Itaia 37:6 - Te B'aib'ara

⁶ ao I tuangiia ana rongorongo te UEA nakon Etekia ae e kaangai: Bon te UEA Ngai. Ko na aki tabe ma taeka aika a buakaka aika e a tia n taekinna ibuku akana e taekin ana tia uarongorongo uean Aturia.

Itaia 37:6 ပူးပေါင်းရင်းမြစ်များ

Te Otinako 14:13

Ao e taku Moote, “Kam na aki maaku! Taua abami b'a kam na noora te b'ai ae na karaoia te UEA ae Atuami i bukin kamaiuami n te bong aei, kam na bon aki manga nooriia kaain Aikubita aika kam nooriia aikai.

Itaia 35:4

“Kakukureingkami! Kam na aki maaku. E a roko te Atua b'a e na katuaaia ami kairiribai. Ane e na irantaangaia te Atua ao e na kamaiungkami.”

Itaia 37:5

Ngke a roko taani kairiiri aikai nako iu,

Itaia 51:7

Ngkana kam tangiria ni karaoa ae e raoiroi ma n ongotaeka nakon au reirei ma nanomi ni kabane, ao kam na kakauongo raoi Irou. Kam na aki b'arannano ngkana iai aika a kamamaaeingkami ma n atong taeka aika a kamaraki nano.

Itaia 7:4

Tuanga Aati b'a e na aki raraoma. Bon akea te b'ai ae e na maaka iai te uea are Retin ao Bika. E rangi ni kakamaaku uniia, ma bon akea aroia b'a ti kaanga te ai ngaiia ae a mate.

Nakoaia Ibonga 26:8

e aoria ngkana tii niiman ngkami ao tebubua ngaiia, ke tao tebubua ngkami ao ngaiia tebwina tengaa m'aitiia.

Mareko 4:40

Ao E taku nakoia ana reirei, “E aera ngkai kam maaku? Akea ami onimaki?”

Mareko 5:36

Ma Iesu E aki kan tabe ma aia taeka, ao E taku nakon Iairo, “Tai maaku. Ko na ti onimaki.”

Iotua 11:6

E taku te UEA nakon Iotua, “Tai maakuia, b'a N nang tiringiia nakon te ingabong i bukiia aomatan Iteraera. Kam na kaikoaki aia aoti ni kam'aukuia, ao kabuoki aia kaa ni buaka.”