Itaia 38:19 - Te B'aib'ara

¹⁹ Bon ti aomata aika a konaa ni karab'ako, n aron ae I karaoia n te bong aei. Rooro nako a na kaongoia te roro ake i mwiia aron am kakaonimaki.

Itaia 38:19 ပူးပေါင်းရင်းမြစ်များ

Karikani B'aai 18:19

I a tia n rineia n te aro b'a e na manga mwiokoia natina mm'aane, ma kanoana b'a a na ongotaeka irou ma ni kakaraoa te raoiroi ma te eti. Ngkana a karaoa aei, ao N na karaoi b'aai ni kabane ake I a tia ni berita iai.”

Taian Areru 118:17

I tekeraoi b'a I aki mate; ma ngaia ae N na kabongana maiu n tataekina te b'ai ae E a tia ni karaoia te UEA.

Taian Areru 119:175

Kateimatoa maiu, b'a I aonga ni kamoamoako; Ke a buokai am Taeka n reirei.

Taian Areru 145:4

A na kamoamoa am m'akuri rooro nako; a na tataekin am m'akuri aika korakora.

Taian Areru 146:2

N na kamoamoa n ua tokini bongini maiu; N na anene ni kamoamoa Atuau n au tai ni maiu.

Te Otinako 10:2

ao ko aonga naba ni konaa n tuangiia ami ataei ma tibumi arou ni kaburababaia kaain Aikubita ngke I karaoi taian kakai. Ane kam na bane n ataia b'a bon te UEA Ngai.”

Te Minita 9:10

M'akuri korakora ni b'aai ni kabane aika ko karaoi. Ko na waekoa n roko n aia aonnaba maate, ike akea iai ae e m'akuri, ke ni iango, ke ni kakaai bukin b'aai, ke n atai b'aai ni kabane.

Ioera 1:3

Tuangiia natimi! Tataekinna nakoia tibumi ao natiia tibumi naba.

Ioane 9:4

E riai b'a ti na karaoi ana m'akuri Teuare kanakomaiai, ngkae e ngaina; e a kani bong, ao akea ae e kona ni m'akuri iai.

Te Tua-Kaua 11:19

Reireiniia ami ataei iai. Taetaekinna nakoia ni katoa tai--ngkana tao kam nakonako i aon te kawai ke ngkana kam nang matu i aon kiemi n te tairiki, ke ngkana kam uti n te ingabong.

Te Tua-Kaua 4:10

Kam uringa te tai are kam tei iai i matan te UEA n te Maunga are Tinai? Ao E taku te UEA, Kairiia mai Iteraera nako ikai. I tangiria n taetae nakoia b'a a aonga n ongotaeka nako Iu i nanon aia tai ni maiu, ao a na manga reireiniia aia ataei b'a a na ongotaeka naba i Rou.

Te Tua-Kaua 4:9

Kam na rangi n taratara raoi b'a kam na aki m'aninga b'aai ake E a tia ni karaoi te UEA nakoimi. Kam na teimatoa ni bon kakauringingkami i bon iroumi, ao tuangiia natimi ma tibumi naba.

Te Tua-Kaua 6:7

ao tuangiia ami ataei n taai nako. Taetaekinna n taai nako, ni mwengami ke i aon te kawai ke i aoni kiemi n te tairiki, ke ngkana kam uti n te ingabong.