Itaia 33:23 - Te B'aib'ara

²³ Ma bon te kaibuke am botannaomata ae a matanatana roobuna nako ao e a kani b'aka aneangina manni nena ao e tikibuaka kanoan iena. N te tai teuana ngkami naba aika kam m'auku a na reke naba ami b'ai mai rouia ami kairiribai nako.

Itaia 33:23 ပူးပေါင်းရင်းမြစ်များ

2.Uea 7:16

Ao a kawaekoaia aomata nakon aia kaemb'a kaain Turia ma ni kabanei b'aai ake a tiku ni uotinako. A rangi ni bati b'aai ake a anai n te aro are e a kabooaki teaina te baeki are e buubura, ao uaai baeki ni b'aare aika a buubura naba n te bo ae e rangi ni uarereke, n aron are e a tia n berita iai te UEA.

2.Uea 7:8

Ma ngaia are, a biri nako man aia kaemb'a n te tairiki arei, ao a kiitani aia autinrianna ma aia aoti ma aia aati. Ao ngke a roko reebera ake aman i tabon aia kaemb'a kaain Turia ao bon akea naba te aomata temanna. A m'ananga n rin nako i nanon te autinrianna teuana, ao a am'arake ma ni mooi i nanona, ao i mwiina a uotinako taiani kunnikai, ao ai uana naba ma taiani koora ma taian tirewa. A karabai baikekei ni kabane, ao a manga rin i nanon te autinrianna are teuana; a anai b'aai ake a bon tangiri, ao a karabai naba.

2.Rongorongo 20:25

Ma ngaia are, a m'ananga Ieotiab'ata ma ana taanga ni buaka nakon aia kaemb'a ni uoti nako b'aai ni kabane aika a kakaawaki. Ao a kunei ana nanai ni man ae moan te korakora, taiani b'ai, kunnikai, ao b'aai riki tabeua aika a kakaawaki. A kabanea tenibong aia bong ni uoti nako, ao bon iai naba nikiraia.

Taian Areru 68:12

A biri nako uea ma aia taanga ni buaka! A tib'atib'aaki aia b'aai ake a reke i mwiia irouia aine ni mwengaia; ao aikai baikanne:

Taian Areru 68:13

katotongaia taobe aika kabiraki aoia n te tirewa, ao a karaneaneaki baiia ni kiba n te koora ae aki renganaki. (A aera ami koraki tem'angina ngke a tiku i buakoni neia tiibu n tain te buaka?)

Itaia 33:1

Ko konaiia au aomata. Ko a reke n te kangaanga! Ko tuai man ururuakaki, ma ko nang uruakaki; ko tuai man kam'aneaki; ma ko nang kam'aneaki. Ngkana e a bane am uruuru ma am kam'aam'ane, ao ko nang manga uruakaki ma ni kam'aneaki n aron anne.

Itaia 33:21

E na mena i rarikira ara UEA ae e kamimii! A na iai taian karaanga aika a iabuti ao taian karaanga aika a uarereke aika a aki konaa n roko iai aia kaibuke ara kairiribai.

Itaia 33:4

Ti buakaniia ara kairiribai kaanga taian taanga n rookati; ti anai b'aai ni kabane ake a b'ain.

Itaia 35:6

Ane a na eweewerake aika a m'auku kaanga taian ria; neewe aika a bae a na manga takaarua. Ane a na manga raanga raan ri nanon te rereua.

Etekiera 38:13

A na riki kaain Tieba ao kaain Tetan, n reitaki ma taani kabob'ai man taiani kaawa ake a uarereke i Tibein meaang b'a taan raoniko. A na tangiri taian tirewa ma taiani koora, ao ai uana naba ma taian nanai ni man ao b'aai ake a anai ami taanga ni buaka mai Iteraera.

M'akuri 27:19

ao n te katenibong ao a tetewe nako b'ain nako te kaibuke n oini baiia.

1.I-Korinto 1:27

Ma te Atua E rinei baika atongaki n te aonnaba aei b'a a baba, b'a E na kamamaaia aomata aika rabakau. E rinei b'ain aon te aba aika mamara b'a E na kamamaai baika korakora.

1.Tamuera 30:10

Ao e reita nako kawaina Tawita ma rorobuaka ake 400; ao a kua ana rorobuaka ake 200 b'a a aki konaa n ri nanon te karaanga are e uarereke ma ngaia are, a tiku n iterana are teuana.