Itaia 36:6 - Te B'aib'ara

⁶ Tai onimakina uean Aikubita? Ti te bo anne ma te aomata ae e raraa te kai ae m'aotoua, ao e na teke iai baina.

Itaia 36:6 ပူးပေါင်းရင်းမြစ်များ

2.Uea 17:4

Ma i mwiina riki, e a manga rawa Otea ni kakab'akai taian roonrab'ata, ao e bubutiia uean Aikubita are To b'a e na buokiia ni kaaitaraa Tiaremanetera are uean Aturia. Ao ngke e ataa te waaki arei Tiaremanetera, ao e anaa Otea ni kaburea.

2.Uea 18:21

E mwiokoa Aikubita ma ueana? Ti te bo anne ma te aomata ae e raraa te kai ae e m'aotoua b'a e na bon teke iai baina.

Taian Areru 146:3

Tai onimakiniia aomata aika taani kairiri; akea te aomata ae kona ni kamaiu.

Taeka n Rabakau 25:19

Te rao ae ko aki konaa n onimakinna i nanon tain te kangaanga boni kaanga te maraki ni m'aka ni wii ke te ikoaki ni wae.

Itaia 31:1

Ko a reke n te kaangaanga ngkana ko nakon Aikubita i bukin buokam, ke ngkana ko mwiokoi taiani kaa ni buaka ake a katikitikaki irouia aoti ke taani buaka i aoia aoti. Ma ko riai n mwiokoa ao n onimakina te UEA ae te Atua ae e tabu ae Atuan Iteraera.

Itaia 31:3

Bon taian aomata naba kaain Aikubita. Bon tiaki Atua ngaiia. A bon karaoaki naba aia aoti man te iriko; a aki konaa ni maiu n aki toki. Ngkana e kaota m'aakana te UEA, ao ane e na tiringiia kaain Aikubita ao koraki ni kabane ake a mwiokoia. A na bane ni kaai ni b'aka.

Etekiera 17:17

E ngae ngke e na akea manenan uean Aikubita ma ana taanga ni buaka ae e korakora nakon Iuta ngkana e buaka B'aburon ma n katei taian tano i bukin ninian kaawan nako Iuta ma n tiringiia kaaina.

Etekiera 29:16

A na aki manga onimaki au botannaomata ae Iteraera i aon am botannaomata. Ni koauana, ngkana a ururing Iteraera ni uringa te b'ai are e riki ngkoa nakon Aikubita, ao a na bae n namakina aia kaairua ngke a rairaki nakoim ni kakaaea buokaia. Ao i mwiina, a na ataia Iteraera b'a boni Ngai are te UEA ae te Atua ae I karaoi baikai.