Itaia 37:38 - Te B'aib'ara

³⁸ Ao n te bong teuana e tabe n taromauri n ana tembora antina are Nitiroka, ao a roko naba natina m'aane ake uoman ake Aterammereka ao Tiaretera n tiringnga n aia kabaang. A biri nako nakon te aba are Ararata, ao e a manga uea natina te m'aane are Etaraaton.

Itaia 37:38 ပူးပေါင်းရင်းမြစ်များ

Karikani B'aai 8:4

Ao ni katebwi ma itiuan bongin te nam'akaina, ao e a koro te kaibuke i aon taubukin taiani maunga ake i Ararata.

2.Rongorongo 32:14

Bon akea mai buakoia anti aikai a kamaiuia aia aomata mairoun uean Aturia. Ao ngkami, kam taku b'a e konaa Atuami ni kamaiungkami?

2.Rongorongo 32:19

A taekina naba te UEA ae te Atua taian mataniwi akekei b'a kaanga ai aron te anti n aki akaaka ke te bouannanti ae e karaoaki iroun te aomata.

2.Rongorongo 32:21

ao E kanakoa te anera are e tiringiia tautia ma mataniwiin ana taanga ni buaka Aturia ni kabane ake n aia kaemb'a. Ao e okirikaaki Tennakeriba nako Aturia, ao e rangi ni b'ainrang. Ao n te bong teuana e nako n rin n ana Tembora antina ao e a tiringaki naba iai irouia natina m'aane tabeman.

Etira 4:2

Ma ngaia are, a manga nakon Terub'abera ao nakoia taani kairiiri man taian utu ao a taku, “Ti na buoka te m'akuri. E a tia uean Aturia are Etaaton ni kairiira nako ikai, ao ti a tia n taromauriia Atuami ma n anganna taiani karea.”

Itaia 14:12

Ko a tia ni b'aka Ngkoe ae te itoi ni ngaina ae e raneanea! Ko kab'akaia botannaomata ake tabeua; ao ngkai ko a kab'akaaki.

Itaia 14:9

E a mate te aonnaba ma ingainga ni kaantaningaiko. a ongo taekan rokom ma te kukurei ae e bati tamneia taan tautaeka nikawai.

Itaia 36:15

Kam na aki kakoaua ngkana e tuangngkami b'a E na kaawakiningkami te UEA mai roun uean Aturia.

Itaia 36:18

E taku Etekia b'a E na kamaiuko te UEA. Ma kam na aki kaburababaaki i rouna. Bon iai taian anti tabem'aang aika a konaa ni kamaiua abaia mairouia ana taanga ni buaka Aturia?

Itaia 37:10

Ko na aki onimakina Atuam ke ni kaburababaaki n ana berita i bukin kaawakinan Ierutarem mai rou.

Itaia 37:7

N na kab'araa nanona n taian maningongoo i bukin b'aai aika a riki i mwiina i abana. Ane e na oki, ao N na karaoia b'a e na mate n te mate ae e kakamaaku.

Ieremia 51:27

Aanga te kanikina nako ia botannaomata nako b'a a na tauraoi nakon te buaka. Irakea te buraeki ao katanga te buu. Kanakoa weteaia aia taanga ni buaka kaain Ararata, Minni, ao Atikenati. Rinea te mataniwi; ao kanako ia taani buaka i aoia aoti b'a a na buaka kaanga taanga n rokati.