Itaia 37:29 - Te B'aib'ara

²⁹ I a tia n noora kainikatongam ao unim ae e rangi ni korakora irou. Ao ngkai N na kaaki te matau i b'airim, ao te b'ai ni bwe i nanoni wiim, ao i mwiina, N na kaokingkami. nakon te tabo are kam nako mai iai.

Itaia 37:29 ပူးပေါင်းရင်းမြစ်များ

Iobi 41:2

Ko kona n karina te roobu i nanon b'angab'angan b'airina, ke ni karina te matau i m'angaina?

Taian Areru 32:9

Tai nanobaba n ai aron te aoti ke te miure ake a tangira kairakiia mani kabaean ubuia b'a a aonga n ongeaba.

Taian Areru 46:6

A kiriwe botannaomata b'a a maaku, a nako buaka waaki n tautaeka n aaba ake iai ueaia; E taetae te Atua n te b'anaa ae korakora, kanga ai aron rebwen te baa, ao e riki n ran aonnaba.

Taian Areru 74:23

Tai m'aninga taekani b'anaaia n takaarua n un aiam, Are karongoaaia ae e aki tootoki bukina.

Taian Areru 74:4

A takaakaa n tokanikai am Kairiribai i nanon am Tembora; A katioi aia buraeki ikekei b'a kaotan aia tokanikai.

Taian Areru 83:2

Taraia am Kairiribai! a kiriwe; ao a rawa ni kan aantaeka iroum akana ribaiko.

Itaia 10:12

E na karaoa te b'ai are e a tia ni baaireia te UEA nakon Ierutarem ao te Maunga are Tion. Ao i mwiina, e na katuaaia uean Turia aika kainikatonga mani kamoamoa,

Itaia 30:28

E katinakoa ikeikena b'a te ieka are e iabuti rake nakon te roroa. E raumeaia botannaomata ao e kamaunaiia. Ao e kaaki taian bwe ni kairiiri i nanoni wiia ianena ni kabane ao e kairiia nakon te kabuanib'ai.

Itaia 36:10

Kam na aki m'aninga are bon te UEA ae e kanakomaiai b'a N na tiringiia ami botannaomata!

Itaia 36:4

Ao e taku te mataniwi ni buaka mai Aturia nakoia: Iai te rongorongo nakon Etekia mai roun uean Aturia are e kakannato. Titirakina Etekia b'a e aera ngkai e onimakinna bon i rouna.

Itaia 37:10

Ko na aki onimakina Atuam ke ni kaburababaaki n ana berita i bukin kaawakinan Ierutarem mai rou.

Itaia 37:34

I bon koaua ngkai bon te UEA Ngai, ao e na boni manga okira te kawai are e nako mai iai ao n aki manga okira Ierutarem.

Itaia 37:7

N na kab'araa nanona n taian maningongoo i bukin b'aai aika a riki i mwiina i abana. Ane e na oki, ao N na karaoia b'a e na mate n te mate ae e kakamaaku.

Etekiera 29:4

N na kaaki te matau i nanon m'angaim ao N na katikiko ni kaotinakoko mai nanon te ran, ao a na bane n nim ikan am karaanga ma rab'atam ae inaina.

Etekiera 35:13

Ko bon kamatauningaai naba, ma I ongo ni kabane.

Etekiera 38:4

ao N na kamamaarako! N na kaaki i wiim te matau ao N na uaakiniko ngkoe ma am taanga ni buaka are e korakora. Ko kaira te taanga ni buaka are a toka i aoia aoti aika a b'ain kunnikai ni buaka aika a rawawata ao a uoti taian otanga ao taiani kabaang.

Amota 4:2

E a tia ni berita te UEA ae E m'aaka man rietaata ao E taku, “E na bon roko te bong are e na katikiko n te matau, ao ngkami ni kabane kam na riki kanga ai aron te ika i tabon te matau.

Mataio 27:24

Ngke e noria Birato b'a akea riki te bae e kona ni karaoia, ao b'a e a moanna n riki te kiriwe, ao e anaa te ran, ao e teboki iai baina i mataia aomata, ao e taku, “N na aki bukinaki ni maten te aomata aei; kam na bukinaki iai!”

M'akuri 22:22

A ongora aomata irouni B'auro ni karokoa e atongi taeka aikai, ao a kanene ngkanne b'anaaia, ni kaangai, “Kamatea, b'a te aomata ae ai aron teuaei e aki riai b'a e na maiu.”

M'akuri 9:4

E b'aka Tauro i aontano, ao e ongo te b'ana ae kaangai nakoina, “Tauro, Tauro, ko aera ngkai ko b'ainikirinai?”