Itaia 37:26 - Te B'aib'ara

²⁶ Ko na ongora, ngkai Tennakeriba Irou, Ngai ae te UEA. I baairea te b'ai aei man taai aika a nako. Ao ko tuai man ataia ae bon ti Ngai ni baaireia b'a ngkoe ae ko na karaoi b'aai aikai. I karaoiko b'a ko na urui kaawa aika a buubura.

Itaia 37:26 ပူးပေါင်းရင်းမြစ်များ

Karikani B'aai 50:20

Kam kam'aneai, ma E a tia n rairia te Atua nakon te b'ai ae e raoiroi, b'a aonga ni kaawakinaki maiuia aomata aika m'aiti aika maiu n te bong aei man te b'ai are a tia n riki.

Taian Areru 17:13

Karaoa ae ko taku te UEA! Ao kataenikaia. Kamaiuai mairouia aomata aika buakaka n am Kabaang.

Taian Areru 76:10

Ko karikiia aomata aika unun b'a a na kabatia riki kamoamoaam; ao naake a kamaiuaki n te buaka ana kateimatoa am toa.

Itaia 10:15

Uean Turia, e konaa te tanai ke te tao ni karanganakoa teuare e b'ainna? E konaa te boora te kai n tabeka te aomata are e tabekia?

Itaia 17:1

Aio te rongorongo ae taekan Tamateko: Ko a reke n te kabuanib'ai Tamateko! E na roko n tokina are te uruaki.

Itaia 22:11

Ao i mwiina, kam karaoa te tangke ae e buubura i marenan taiani oo i bukin nnen te ran. Ma kam rawa n onimakina te Atua are e baairei b'aai aikai n taai aika a b'aka nako ao e a kakoroi bukiia ngkai.

Itaia 40:21

Ko tuai man ataia? Ko tuai man ongongo, E bon aki teretere raoi b'a bon te Atua ae e karika te aonnaba?

Itaia 40:28

Kam tuai ataia? Kam tuai naba ongo? Bon akea tokin te UEA, Te tia karaoa te aonnaba. E bon aki konaa ni kainano ke ni kua; bon akea tian wanawanana.

Itaia 45:7

I karika te oota ao te roo, te kukurei ao te nanokawaki. Boni Ngai ae te UEA ae I karaoi baikai ni kabane.

Amota 3:6

Ana kona n aki maaku aomata ngkana e tang te bu ni kaota buakanakin te kawa? Ana kona n roko buaka n orea te kaawa ngkana e aki karokoa te UEA?

M'akuri 2:23

E a kaman tia ni baireia te Atua, ao E a kaman ataia naba, ae E na tauaki Iesu nakoimi, ao kam kamatea, b'a kam anga nako nanoni baiia aomata aika riri aon te tua, b'a a na tauria n te kaibangaki;

1.Betero 2:8

Ao e a manga taku te koroboki teuana: “Te atibu are a na reke waeia iai aomata ao a tata nako, te atibu are a na b'aka iai.” A tata nako i bukina b'a a aki ongeaba nakon ana taeka te Atua; ao anne bon nanon te Atua ma ana baire ma ngkoangkoa i bukiia.

Iuta 1:4

B'a a karabaia n rin n te ekaretia aomata tabem'aang aika kaburea taekinan ana akoi te Atua b'a a aonga n reke aonaia iai n aroia n tam'are, ao a kakeaa te Toka are ti temanna are ara Uea, are Iesu Kristo. A kaman taekinaki te koraki aei ngkoangkoa b'a a na motikaki taekaia ni kabuakakaki i bukin aroia aei.