Itaia 33:22 - Te B'aib'ara

²² Bon ara tia Moti ara UEA ao ara tia tautaeka; bon ara king ara UEA ara E na bon kamaiura.

Itaia 33:22 ပူးပေါင်းရင်းမြစ်များ

Karikani B'aai 18:25

Ko na bon bae n aki kona n tiringiia aomata aika akea aia bure ma aomata aika taani bure. E bon aki kona ni karaoaki anne. Ko aki kona ni karaoa anne. Ngkana Ko karaoa anne, ao ane a na mauna nako naba iai aomata aika akea aia bure i rarikiia taani bure. E bon aki kona ni karaoaki anne. E na bon karaoaki te motikitaeka ae eti n te aonnaba aei ni kabane.”

Neemia 10:14

Aikai taani kairiiri ake a anganaki tib'angaia: Baroti, Baata-Moaba, Eram, Tatu, Bani,

Taian Areru 44:4

Bon au Uea Ngkoe ao Atuau; Ko karekea te tokanikai nakoia ana aomata Iakob'a;

Taian Areru 44:5

ao ti tokanikai i aoia aiara ni m'aakam.

Taian Areru 50:6

A kaotiota raoiroin te Atua taiani karawa: B'a bon te tia motiki-taeka Ngaia.

Taian Areru 74:12

Ma Ngkoe, te Atua, bon ara Uea ma ngkoangkoa; A m'aiti am Tai ni kamaiura.

Taian Areru 75:7

Bon te Atua ae motikitaeka, ni kabuakakaia tem'angina ao ni karaoiroia tabem'aang.

Taian Areru 89:18

Boni Ngkoe, te UEA, ae Ko rinea ae na kamanoira; Boni Ngkoe, Atuan Iteraera ae tabu, ae Ko anganira ara uea.

Taian Areru 98:9

I bukina b'a E roko n tautaekana te aba. E na tautaeka i aoia aomata nako i aonnaba n te eti ma te aki nanonano.

Itaia 1:10

Bon ti te bo ngkami ma taani kairiiri irouia kaain Tootom ma Komora! Ma ngaia are, kam na ongora iroun te Atua:

Itaia 11:4

E na karaoaki raoi te eti ma te riai nakoia aomata aika a maiu ni kainano ao a tangira buokaia. Ana riki ana taeka b'a taian tua i aon te aba ni kabutaa, ao a na bane n tiringaki taani bure.

Itaia 12:2

I onimakiniko b'a ko na kamaiuai, te UEA ae te Atua, ao N na aki maaku A nako m'aakau ma korakorau mairoum, ao ko a tia ni kamaiuai.”

Itaia 16:5

Ao i mwiina, e na tei abanuean te tangira, ao e na tautaeka ma te eti temanna man ana utu Tawita. E na karaoa ae e raoiroi mani uota te riai.

Itaia 2:4

E na katoki taiani ngurengure imarenaia botannaomata. Ane a na urui aia kabaang ma aia kainiwai ni manga kariki b'a taian reeke ma tiabora; ane a na aki manga karika te buaka ke ni buakaniia i marenaia.

Itaia 24:23

A na kaai ni kamaamaaeaki ma ni kab'ainrangaki nam'akaina ma taai. E na tautaeka te UEA ae Moan te M'aaka i aon te Maunga are Tion i Ierutarem, ike e na kaota iai nakoia ana taan tautaeka kamimiin mimitongina.

Itaia 25:9

Ane a na kaangai aomata n te tai arei, “E a tia te UEA ni kamaiura! Ti na karaoa ara bootaki ni kukurei. Ti tataninga ma ni kakantaninga ao ngkai e a mena Atuara ikai.”

Itaia 33:17

Kam na noora te Uea ae e Kakannato ni bon oin matami; kam na noora abanueana ae e rooti taabo aika raroa ma n raababa.

Itaia 35:4

“Kakukureingkami! Kam na aki maaku. E a roko te Atua b'a e na katuaaia ami kairiribai. Ane e na irantaangaia te Atua ao e na kamaiungkami.”

Itaia 37:20

Ma bon ara UEA ao Atuara! Ti butiiko b'a ko na kamaiura mai roun uean Aturia. Ao ane a na ataiko iai aomata ni kabane n taian botannaomata b'a bon ti Ngkoe te UEA.

Itaia 41:21

Bon te UEA Ngai ae Atuaia Iteraera! Nakomai kaetieti ma Ngai. Kaoti am b'ai ni kakoaua.

