Itaia 37:36 - Te B'aib'ara

³⁶ E kanakoa te anera te UEA nakon aia kaemb'a kaain Aturia, ao e tiringiia tebubua waningaun ma niman tengaa te aomata n teuana te tairiki. N te bong are i mwiina, ao e a onrake te maeka arei n taiani mate.

Itaia 37:36 ပူးပေါင်းရင်းမြစ်များ

2.Tamuera 24:16

Ao i m'aain tokina, a tia ni mate itibwi te ngaa aomata. Ao ngke kaanga e nang urua Ierutarem te anera, E a manga uringa nanona te UEA i bukin te karawaawata are E a tia ni karokoa ao E taku nakon te anera, “E a bati n tau anne! Tai katoka baim i aoia.” E riki te b'ai aei n te tabo ni kaaki kunni uita are ana b'ai Arauna are kaain Iebuti.

2.Uea 19:35

E kanakoa te anera te UEA n te tairiki naba arei nakon aia kaemb'a kaain Aturia, ao E tiringiia 185,000 mai buakoia. Ma ngaia are, e a wenerua taiani mate n te ingabong are i mwiina.

1.Rongorongo 21:12

E na roko tenua te ririki ae e na akea iai te am'arake i bukiia ana aomata? Ke e na kookonaaki Iteraera irouia ana kairiribai i nanon tenua te nam'akaina? Ke E na karokoa te aoraki ae moan te kamaamate te UEA n orea iai te aba i nanon tenua te bong? Ko na iangoi baikai ao baairea, b'a n na manga angan te UEA are e kanakomaiai i bukin am kaeka.

1.Rongorongo 21:16

Ao e noora ana anera te UEA Tawita i nanon te akea n taua ana kabaang i aon Ierutarem. Ao a bane ngaia ma taan kairiiri i aon Iteraera, ake a kunnikaia ni kunnikai aika a mangaingai, ni bobaraaki ni kabomataia ma aontano,

Iobi 24:24

E rikirake kab'aian te aomata ae buakaka, ma e a manga rai n ai aron te uteute, kaanga ai aron te kai ae uangingi are a tia ni koreaki.

Iobi 34:20

Ti na karina ni mate n te tairiki. E oroira te Atua ao ti mauna nako. E tiringiia aika korakora ao akea Ana kangaanga iai.

Te Otinako 12:23

Ngkana E m'ananga te UEA b'a E na tiringiia kaain Aikubita, e na noora te raraa i aon kain etan ami mataroa ma bouana ao E na aki karina Aneran te Mate b'a e na rin n ami auti n tiring ngkami.

Te Otinako 12:30

Ao a bane n uti n te tairiki anne, te uea, ana mataniwi, ao kaain Aikubita ni kabane ake tabem'aang. E a taona aon Aikubita ni kabutaa n te tang ae korakora, i bukina ngke a bane ni mate naati mm'aane n taiani mwenga ni kabane.

Itaia 10:12

E na karaoa te b'ai are e a tia ni baaireia te UEA nakon Ierutarem ao te Maunga are Tion. Ao i mwiina, e na katuaaia uean Turia aika kainikatonga mani kamoamoa,

Itaia 10:25

N na katoka marakin nanou iroumi n te tai ae e waekoa ao N na katuaaia i bukin aia bure nako.

Itaia 10:26

N na kataereia kaain Aturia n taiani kainikataere, n aron are I a tia ni karaoia nakoia kaain Miria i rarikin te b'a are Orebi. Ao N na kaota nakoia te m'aaka naba are I kamanenaa ngkoa ni karaoa iai te kawai i nuukan taarin Aikubita.

Itaia 27:7

Bon te UEA Ngai, ae I aki katuaaia ma n tiringiia aomatan Iteraera n aron te tiritiri ao te katuua ae e kakamaaku are I tiringiia iai aia kairiribai nako.

Itaia 29:5

Ao i mwiina, e na karina ni uotaki nako am kairiribai ae moan te tiritiri n ai aron baareka i nanon te angibuaka.

Itaia 31:8

Ane a na tiringaki kaain Aturia, ma a na aki mate n aia kabaang aomata. Ane a na kataia rorobuakana ni biri nako n rawei maiuia, ma a na manga bon reke ma ni kairoroaki b'a a na riki b'a tooro.

Taniera 3:28

Ao e taku te uea, “Neboa Atuaia Tiateraka ma Metiaka ao Abeteneko! E a tia ni kanakoa ana anera ni kamaiuia Ana aomata aika a toro i rouna ma ni kakoaua. A kukurei n anga riki rab'ataia nakon te kamateaki nakon ae a na bobaraaki n taromauria te anti temanna i rarikin Atuaia.

Mika 5:6

A na kataenikaia Aturia are n aban Nimrota n aia b'ai ni buaka, ao a na kamaiura mairouia I-Aturia ngkana a roko ni buakaniira.

Naum 1:12

Aio ana taeka te UEA nakoia ana aomata aika Iteraera: “E ngae ngke e korakora Aturia mani m'aiti ana aomata, a na boni b'aka mani mauna nako.” Au aomata, I bati ni karawawataingkami, ma N na bon aki manga karaoa riki aei nakoimi.

Naum 3:3

A kanenei taan toka i aoia aoti, a raitiiti kabaang, a raneanea kainiwai! A kakareuataorake maate, e a bure warekan te mate ao a toubekaaki moaia!

M'akuri 12:23

Ao e oreaki n te tai naba arei Erote iroun ana anera te Atua, b'a e aki angan te Atua te neboaki; ao e rangi ni baki rab'atana b'a e m'ata nanona, ao e mate n tokina.