Itaia 35:8 - Te B'aib'ara

⁸ E na mena te kawai ae e raoi ikekei, ao e na aranaki b'a “Kawain te Atua ae e Tabu.” bon akea te aomata temanna ae e aki tau n taromauri ae e na toua te kawai arei. Ao bon akea naba te nanobaba ae e na toua te kawai arei.

Itaia 35:8 ပူးပေါင်းရင်းမြစ်များ

Taian Areru 118:20

Aio ana mataroa n rin te UEA; akana kakaraoa ae raoiroi ana boni kona n rin iai.

Taian Areru 119:130

E karekea ootan nanoia akana bangab'ai am Taeka, Ao e kawanawanaia naba.

Taian Areru 19:7

Moan te raoiroi ana Tua te UEA; E karika te maiu ae boou. E teimatoa n aki totoki ana taeka n reirei te UEA; E kawanawana ane e roo nanona.

Taian Areru 23:4

Ngkana tao I nakonako i nanon m'aruan nuun te mate, ao N na bon aki maaku, te UEA b'a Ko meemena i rarikiu. Am kai ao okom a kawakinai raoi man taian kabuanib'ai.

Taeka n Rabakau 16:17

E tuuki kawai aika a buakaka ana aomata te Atua, ao a kaawakiniia n tarataraa raoi kawaia are a nako iai.

Taeka n Rabakau 4:18

Katein maiuia aomata aika a raoiroi kaanga ai aron ootan taai n te kaarangaina are e tabe n rikirake ootana ni karokoa e a boni ngaina raoi.

Taeka n Rabakau 8:20

I aki toki ni kaakaraoa te raoiroi,

Taeka n Rabakau 9:4

“A kaoaki aomata akana a buurang ke akana a nanobaba!

Itaia 11:16

Ao e na karekea te kawai ae e tamaroa mai Aturia i bukiia ana aomata ake nikira ni maiu, n aron te kawai naba ae e tamaroa ngkoa i bukiia aia bakatibu ngke a kiitana Aikubita.

Itaia 19:23

Ane e na iai te kawai ae e raoiroi ae e biri mai Aikubita nako Aturia. Ane a na m'am'ananga iai kaain Aikubita ma kaain Aturia mai Aikubita nako Aturia, ao a na kaai n taromauri.

Itaia 30:21

E ngae ngkana kam rairaki nakon te angaatai ke te angamaing, ao kam na bon ongo naba te b'anaa ae e kaangai, “Aio te kawai! Kam na iria ngkai.”

Itaia 33:8

Akea riki ae e a manga m'am'ananga; akea kaain taiani kawai. A uruaki taian boraraoi i bukin te rau ao akea aaro ni karinerine aika kaotaki nakoia aika kawakin berita.

Itaia 4:3

A na bane n atongaki aomata ake nikira ni maiu i aon Ierutarem b'a aomata aika a tabu,

Itaia 42:16

N na kairiia aomata i aon taiani kawai aika a tuai atai; N na kaawakiniia i nanon te kawai aika a tuai man tootoua. E roo kawaia ao e aobuaka, ma n anga te oota b'a a aonga n aki toki waeia. Bon aei au berita ae e matoa.

Itaia 43:19

I a karika te b'ai ae e boou. Bon arei! Kam nooria? I a tia ni karaoi taiani kawai i nanon taian rereua, ma taiani karaanga n aaba aika a m'auteretere.

Itaia 51:10

Bon tiaki ngkoe ngkoa are ko kaoraa taari are e nano ao ko karaoa te kawai i bukiia am Aomata are a na toua ma ni kaawakinaki raoi iai i nanona ni karokoia n iterana are teuana?

Itaia 52:1

Ierutarem, Uti! Teirake ao korakora. Tion te kaawa ae e Tabu karina kunnikaim ae moan te tamaroa. A na aki manga urua am kaawa ae e tabu taian ianena.

Itaia 52:11

Kam na kiitana te kaawa ae e buubura ae B'aburon! Kam na tai riinga te b'ai teuana ae e buakaka. Teboki baimi. Tauraoi ni uoti rikaaki b'aai aika a tabu ake bon ana B'ai te UEA.

Itaia 57:14

E taku te UEA, “Kaitiaka te kawai! Katauraoia i bukiia au aomata.”

Itaia 60:21

A na maiu raoi ami aomata ma n teimatoa ni b'aina te aba; bon taian aroka ngaia aika I unikia b'a a na neboai.

Itaia 62:10

Kaain Ierutarem, kauki mataroan ami kaawa nako! Manga karaoa te kawai nakon te kaawa ao kaitiakia ni kanakoi taian atiibu; irakea te man ni buokiia botannaomata b'a a aonga n noora kawaia.

