromon e kaaniia e raka i aon aua te ngaa te kirokuraem te koora, ao taian tirewa ae e rangi ni m'aiti, ao taiani b'ai ni kaboiarara aika a rangi n raraoi aika a tuai man nooraki.

Iobi 31:25

I bon tuai naba mani kainikatonga i bukin te kaub'ai ae bati i nanoni maiu.

Taeka n Rabakau 4:23

Karaua raoi kaawakin am iango b'a bon anne boton te maiu ni koaua.

Te Minita 7:20

Bon akea n te aonnaba aei ae e kaakaraoa te eti n taai nako.

Ieremia 17:9

Kam rangi ni kam'aam'ane ngkami aika kaain Iuta n te aro are kam a manga bon kananobabaingkami i bon iroumi, ao kam aki konaa ni bitaki.

2.I-Korinto 12:7

Ao i bukini kaotioti aika kamimii aroia ake I nori. Ma ngaia aei, i bukina b'a I kawa n rangi ni kamoamoaai, ao I a anganaki te bae e maraki iai rab'atau, are e m'akuri b'a ana anera Tatan i bukin oreau ao tukau b'a N na aki rangi ni kamoamoa.

1.Ioane 1:8

Ngkana ti taku b'a akea ara bure, ao ti burebureira, ao e aki mena te koaua i nanora.