Itaia 36:11 - Te B'aib'ara

¹¹ Ao a taku Eriakim, Tebena, ao Ioa, “Teuare ko karineaki, ti aki tangiriia b'a a na ongora mai nanon te kaawa ma n ataa nanon te b'ai ae ti taekinna. Ma ngaia are, ti butiiko b'a ko na aki taetae nakoira n te taetae n Ebera ma ko na taetae n Aram'aika.”

Itaia 36:11 ပူးပေါင်းရင်းမြစ်များ

Etira 4:7

Rimwi riki, ao a ikotaki Bitiram, Miteretata, Tabeera, ao taan iango ni kabane, ao a korea te reta nakon Atatokititi ngke e uea i aon Botia. E koreaki n te taetae n Aram'aika ao e na riai n rairaki.

Itaia 22:15

E kanakoko te UEA ae Moan te M'aaka ma te rongorongo aei nakon Tebena, are te buraim minitita.

Itaia 22:20

E na manga anga niiniirana ni uea ao m'aakana nakon ana toro are Eriakim are natin Irekia te m'aane.

Itaia 36:12

Ao e kaeka te mataniwi ni buaka mai Aturia ni kaangai, “E kanakoai au uea b'a N na taetae nako ia aomata nako, ao tiaki ti nako imi taan kairiiri. B'a ae a na waekoa ni kang nakotariia ao n nim mimiia aomata aikai! Ao ai uana naba ngkami akana teniman!”

Itaia 36:13

Ao e a manga kaoa riki b'anaana ni kaongongoia aomata nako, ma n takaarua n te taetae Ebera: Kam na ongo n ana taeka uean Aturia ae e kakannato!

Taniera 1:4

A na riai n rineaki rorobuaka aika a botonimm'aane, a wanawana, aika a tia n reireiaki raoi, a birim'aaka aia iango, ao a aki aorakibuaka rab'ataia, n te aro b'a a na tau n riki b'a ana taani m'akuri te uea. A na reiakinaki te wareware ma te koroboki ni B'aburon iroun Atibenati.

Taniera 2:4

Ao a kaekaa te uea n te taetae n Aram'aika, “Te uea ae ko karineaki, ko na maiu n aki tootoki! Karakina miim nakoira b'a ti na kab'araa nanona nakoim.”