Itaia 38:12 - Te B'aib'ara

¹² E anaaki mairou maiu kaanga te autinrianna ae e kab'araaki ma ni uotaki nako iroun te tia kaawakintiibu. Ko koreai kaanga karain te kunnikai man te b'aini karao kunnikai mai roun te tia raranga kunnikai; ko urubekeai n te bong ao te ngaina.

Itaia 38:12 ပူးပေါင်းရင်းမြစ်များ

Iobi 14:2

Ti rikirake n ai aron te uee, ao ti a manga rai ma ni mauna nako. Ti waekoa ni mauna n ai aron te nu ma n aki manga kaoti.

Iobi 17:1

A mate au kantaninga, e a boo au tai, ao e tauraoi te rua ni mate i m'aaiu.

Iobi 4:20

Te bungiaki i m'aiin te tawanou, te mate i m'aain te tairiki, bon te maunanako n aki toki.

Iobi 6:9

Tera ngke E tiringai ngkai!

Taian Areru 102:11

Ai aron te nu ae tabe ni mauna bongini maiu, Ao I rai n ai aron te uteute.

Taian Areru 119:23

A kabowi taan tautaeka n iangoa bukinau, ma N na bon teimatoa n iaiangoi am Taeka n reirei.

Taian Areru 31:22

I maaku, ao I taku b'a I a tia ni kararoaki nako mai Rouna. Ma E ongo au bubuti, Ngke I weteia b'a E na buokai.

Taian Areru 73:14

I karawawataaki n te bong koraki; E karekeaki kaiu ni katoa ingabong.

Taian Areru 90:5

Ko katoki maiura; kanga ai aron te mii ae kaoti tabeua te tai ao i mwina e bua. Ti te bo ngaira ma aeka n uteute aika a moana maiuia man te ingabong;

Itaia 1:8

A katobibia Ierutarem ana kairiribai, n ti ngaia kaanga te um'atoro i nanon te nne n aroka ni kureebe ke i nanon te tawaana ni kukamb'a.

Itaia 13:20

Ane a na akea ae e na maeka i B'aburon. E na bon akea naba taani m'am'ananga aika a na maeka ni kaaniia, ao a na aki kariaia aia nanai n tiibu taani kaawakin tiibu b'a a na katoki kuaia ikekei.

2.I-Korinto 5:1

B'a ti ataia b'a ngkana e uruaki te um'a n rianna ae i aon te aba ae nera ni maeka, ao bon iai te auti mairoun te Atua, ae te nne ni maeka ae aki karaoaki ni baiia aomata, ae te auti ae aki kona n uruaki, are i karawa.

2.I-Korinto 5:4

B'a ngkai ti boni mena naba n te um'a n rianna aei, ao ti ngirangira ngkai ti rawawata; tiaki ngkai ti kani kaki mai aora karabaara, ma ngkai ti kani manga karina karabara teuana i aora, b'a e aonga n oongaki te baere e mamate n te maiu.

Ebera 1:12

Ao ane ko na rukum n ai aron te ninira, ao a na onikaki naba n ai aron te kunnikai: Ma ai uauam nako naba Ngkoe, ao a na akea tokin am ririki.”

Iakobo 4:14

Ao kam bon aki ataia b'a tera aroni maiumi ningabong. B'a kanga ai aron te mabubu ngkami, ae kaoti teutana ao rimwi e mauna.