Itaia 37:12 - Te B'aib'ara

¹² Uean Aturia are i m'aaiu e kamaunaa kaawan nako Kotan, Aran, Reteba, ao kaain Eten ni kabane ake a maeka i Terata. Tera ae e karaoia aia anti nakoia?

Itaia 37:12 ပူးပေါင်းရင်းမြစ်များ

Karikani B'aai 11:31

Ao e teirake ni m'ananga Teera man te kaawa ae buubura are Ura i Kareria b'a e na nakon te aba are Kanaan, ao e kaira natina te mm'aane are Aberam, ao tibuna are Roota are natin Aran te mm'aane, ao buun natina are Aberam, are Nei Tarai. Ao a m'ananga nako Aran, ao a maeka iai.

Karikani B'aai 11:32

E mate Teera ngke ai 205 ana ririki ni maiu.

Karikani B'aai 12:14

Ao ngke a rin i nanon tian Aikubita, ao a noora buuna kaain Aikubita b'a bon te aine ae botonaine.

Karikani B'aai 2:8

Ao E karaoa te nne n aroka i Eten te UEA ae te Atua n taabo ake i mainiku, ao E katuka iai te mm'aane are E karaoia.

Karikani B'aai 28:10

Ao e kitana Beerateb'a Iakob'a, ao e nako Aran.

Karikani B'aai 29:4

Ao e titirakiniia taan kaawakin tiibu Iakob'a, ao e taku, “Taiaoka naakai, kam nako ma ia?” Ao a taku uakekei, “Mai Aran,”

2.Uea 17:6

i m'aain are e a reke i rouna n ana karuaiwa n ririki ni uea Otea. E uotiia nako Iteraera uean Aturia b'a buure. E kairoroia tabeman mai buakoia b'a a na maeka n te kaawa are Ara, ao tabeman b'a a na maeka i rarikin Karaangan Abora n te aba are Kotan, ao ake tabeman b'a a na maeka ni kaawa ake a maeka naba iai kaain Miria.

2.Uea 18:11

E kairiia Iteraera uean Aturia b'a taenikai, ao e kairoroia tabeman mai buakoia b'a a na maeka n te kaawa are Ara, ao tabeman b'a a na maeka i rarikin te Karaanga are Tabora n te aba are Kotan, ao ake tabeman naba b'a a na maeka ni kaawa ike a maeka iai kaain Miria.

2.Uea 19:12

Uean Aturia ake mai m'aaiu, a kamaunai kaawan Kotan, Aran, Reteba, ma kaain Eten ni kabane ake a maeka i Terata. Tera ae a karaoia antiia nakoia?

Itaia 36:18

E taku Etekia b'a E na kamaiuko te UEA. Ma kam na aki kaburababaaki i rouna. Bon iai taian anti tabem'aang aika a konaa ni kamaiua abaia mairouia ana taanga ni buaka Aturia?

Itaia 36:19

Tera ae riki ngkai nakon antin Tebarewaim? A konaa ni kamaiua abaia kaain Tamaria mairouia tautian Aturia?

Itaia 36:20

Bon akea mai buakoia anti aikai aika a kamaiuia aia aomata mai roun uean Aturia. Kam taku b'a E na konaa ni karaoa ae e raoiroi riki te UEA ae Atuami?

Itaia 37:13

A tia naba ni mauna Amata, Arebata, Tebarewaim, Ena, ao Iwa.

Etekiera 27:23

Ko bon karikirake naba ma taan kabob'ai man kaawa aika Aran, Kanne, Eten, Tieba, Atura, ao Kiremata,

Etekiera 28:13

Ko maeka n te nne n aroka ao ko katokai i aom b'aai ni katamaroa aika a karaoaki n te atiibu ae e tamaroa ae e bati matana ao atiibu aika a tamaroa. A bane ni karaoaki n te koora ao a katauraoaki i bukim n te bong are ko bungiaki iai.

Amota 1:5

N na urua mataroan te kaawa ae Taamateko, ao N na kam'aeia nako kain te m'arua are Awen ma te tia taua taekan Beta-eten. Ana anaaki kain Turia b'a taenikai nakon te aba are Kira.”

M'akuri 7:2

Ao e kaangai Tetebano, Mm'aane aika taari, ma taama, kam na ongora. E kaoti te Atua are mimitong nakon tamara are Aberaam, ngke e mena i Metobotamia, ngke e tuai ni maeka i Aran.