Itaia 37:25 - Te B'aib'ara

²⁵ I kam'autakatakai karaanga ni kabane ake n te aba are Aikubita, ao I mooi n taian m'anib'a ake I a tia ni keni.”

Itaia 37:25 ပူးပေါင်းရင်းမြစ်များ

1.Uea 20:10

ao e taku, “N na boni kamaunaa Taamaria ni kabane. E na bon akea nikirana naba teutana are e na konaa n uotaki rikaaki i nanon baiia tautia. Ngkana I aki karaoa aei, ao I tataro b'a e na karekea kaiu te anti n te aro ae moan te kamaamate.”

Itaia 10:13

ake a kaangai: I karaoi b'aai aikai ni bon oin m'aakau i bukina b'a I wanawana ao I rabakau. I buakaniia uea kaanga te kao ae e aki manana, ao I anai kaub'aia botannaomata nako.

Itaia 10:14

I a tia ni kataenikaia te aonnaba ae e b'anin! E rangi ni beebete anaakin te bunimoa n te ngao ae akea ae e teiakinna. Akea ae e na uboi baina ni kiba ke ni katanga te bu ni katounakoai.

Itaia 19:5

Ane e na m'autakataka te Karaanga are te Naire ao e na riki b'a te aba ae e mate te tano.

Itaia 19:6

Ane a na m'aung karaangana ake a uarereke, E na akea te ran i Aikubita, ao ane a na rai taiani maunei ma tain uteute ake a ab'ab'aki.

Itaia 36:12

Ao e kaeka te mataniwi ni buaka mai Aturia ni kaangai, “E kanakoai au uea b'a N na taetae nako ia aomata nako, ao tiaki ti nako imi taan kairiiri. B'a ae a na waekoa ni kang nakotariia ao n nim mimiia aomata aikai! Ao ai uana naba ngkami akana teniman!”

Te Tua-Kaua 11:10

Bon te aba ae e raoiroi riki nakon are kam maeka iai i Aikubita, ike kam m'akuri korakora iai, e ngae ngkana kam ti teboki aroka.