Itaia 35:2 - Te B'aib'ara

² Ane a na ure ueen taian rereua n taabo nako ao a na anenei kuuna aika a kakukurei. A na kakannato n ai aron te Maunga are Reb'anon, ao ni mimitong kaanga te Maunga are Karemera ke te M'arua are Tiaron. Ane a na bane aomata nako n noora kamimiin mimitongin te UEA ae Atuara.

Itaia 35:2 ပူးပေါင်းရင်းမြစ်များ

1.Rongorongo 16:33

Ane a na bane arokan te buakonikai n anene ni kukurei nakon te UEA E a roko b'a e na motikitaekaia aomata ni kabane n te aonnaba.

1.Rongorongo 27:29

Te tia tararuai maan ake a kaawakinaki n te aba ae e aoraoin Tiaron bon Titerai are kaain Tiaron, ao te tia tararuai b'aai ake a kaawakinaki n taian m'arua bon Tiabata are natin Aterai te m'aane.

1.Rongorongo 5:16

A maeka kaain te baronga are Kata ni kaawa ake n aonon nako Batian ao Kireata, ao ai uana naba ma te tabo n uteute are i Tiaron.

Taian Areru 50:2

E oota nako mimitongina mai Tion, are moanibaan te tamaroa.

Taian Areru 72:16

A bia bati uaa i aon te aba; A bia kirimto uaa i aon tabuki, n ai aron uaan aon Reb'anon. A bia kaonaki nanoni kaawa irouia aomata, n ai aroni kaonan aon te aba n uteute.

Taian Areru 72:19

Kamoamoa n aki toki arana ae mimitong! E bia buta aonnaba ni mimitongina. Amen! Amen!

Taian Areru 89:12

Ko kariki aaba nako i aang ao nako aiaki; A anene ni kim'areirei nakoim Tabora ma Oman.

Taian Areru 97:6

A kaotiota ana raoiroi taiani karawa; ao a bane n nora mimitongina botannaomata nako.

Te Otinako 16:7

Nakon te moanibong ao kam na noora raitiitin ootan mimitongin te UEA. E a tia n ongo ngurenguremi nako Ina---kam aki ngurengure nako ira b'a ngaira bon ti taani kakoroi mwiin Ana babaaire.”

Ana Anene Toromon 2:1

Bon te rooti ngai man te aba are Tiaron, kiebun te m'arua.

Ana Anene Toromon 7:5

E rietaata atuum kaanga te Maunga are Karemera; e rangi ni kantara iran atuum ao e a taenikai te uea iai.

Itaia 25:9

Ane a na kaangai aomata n te tai arei, “E a tia te UEA ni kamaiura! Ti na karaoa ara bootaki ni kukurei. Ti tataninga ma ni kakantaninga ao ngkai e a mena Atuara ikai.”

Itaia 27:6

N te bong teuana ao ane e na nene wakaaia aomatan Iteraera kaanga te kureebe. Ane a na uee ma ni kariki uaa aika a na kaona te aonnaba.

Itaia 32:15

Ngkae ti anganaki te Tamnei mai karawa ao a na riki b'a taian m'akoro n aba aika a on n taian aroka aika iai uaaia. aika a nimatenten aroka iai.

Itaia 33:9

A m'au ma n akea arokan aon taian tawaana; E mauna raoiroin te Maunga are Reb'anon n te maamaa. E a riki b'a te rereua te M'arua are Tiaron; a mrara baan arokan buakonikain Batian ao Karemera.

Itaia 35:10

A na oki ma te anene aomata aika e a tia te UEA ni kamaiuia ngkana a rin i Tion. E na riki te kukurei b'a aia bau ni uea ae a na baunna n aki toki. A na bukamaruia ao a na takaarua b'a a nako ni kabane rawawataia ma raraomaia.

Itaia 40:5

Ao i mwiina, ane e na kaoti mimitongin te UEA b'a e aonga n nooraki. E a tia te UEA ni berita i bukin aei!”

Itaia 40:9

Bon iai te rongorongo ae e raoiroi i bukin te kaawa ae e buubura ae Tion Takaaruaia n tokin korakoran b'anaam mai taubukin te maunga ae te kabanea n rietaata ni maunga. Ko na aki maaku n takaarua nakon kaawan nako Iuta, “E mena te Atua ikai!”

Itaia 41:19

N na kaonrakea te rereua n aekaki n aroka nako aika tiira, aketia, ma motere; oriwa ma m'aiango; ao bureen ma teatura.

