Itaia 36:20 - Te B'aib'ara

²⁰ Bon akea mai buakoia anti aikai aika a kamaiuia aia aomata mai roun uean Aturia. Kam taku b'a E na konaa ni karaoa ae e raoiroi riki te UEA ae Atuami?

Itaia 36:20 ပူးပေါင်းရင်းမြစ်များ

1.Uea 20:23

Ao a m'ananga ana taani kairiiri Benatata ni kawara Benatata ao a kab'arab'ara aia iango ni kaangai: Bon antin aoni maunga atuaia Iteraera. Ti konaaki irouia i bukina ngke ti buakaniia i aon taian tabuki. Ma ngkana ti buakaniia i aon te tabo ae e boraoi, ao ti na bon aki konaa ni konaaki.

1.Uea 20:28

Ao e nakon Aaba te burabeti ao e taku, “A taku kaain Turia b'a Atuan taian tabuki Atuaia Iteraera ao tiaki Atuan taiani m'arua. Ma ngaia ae, E a tia ni berita b'a E na buokiko ni kataenikaia te taanga ni buaka ae e korakora aei. Ao ko ane ko na ataia b'a E baairei b'aai ni kabane te UEA.”

2.Rongorongo 32:15

Kam na aki kananobabaaki iroun Etekia! Bon akea antiia botannaomata aika a konaa ni kaaitaraa Aturia. Kam na kakoauaai, e bon aki konaa naba Atuami ni kamaiungkami!

2.Rongorongo 32:19

A taekina naba te UEA ae te Atua taian mataniwi akekei b'a kaanga ai aron te anti n aki akaaka ke te bouannanti ae e karaoaki iroun te aomata.

Taian Areru 50:21

Ko a tia ni karaoi baikai, ao akea au taeka iai; Ko taku n am iango b'a ti te bo arou ma arom. Ma N na boaiko, ao N na kaotia raoi i matam bukinam irou.

Taian Areru 73:9

A tabeki taeka aika buakaka b'a taekan te Atua are i karawa; Ao a tataetae n aki akaaka i aon te aba,

Te Otinako 5:2

Ao e kaeka te uea ni kaangai, “Antai te UEA aei, ao bukin tera ngkai N na ongotaeka i Rouna? I rawa ni kanakoi ngkami ma ami aomata!”

Itaia 36:15

Kam na aki kakoaua ngkana e tuangngkami b'a E na kaawakiningkami te UEA mai roun uean Aturia.

Itaia 37:4

Ti butiiko b'a ko na tataro i bukiia aika a tiku ni maiu. E kanakoa ana mataniwi ni buaka uean Aturia ni kakaewenakoa te Atua. Tao e bon ongo te UEA te b'ai are e taekinna ao E na karaoa te b'ai teuana, ngkana ko tataro.

Etekiera 35:13

Ko bon kamatauningaai naba, ma I ongo ni kabane.

Taniera 3:15

Ma ngaia ae ngkai, n te tai are kam ongo iai tangin te bu, ma te bikura, ma te raea, ma te tita, ma te aabi, ao b'aai ni tangitang ake tabeua, ao kam na bobaraaki n taromauriia te bouananti. Ao ngkana kam aki, ao kam na teweakinako nako nanon te ai ae e ura m'aaka. Kam taku b'a iai riki te anti temanna ae e kona ni kamaiungkami?”