Itaia 37:20 - Te B'aib'ara

²⁰ Ma bon ara UEA ao Atuara! Ti butiiko b'a ko na kamaiura mai roun uean Aturia. Ao ane a na ataiko iai aomata ni kabane n taian botannaomata b'a bon ti Ngkoe te UEA.

Itaia 37:20 ပူးပေါင်းရင်းမြစ်များ

1.Uea 8:43

Ko na kakauongo mani mwengam i karawa ao kaekai aia tataro. Ane a na bane aomatan te aonnaba n taromauriiko n aroia am Aomata aika Iteraera, ao ane a na ataia b'a I karaoa te Tembora aei i bukin neboakim.

1.Uea 8:59

I tataro E na ururing au tataro te UEA ae Atuara ni bong ao ni ngaina. Tera ngke E buokiia aomata ni kabane i aon Iteraera ni boongi nako ni b'aai ni kabane ake a kainanoi.

1.Uea 8:60

Ao ane a na ataia iai botannaomata ni kabane b'a bon te UEA te Atua ni koaua.

Taian Areru 46:10

E kaangai te Atua, “Katoki ami buaka, Ao kam na atai b'a te Atua Ngai, ae kakannato i buakoia botannaomata nako, ao I rine i aonnaba ni kabutaa.

Taian Areru 59:13

Ko na kamateia n unim, n akea ae na tiku ni maiu; Ao ane a na ataia aomata nako b'a E tautaeka te Atua, i aoia Iteraera ao ana tautaeka e raababa nako nakon ni kabutaa aonnaba.

Itaia 25:9

Ane a na kaangai aomata n te tai arei, “E a tia te UEA ni kamaiura! Ti na karaoa ara bootaki ni kukurei. Ti tataninga ma ni kakantaninga ao ngkai e a mena Atuara ikai.”

Itaia 33:22

Bon ara tia Moti ara UEA ao ara tia tautaeka; bon ara king ara UEA ara E na bon kamaiura.

Itaia 35:4

“Kakukureingkami! Kam na aki maaku. E a roko te Atua b'a e na katuaaia ami kairiribai. Ane e na irantaangaia te Atua ao e na kamaiungkami.”

Itaia 37:16

Te UEA ae Atuaia Iteraera ae Moan te M'aaka, e mena am kaintokanuea i aon baika a maiu aika iai baiia ni kiba. Ko karaoa karawa ma aonnaba, ao bon ti Ngkoe n tautaekan taian abanuea n te aonnaba.

Itaia 42:8

Arau bon te UEA! N na bon aki kariaia taian bouannanti ke aomata b'a a na ono ni mimitongiu ao neboau.

Itaia 45:5

Bon ti Ngai te UEA! Bon akea riki atua i rarikiu. I a tia ni kakorakorako, e ngae ngke ko aki ataai.

Etekiera 36:23

ao ni kaotia naba nakoia ianena b'a I tabu. Ao ane a na ataai iai b'a bon te UEA Ngai ae te Atua. Bon aei au taeka.

Etekiera 39:21

A na noora ootan mimitongiu bootanaomata n te aonnaba n tatabemaniia nako ngkana I katuaaia.

Ioera 2:17

Tuangiia au taani m'akuri, ibonga, b'a a na tang i nanon te Tembora ma n anga te tataro aei i rarikin te baonikarea:

Maraki 1:11

E neboaki arau man te karangaina ni karokoa te airoo irouia botannaomata ni kabane n te aonnaba, ngkana a kabuoka te b'ai ni kaboiarara ma n anga te karea ae e boni kaantaningaaki nako iu.