Itaia 34:16 - Te B'aib'ara

¹⁶ Ko konaa ni kakaaea ao ni kunea n ana boki te UEA n are e koreaki iai, “E ikoti ni kabane ana karikib'ai te UEA ni m'aakan Tamneina, ao akea temanna ae e bua.”

Itaia 34:16 ပူးပေါင်းရင်းမြစ်များ

Karikani B'aai 6:17

N nang karokoa te ieka n te aonnaba ni kamaunai b'aai aika maiu ni kabane. A na bane ni mate b'aai ni kabane aika i aon te aba.

Taian Areru 33:6

A karaoaki taiani karawa ma b'aai nako ake a mena iai n ana taeka te UEA.

Taian Areru 33:9

B'a E taetae, ao e riki aonnaba; E tua, ao a riki b'aai.

Taeka n Rabakau 23:12

Kakauongo nakon taian reirei ao kabanea korakorami ni kamateb'aia.

Itaia 1:20

Ma ngkana kam katei nako iu, ao kam na tiringaki irouia ami kairiribai. Bon aei au taeka Ngai ae te UEA.

Itaia 14:31

Kam na tang ma ni katuu ranin matami ni mataroan nako taiani kaawa. ngkami aika kaain Biritia! E a roko te bubu mai meang, ao a bane n tauraoi taiani tautia.

Itaia 21:17

A na ti tabeman nikiraia aia taani buaka ma aia kainikatebe ao aia kanoa nikatebe. Bon te berita te b'ai aei ae I a tia ni karaoia Ngai ae te UEA ae Atuan Iteraera.

Itaia 30:8

E tuangai te UEA b'a N na korea te rongorongo i bukiia ana Aomata aei, b'a e aonga ni meemena ikekei n aki tootoki.

Itaia 40:26

Bon noora karawa n te tairiki! Antai ae e karaoi taian itoi? Antai ae e anganiia araia n tatabemaniia nako? Antai ae e kairiia kaanga te taanga ni buaka? E bon rangi ni korakora te UEA n te aro are bon akea mai buakon taian itoi aika bua.

Itaia 40:5

Ao i mwiina, ane e na kaoti mimitongin te UEA b'a e aonga n nooraki. E a tia te UEA ni berita i bukin aei!”

Itaia 58:14

Ao ane kam na karekea raoi iai kakukurein ataakin te UEA. E na tautaekaningkami man te maunga ake taiani kabanea n rietaata ao ni kakab'aiaingkami n aban ami bakatibu are Iakob'a. Ngai te UEA ae I taetae!

Taniera 10:21

Ao i mwiin anne, e na kaoti aneran Kuriiti. Bon akea ae e na buokai b'a bon ti Kabiriera, are te anera are e teiakina Iteraera.

Amota 3:7

E na bon aki karaoa te b'ai teuana te Uea ae te UEA ngkana e tuai kaota moa nanona ae e raba nakoia ana toro aika burabeti.

Tekaria 4:6

Ma ngaia are, e kab'arab'araa te anera b'a bon reitan taian rongorongo mairoun te UEA nakon Terub'abera. Bon te UEA Ngai ae Moan te M'aaka. Ma ngaia are, kam na aki onimakina korakorami ma marurungimi, ma kam na onimakina Tamneiu.

Maraki 3:16

Ao ngke a moanna aomata aika a karinea UEA ma nanoia ma ni karinea arana ni maroroakin baikai, ao E koroi araia b'a a aonga n ururingaki n ana boki te UEA ngke e noora te b'ai are e riki.

Mataio 5:18

B'a e koaua ae I a tuangngkami, b'a ngkai e tuai ni mauna karawa ma aonnaba, ao e na bon aki mauna manin taekan te Tua ae te kabanea n uarereke, ke aron taekana ae te kabanea ni kimototo, i m'ain rikini b'aai nako ake a taekinaki n te Tua b'a a na riki.

Ruka 21:33

A na mauna karawa ma aonnaba, ma a na aki kona ni mauna au taeka.

Ioane 10:35

Ngkana E atongiia te Atua te koraki ake E anganiia ana taeka b'a atua (ao e aki kona ni katinanikuaki taekan te B'aib'ara),

Ioane 5:39

Kam ukeuke n te B'aib'ara b'a kam taku b'a e na reke mai iai iroumi te maiu are aki toki; ao boni ngaia are kaotioti i buku;

Te Tua-Kaua 31:21

Ngkana I katuaaia Iteraera ma kanoaia n taian karawaawata ma kabuanib'ai, ao N na kauringiia ae a na ataia b'a a bon atai taekan te anene aei. Ma ngaia are, bon akea aonaia ngkana a aki ongotaeka irou. N na anganiia te aba are I berita iai nakoia, ao I bon atai raoi baika a na karaoi rimwi.

Iotua 1:8

Ko na kakoaua raoi b'a e na riai ni wawarekaki bokin te tua n taai nako n tain te taromauri. Kamateb'aia te tua ni bong ao ni ngaina, ao kakaonimaki ni karaoi b'aai ni kabane akana a koreaki iai. Ao ko na bon kakab'aia ma n tekeraoi.

2.Betero 1:19

Ma ngaia ae ti aki nanokokoraki riki n te rongorongo are a taekinna burabeti. E raoiroi iroumi b'a kam na ongo iai, i bukina b'a ai aron te taura ae ura n te tabo ae roo ni karokoa ae e nang oti taai ao e oota te itoi ni ngaina i nanomi.