Itaia 34:10 - Te B'aib'ara

¹⁰ Ane e na bue n te bong ma te ngaina ao e na aki toki bubuna. E na riki Etom b'a te rereua, ao e na akea ae e na manga; riri nanon te aba arei n te roro teuana ma teuana.

Itaia 34:10 ပူးပေါင်းရင်းမြစ်များ

Itaia 1:31

A na riki ami taani kairiiri b'a kaanga kaai aika a m'auteretere ae a kareaki aon te ai irouia aia bouannanti. A na bon akea ae e na konaa ni buobuoki, ngke a bane n urarake.

Itaia 13:20

Ane a na akea ae e na maeka i B'aburon. E na bon akea naba taani m'am'ananga aika a na maeka ni kaaniia, ao a na aki kariaia aia nanai n tiibu taani kaawakin tiibu b'a a na katoki kuaia ikekei.

Itaia 24:1

E nang minota te aonnaba te UEA n urua teina ma n onikia nakon te rereua. A na bane ni maae nako aomata nako,

Itaia 34:17

E a tia te UEA ni baairea te tabo ike a na maeka iai n tatabemaniia; ana mena ikekei n aki toki, n te roro teuana ma teuana.

Itaia 66:24

A na otinako au aomata ni kakaai rab'ataia ake a kakaitaraai. A aki konaa ni mate taian ino ikekei, ao e aki konaa n toki uran te ai, ao a na rangi n ribaaki taraan rab'ataia aomata aikai irouia aomata nako.

Ieremia 49:18

ae kaanga ai aron buakakan te urub'ai nakon ngkoa Totom ma Komora ao kaawa nako ake i rarikiia. E na akea kaain te kaawa ae Etom.

Ieremia 7:20

Ao ngkai N nang kaiekaa Iuta Ngai ae te UEA ae Moan te M'aaka n uran uniu ni karokoa akea nikiran b'aai nako—ana akea aomata ke maan, ke taiani kainam'arake ke taian uita.

Etekiera 29:11

E na bon akea naba aomata ke te man ae e na kataia ni m'ananga nako Aikubita, i bukina b'a akea kanikinaean te maiu iai i nanon abwi te ririki.

Naum 2:10

E a uruaki Ninewe, e a rereua ao e a kamaroaa! A rannako naano; a ruru bubuaniwae, akea te korakora; a mainarake moaia aomata.

Te Kaotioti 18:18

ao a takarua ngke a nora bubuni buena, ao a kaangai, “Bon akea te kaawa ae ai aron te kaawa ae kakannato arei”

Te Kaotioti 19:3

A a manga kaangai riki, “Neboa te UEA! E aetorake bubuni bueen neierei n aki totoki.”