Itaia 44:6

Bon te UEA Ngai ae Moan te M'aaka, Te moa ao te toki, ae ti Ngaia te Atua ae ti temanna. Iteraera, I a tia ni kamaiuko! Bon am Uea Ngai.

Itaia 49:25

Ma E a tia te UEA ni berita b'a E na tei man ara itera ao E na kamaiuia ara ataei mai rouia ara kairiribai aika a korakora ma n tiritiri aikai.

Itaia 49:26

E na karaoia aomata aika a iowawaa aikai b'a a na bon kana irikoia ao a na mooi boni man raraaia. Ao ane a na ataai aomata nako b'a bon ara Tia kamaiu te UEA; Atuan Iteraera ae Moan te M'aaka are e kamaiuia ana aomata.

Itaia 51:4

E taku te UEA: au Aomata ngkami ao au botannaomata! Ma ngaia are, kam na kakauongo raoi irou. E na karekea te rau au reirei ao e na oota nako kaanga te oota i bukin te botannaomata.

Itaia 51:5

A ingainga n tataningaai b'a N na kamaiuia aomata ake a maeka n taabo aika a raroa nako i nanon te marawa. I korakora ao I tauraoi; N na roko ni kamaiungkami n te tai ae e waekoa ao N na tautaekaniia botannaomata ni kabane.

Itaia 51:7

Ngkana kam tangiria ni karaoa ae e raoiroi ma n ongotaeka nakon au reirei ma nanomi ni kabane, ao kam na kakauongo raoi Irou. Kam na aki b'arannano ngkana iai aika a kamamaaeingkami ma n atong taeka aika a kamaraki nano.

Itaia 60:16

Ko na atiki kaub'aia uea ma botannaomata nako. Ane ko na ataai b'a te UEA Ngai ae e m'aaka ae Atuaia Iteraera, ae I a tia ni kamaiungkami.

Tekaria 9:9

Kukurei ao takaarua aomata ni kabane i Ierutarem, E a tia n tokanikai ami uea, ao E a roko ni kawaringkami. E nanorinano ao E toka i aon te ati; ao E roko i aon bunin te aati.

Mataio 21:5

“Kam na kangai nakoia kaain te kawa are Tion, Noria, E a nako imi ami Uea! Ae nimamannei, ae toka i aon te aati ao i aoni bunna.”

Mataio 25:34

Ao ane E na kangai te Uea nakoia ake i angaataina, “Nako mai ngkami akana kam kakab'aiaki iroun Tamau; kam na b'aina Uean te Atua are a tia ni katauraoaki i bukimi mani moani karikan aonnaba:

Ruka 2:11

b'a e a bungiaki nako imi n te bong aei n ana kawa Tawita, te tia Kamaiu are te Kristo are te Uea.

M'akuri 5:31

E neboia te Atua ni kaaki i rarikina b'a te Mataniwi Ngaia ao te Tia Kamaiu: b'a E aonga n reke nakoia Iteraera aia tai n rairi nanoia ao ni kab'araki aia bure.

2.I-Korinto 5:10

B'a ti na boni bane ni kateaki i matan ana kaintoka ni motikitaeka Kristo, b'a e aonga n anganaki temanna ma temanna booni mwin ana m'akuri ni kabane ake e a tia ni karaoi n rab'atana, aika baika raraoi ke a bubuaka.

Te Tua-Kaua 33:2

E roko te UEA man te Maunga are Tinai E anga te oota mai Etom nakoia ana Aomata, ao e oota nako mimitongina man te Maunga are B'aran. Teuana tengaa Ana tautia aika raona, ao te ai i baina are te angaatai.

Ebera 5:9

ao ngke E a bobonga raoi arona, ao E riki iai b'a te tia karika te maiu are aki toki nakoia ni kabaneia aika ira nanona;

Iakobo 4:12

Ti temanna te tia karaoa te Tua, ao te tia motiki-taeka, ae e kona te kakamaiu ma te kamamate; ma antai ngkoe ngkai ko motika taekan raom?

Te Kaotioti 19:16

Ao iai arana ae koreaki i aon ana kunnikai ao i aon rangana, ae kaangai, “AIA KING KING AO AIA UEA UEA”.

1.Tamuera 12:12

Ao kam nooria b'a e nang buakaningkami uean Ammon are Naati. E ngae ngke bon ami UEA ae te Atua ae ami uea, ma kam taku nako iu, “N te tai aei ao e kaokoro, ao ti a tangira te uea ae na tautaekaniira!”