Itaia 36:22 - Te B'aib'ara

²² Ma ngaia are, a raeuai aia kunnikai ni kaota nanokawakiia ao a taekin b'aai ni kabane nakon Etekia ake e taekin te mataniwi ni buaka.

Itaia 36:22 ပူးပေါင်းရင်းမြစ်များ

2.Uea 18:18

A wewetea Etekia, ao a otinako ana mataniwi aika a rietaata ni kawariia. Temanna mai buakoia bon Irekia are natin Eriakim te m'aane, are bon te buraiminitita. Ao ake uoman bon Tebena, bon ana kauoman te buraiminitita, ao ai Ioa are natin Ataba te m'aane, are bon te tia taui mwiin rongorongon te tautaeka.

2.Uea 5:7

Ngke e wareka te reta arei uean Iteraera ao e raeuai kunnikaina i bukin maakuna, ao e takaarua ni kaangai, “E boni kakoauaa ngkai uean Turia b'a I konaa ni katoka aorakin te aomata ae e reebera aei. N ana iango ngai te Atua ae iai m'aakau i aon te maiu ao te mate? E kataia ngkai ni kakaaea angan reken te buaka ma ngai.”

Etira 9:3

E bon rangi ni kauna nanou te rongorongo aei, ma ngaia are, I raeuai kunnikaiu ao I burimangaoa iran atuu ma buaiu. Ao i mwiina, I a tekateka ma te uruaki n nano,

Itaia 22:15

E kanakoko te UEA ae Moan te M'aaka ma te rongorongo aei nakon Tebena, are te buraim minitita.

Itaia 22:20

E na manga anga niiniirana ni uea ao m'aakana nakon ana toro are Eriakim are natin Irekia te m'aane.

Itaia 29:2

N na bon teimatoa naba ni karawaawatako, ao a na tang am aomata ngkana I karaoa te baonikarea i bukim.

Itaia 33:7

Kakauongo! Taani buaka aika kam ninikoria aika kam biribiri i nanon kawain nuukan te kaawa, aika kam takaarua i bukin buokami. E kaantaninga te rau ara taani uarongorongo, ma a okiri aia auti ma te tang.

Itaia 36:11

Ao a taku Eriakim, Tebena, ao Ioa, “Teuare ko karineaki, ti aki tangiriia b'a a na ongora mai nanon te kaawa ma n ataa nanon te b'ai ae ti taekinna. Ma ngaia are, ti butiiko b'a ko na aki taetae nakoira n te taetae n Ebera ma ko na taetae n Aram'aika.”

Itaia 36:3

Ao a otinako ana mataniwi ake teniman mai Ierutarem ni kawaria. Temanna mai i buakoia bon Irekia are natin Eriakim te m'aane, are bon te buraiminitita. Ao ake uoman bon Tebena, te kauoman ni buraiminitita, ao ai Ioa are natin Ataba, te tia kaawakin rongorongon te tautaeka.

Ieremia 36:24

Ma e aki maaku te uea ao a aki maaku naba ana mataniwi ni b'aai ni kabane ake a ongo ao a bon aki kaota naba te mata n nanokawaki.

Mataio 26:65

Ao e raea kunnikaina mataniwiia ibonga, ao e taku, “E taetae ni bakanatua! E aera b'a ti na tangiriia riki taani bukibuki? Kam a tia ngkai n ongo ana taeka ni bakanatua!