Itaia 34:7 - Te B'aib'ara

⁷ Bon taiani kao aika a aki manana taani kairiiri i Etom. Bon taian kaom'aane aika a marurung, ma a na boni mate naba ma ake tabeman. Ane e na onrake abaia n raraaia ao e na maiu tanon abaia ni kiritin rab'ataia.

Itaia 34:7 ပူးပေါင်းရင်းမြစ်များ

Taian Areru 22:21

Kamaiuai mairouia raian aikai; Akea te bae I kona ni kaitaraia iai kaao-m'aane aika tiritiri aikai.

Taian Areru 68:30

Ko na boaa Aikubita, ae kanga ai aron te man ae aki manana i buakon uteute aika ririeta. Boaiia botannaomata, ake kanga ai aroia kaao-m'aane ma kaao ataei, ni karokoa ae a bane ni karineko ao a anganiko aia tirewa. Kamaenakoia aomata akana tangira te kani buaka!

Taian Areru 92:10

Ko a tia ni kakorakoraai b'a kanga ai aroni korakoran te kaom'aane ae aki manana; Ko a tia ni kakab'aiaai ngke Ko kakukureiai.

Itaia 63:6

I toutouia botannaomata ni bonon nanou ao I karaoia b'a a na koro ni manging; a tii nako raraaia nakon taabo nako n te aonaaba.”

Ieremia 25:34

Bon ana nanai te UEA aomata, ao ngkami aika taani kairiiri bon taani kaawakintiibu. Ma ngkai, ai manga ami tai n tiringaki kaanga tiibu. Kam na maaenikun kaanga te b'aata te tano ae e b'aka man te buia. Ma ngaia ae, kam na rabinobino i aon te tano, n tang ma n tanginiwenei.

Ieremia 46:21

Ane a na rairaki ni biri, aia tautia ianena aika a kabooaki. Ma a reke n te kabuanib'ai, kaanga taian kao ataei aika a kamarikaaki raoi aika a kairaki nakon te tia tiringa te tiibu.

Ieremia 50:11

Kaain B'aburon, kam kukurei ngkoa ni kimoaia Au aomata. E rangi n reke ami tai ngkoa, ni karaoa te karongoaa ae e korakora riki nako ia aoti ma n eweewe rake n aki akaaka kaanga taian kao ataei aika a kanakoa kunin te uita.

Ieremia 50:27

Tiringiia tautian B'aburon, i bukina b'a e a roko te tai are a na katuaaeaki iai.

Etekiera 32:6

ao e na raanga nako rab'atam i aon te aba ma ni kaon taian raanga n ran.

Etekiera 39:17

Etekiera ae natin te aomata, N nang karaoa te baka n am'arake i aoni maungan nako Iteraera ma n anga te karea ikekei. Ma ngaia ae ko na kaoiia maanikiba ni kabane ma maan aika kawakawa ni kabane man taabo nako b'a a na am'arake n irikon te karea ao nima te raraa. A na am'arake mannikiba nako ma maan aika kawakawa nako

Etekiera 39:18

n rab'ataia taan buaka ao taan tautaeka ma ianena ake N na kareaniia kaanga te tiibu, ke taian kooti, ke taiani kao.

Warekaia Iteraera 23:22

E kaotinakoia te Atua mai Aikubita ni korakorana ae ai aron korakoran te kao anti mm'aane.

Warekaia Iteraera 24:8

E kaotinakoi ngkami te Atua mai Aikubita n te korakora ae kaanga ai aron korakoran te kao anti mm'aane. Kam na konaiia ami kairiribai Kam na katebeia n ami kanoa ni katebe ma ni kamanti riia.

Te Tua-Kaua 33:17

A kakannato ao a kakamaaku n aron te kaom'aane ke te kao ae aki manana, aia taanga ni buaka Eberaim ao Manate a na ewariia botannaomata aika raroanako n aia kainiwai.