Itaia 36:7 - Te B'aib'ara

⁷ E onimakina te UEA, ae Atuami ngkai Etekia? Tiaki e urui ni kabane ana baonikarea ao taabo ike e taromauriaki te UEA Etekia, ao ti teuana nikiraia. Tiaki b'a e tuangiia aomatan Ierutarem ao Iuta n te tabo ae ti teuana?

Itaia 36:7 ပူးပေါင်းရင်းမြစ်များ

2.Uea 18:22

E mwiokoa ngkai te UEA ae Atuami Etekia? E bon tuai kab'akai taiani baonikarea ni kabane, ao ni katuka are ana Baonikarea te UEA. E bon aki naba tuangiia aomatan Iteraera ma Iuta b'a a na taromauri n te tabo ane ti teuana anne.”

1.Rongorongo 5:20

Ni katoa nako ia tautia aikai ni buakaniia aia kairiribai, ao a aki toki n taatataro nakon te Atua ma n onimakinna b'a E na buokiia. Ao bon anne bukin totokanikaia baronga aika Reuben, Kata, ao Manate Mainiku i aoia kaain Akera ma taani buokiia.

2.Rongorongo 30:14

A anai aia baonikarea ianena ni kabane ao baonikarean te b'ai ni kaboiarara are aia b'ai naba ianena i Ierutarem ao a tewenakoi ni M'aruan Kiteron.

2.Rongorongo 31:1

I mwiin te Toa are te Riao, ao a okiri kaawan nako i Iuta aomata ao a uruaki bannan nako antiia ianena aika taian atiibu ao a koroi ni kab'akai taiani boua aika a tabu ake b'ain taromaurian te anti are Nei Atera. A urui ni kabane baangotan te aba ao aia baonikarea ianena ake i Iuta, ao ai uana naba ma ake n aaba ake Beniamin, Eberaim, ao Manate Maeao. Ao e mwiina, a bane n okirikaaki nakoni mwengaia aomata.

2.Rongorongo 32:12

Tiaki e uruaki taiani baonikarea ma taabo n taromauri ni kabane Etekia ao ti teuana nikiran te baonikarea ma te tabo n taromauri? Tiaki e tuangkami naba kaain Ierutarem ao kaain Iuta b'a kam na taromauri n te tabo ane ti teuana anne?

Taian Areru 42:5

E aera ngkae e rawaawata nanou? E aera ngkai I aki rau? N na kaantaninga te Atua, Ao N na manga neboia: B'a bon au tia kamaiu ao Atuau.

Itaia 36:8

E tangiria ni karaoa te boraraoi ma ngkami uean Aturia! E na anganingkami uoua tengaa taian aoti, ngkana iai ami taanga ni buaka aika a konaa n toka i aoia.

1.I-Korinto 2:15

Ane E memena i rouna Tamnein te Atua, ao e kona neneri aroni b'aai nako b'a a bongana ke a aki; ma akea ae e kona n nenera arona;