Itaia 33:3 - Te B'aib'ara

³ A uamaaenako botannaomata ngkana ko bekorara ao ko kaota kakannatom.

Itaia 33:3 ပူးပေါင်းရင်းမြစ်များ

Taian Areru 46:6

A kiriwe botannaomata b'a a maaku, a nako buaka waaki n tautaeka n aaba ake iai ueaia; E taetae te Atua n te b'anaa ae korakora, kanga ai aron rebwen te baa, ao e riki n ran aonnaba.

Taian Areru 59:11

Te Atua, tai kamateia, b'a a kaawa au aomata ni m'aninga taekan am Tokanikai. Kauamaenakoia ni m'aakam ao katae aia kai, te Uea ae te tia kamanoira.

Taian Areru 68:2

Aron te bubu n ai n ukaki nako, ao ai bon aroia naba ni kakioaki nako. Aron te nenea n riki n neinei ni kabuebuen te ai are e mena i rarikina, ao ai bon aroia naba akana buakaka ni kabuanib'ai i matan te Atua.

Itaia 21:15

A kua ma ni kainano i mwiin kakioakiia irouia aia kairiribai ma taian kabaang ao taiani kainikatebe.

Itaia 33:4

Ti buakaniia ara kairiribai kaanga taian taanga n rookati; ti anai b'aai ni kabane ake a b'ain.

Ieremia 25:30

E taku te UEA nako iu: N na bekorara kaanga te baa man au Tembora, ngkana I kamanatuaia au aomata ma aomata nako kaanga ai aron taiani kureebe.

Ieremia 25:31

E na ongo te aba b'anaau man taabo nako i aon te aonnaba, ngkana I bukiniia botannaomata n aia kaairua ma ni motika taekan te tia bure nakon te mate.