Itaia 36:4 - Te B'aib'ara

⁴ Ao e taku te mataniwi ni buaka mai Aturia nakoia: Iai te rongorongo nakon Etekia mai roun uean Aturia are e kakannato. Titirakina Etekia b'a e aera ngkai e onimakinna bon i rouna.

Itaia 36:4 ပူးပေါင်းရင်းမြစ်များ

2.Uea 18:17

Ao e tuangiia ana aobitia aika a rietaata n te taanga ni buaka uean Aturia b'a a na kiitana Rakiti man kaira te taanga ni buaka nako Ierutarem. Ao ngke e roko, ao a tei taian aobitia i nanon te kawai i rarikin ana titoa te tia karao kunnikai are e tei i etan te kanare are e nako man te nei n tebotebo are i eta.

2.Uea 18:5

E onimakina te UEA ae Atuan Iteraera Etekia. Bon akea uean Iuta ae ai arona ma i m'aaina, ao i mwiina naba.

2.Uea 19:10

Ko na aki onimakina Atuam ke ni kaburababaaki n ana taeka are aongkoa E na kaawakina Ierutarem mairou.

Taian Areru 42:10

I rangi ni maraki n aia taeka ni kaenaena; B'a a aki toki ni kaangai nako iu, “E nga Atuam?”

Taian Areru 42:3

Bon ti kanau rannimatau ni ngaina ao ni bong; Ao a aki toki ni kaangai nako iu au kairiribai, “E nga Atuam?”

Taeka n Rabakau 16:18

E na bon uruana aromi te kamoamoa ae e bati.

Ieremia 48:14

Ko taekinna b'a a korakora ma n ninikoria am tautia.

Taniera 4:30

ao e taku, “Nooria, ai korakorara B'aburon. I kateia b'a au kaawa ae atuun au tautaeka b'a kaotan korakorau ma m'aakau, ma mimitongiu, ao kakannatou.”

Iuta 1:16

Bon taani b'angantaeka te koraki aei, ao taani ngurengure ma taan iri oin nanoia ni kaib'ab'aru; taan taetae ni kainikatonga, ao a kamoamoaia aomata ni karangiia b'a a aonga n reke i rouia baika tangiri.