Itaia 49:13

Tuangiia taiani karawa ao aonnaba b'a a na anene ni kukurei; tuangiia taiani maunga b'a a na ira buakon te anene. A tia ni karawawataaki ana Aomata te UEA ma E a tia ni kaota ana akoi ao e anganiia te mwengaraoi.

Itaia 6:3

ngke a takaarua ni kaangai, “E tabu, e tabu, e tabu, te UEA ae Moan te M'aaka! E on aonnaba ni mimitongina.”

Itaia 60:13

A na uotaki nakoim moan raraoin kaain Reb'anon kaai ake teatura, kaai ake bureen, ao kaain ake tiira. A na kamanenaaki n au Tembora i bukin katamaroaan te tabo ike N na katokaa iai waeu.

Itaia 60:19

Kam na aki kainanoa ootan taai ke nam'akaina. N na riki Ngai ae te UEA ae Atuami b'a ami oota n aki toki ao te tia karekea te karineaki.

Itaia 60:21

A na maiu raoi ami aomata ma n teimatoa ni b'aina te aba; bon taian aroka ngaia aika I unikia b'a a na neboai.

Itaia 61:3

mai ai moaraara riki i Ierutarem. E kanakoai b'a N na anganiia taiani uee n onea mwiin nanokawakiia, b'aan te oriwa n onea mwiin taian rannimata, ao te kukurei n onea mwiin te uruakinnano. A na aranaki b'a “Arokan te Motiraoi,” are e unikaki iroun te UEA i bukin neboan arana.

Itaia 66:10

Kukurei ao takaarua, ngkana kam tangira Ierutarem! ngkana kam nanokawaki i bukina ngkoa kam na kakatonga ngkai.

Itaia 66:14

Kam na kukurei ngkana kam nooria b'a a riki baikai; e na manga waekoa riki okin korakorami nakon te rikiraken te uteute ae e a tib'a bwebwerake. Ao ane a ataia aomata b'a e mena te UEA irouia ana taan m'akuri nako ao e un nakoia ana kairiribai ni kabane.

Otea 14:5

N na riki b'a kaanga te aoi ao ane kam na kaurei ueemi kaanga taiani kiebu ao a na riki wakaami b'a kaanga taian aroka.

Ab'akuka 2:14

Ao e na onrake te aonnaba n ataakin mimitongin te UEA n ai aron taari ae e kaona marawa.

Tekaria 10:7

E na riki Iteraerab'a kaanga baronga ni buaka aika a karaoa aia bootaki ni kukurei n te wain. Ngkana a noora aei natiia, a na bon rangi ni kukurei naba ibuku Ngai ae te UEA.

Ioane 12:41

E atongi baikai Itaia i bukina b'a e a kaman nora mimitongin Iesu, ao e taekinna.

Ioane 17:24

“Tamau, I tangiriia ake Ko anganai b'a a na mena irou ike I mena iai, b'a a na nora neboakiu are Ko anganai ngke Ko tangirai i m'ain rikin aonnaba.

M'akuri 9:35

A bane n nora teuare kamaiuaki aomata ake a maeka i Rura ao i Tiaron, ao a riki b'a taan onimakina te UEA.

I-Rom 10:15

Ao a na kanga n tataekinna ngkana a aki kanakoaki? N ai aron are koreaki ni kaangai, “Ai tamaroa ra waeia ake a roko n uoti rongorongoni baika raraoi!”

I-Rom 15:10

Ao aio naba: “Kim'areirei, ngkami aika Tientaire, ma ana aomata te Atua!”

2.I-Korinto 3:18

Ao ngaira ni bane ma matara aika aki rabunaki, aika ti nora mimitongin te UEA kanga n te tirotaam, ti tabe n onikaki nakoni katotongana man te mimitong teuana nakon teuana; ao e riki aei mairoun te UEA ae te Tamnei.

2.I-Korinto 4:6

B'a bon te Atua, are kangai, “E na oota te oota mai buakon te roo!” Bon te Atua naba aei are kaota ana oota i nanora, b'a ti na ata mimitongin te Atua b'a e oota man ubun Iesu.

Iotua 19:26

Arammereke, Amata, Mitiara, ao e roko naba tian abaia are mai maeao i Karemera, ma Tiora-ribenata.

Te Kaotioti 21:23

E aki kainanoa taai ke nam'akaina te kaawa arei i bukin ootana; b'a ootana boni mimitongin te Atua, ao taurana bon te Tiibuteteei.