Itaia 62:12

Ao i mwiina, ane ko na weweteaki, ‘Ana Aomata Ni Koaua Te UEA, Ake E Bon Kamaiuia!’ E na ataaki ami kaawa b'a te tabo ni maeka ae e raoiroi ao te kaawa ae e onrake n taian aomata.”

Ieremia 31:21

Au aomata aika kam tangiraki, kam na kanikinaea kawaimi n okira mwengami n taiani b'ariko n atiibu ma boua aika kanikina. Bon te kawai naba are kam kiitana naba iai mwengami.

Etekiera 43:12

A na riai ni katabuaki te tabo are e mena iai te Tembora i aon te maunga are e tabu! Bon aei te kabanea ni kakawaki n tua i bukin te Tembora.

Etekiera 44:9

Ai ngaia are, e kaangai Au taeka Ngai ae te UEA ae te Atua b'a te ianena ae akea atuana ae aki ongotaeka irou ae e na bon aki kariaiakaki i nanon au Tembora. Aio naba i bukiia ianena akana a maeka i Iteraera.

Ioera 3:17

Bon te UEA Ngai ae Atuami. Ao kam ataia b'a I maeka i aon Tion, b'a e aonga n tabu Ierutarem, ma n aki kuukuneaki n aia taanga ni buaka ianena.

Nakoaia Ibonga 26:6

N na kakab'aiaa abami ma te rau, ao kam na motirawa ma te aki maaku. N na oroi ni kanakoi man aika kawakawa aika a kaakang,

Mataio 1:23

“Noria, ane e na kariki te kibono, ao e na bungia te nati te mm'aane, ao a na aranna b'a “Emmanuera,” ae nanona, “Te Atua i roura.”

Ioane 14:6

E kaekaa Iesu ao E taku, “Boni Ngai te kawai, te koaua, ao te maiu; bon ti Ngai te kawai i bukin ane kan nako n Tamau.

Ioane 7:17

Ane kukurei ni karaoa nanon te Atua, ao e na ataia iai b'a te b'ai ae I anga b'a au reirei e nako mairoun te Atua, ke e nako boni man au iango.

I-Ebeto 2:10

B'a kanoan ana m'akuri ngaira, aika ti karikaki i nanoni Kristo Iesu i bukini m'akuri aika raraoi, ake E a kamani katauraoi b'a ti na karaoi.

1.I-Tetaronike 4:7

B'a E aki weteira te Atua nakon te maiu ni kammaira, ma E weteira b'a ti na b'aina te maiu ae itiaki.

2.Timoteo 1:9

are kamaiura ao E weteira b'a ti na riki b'a ana aomata, tiaki i bukini baika ti a tia ni karaoi, ma i bukin oin ana kaantaninga ma ana akoi, are ti anganaki ngkai ti reitaki ma Kristo Iesu; ao te akoi aei e a kaman tauraoi i bukira ngke a tuai ni karikaki b'aai;

Ebera 12:14

Kam na keiaki n raoi ma aomata ni kabaneia, ma n tabui maiumi b'a a na b'ai te Atua; b'a ngkana akea aei ao e aki kona te aomata n nora te Uea.

1.Betero 1:16

B'a e koreaki ae kaangai, “Kam na itiaki b'a I itiaki Ngai.”

2.Betero 3:13

Ma n ai aron ana taeka n akoi, ti a tiku ni kaantaningai karawa aika boou ma te aonnaba ae boou, ike e mena iai karaoan nanon te Atua.

1.Ioane 2:20

Kam a tia ni kabiraki iroun Teuare Moan te Raoiroi, ao kam atai b'aai ni kabane.

1.Ioane 2:27

Ao ngkami, E a tia Kristo ni karuoa Tamneina are Raoiroi i aomi. Ngkai e teimatoa aromi anne i Rouna, a aki kai nanomi ngkana kam aki reireiaki iroun temanna. Ma ngkai kam reireiaki iroun Tamneina are Raoiroi ni b'aai ni bane, ao baike e reireingkami iai bon te koaua, tiaki te kewe. Teimatoa n ana reirei te Tamnei are Raoiroi, ao ni maeka n te nano ae ti teuana ma Kristo.

Te Kaotioti 21:27

Ao e na bon aki kona n rin i nanona te b'ai ae kam'ara, ke ane e karaoa ae riai ni bati n ribaaki ma ni b'ab'aina te kewe; ma a na rin iai ti te koraki ake a tia ni m'akoro araia ni bokin te maiu are ana b'ai te Tiibuteteei.