Itaia 33:2 - Te B'aib'ara

² Taiaoka, te UEA, nanoangaira! Ti onimakiniko. Kakorakoraira ni katoa ingaabong, ao kawariira ni kamaiura ngkana ti a reke n te kangaanga.

Itaia 33:2 ပူးပေါင်းရင်းမြစ်များ

Taian Areru 123:2

Tooro aki toki n tataara aia m'atita, ma ngaira ti na bon teimatoa n tataraiko, ni karokoa e na bon mena am nanoanga i aora.

Taian Areru 143:8

Ko na kaururingai ni katoa ingaabong n taekan am Tangira ae Teimatoa, B'a I onimakiniko. I tataro nakoim; kaota te kawai ae N na toua.

Taian Areru 25:3

A aki kona ni konaaki akana onimakiniko irouia aiaia; ma ti te koraki ake akea nanoia b'a ti te kan ekiko nako.

Taian Areru 27:1

Bon ootau ma au tia kamaiu te UEA; Akea ae N na makua. Bon nneu ni kamanoai te UEA man taiani kanganga nako; N na bon aki maaku.

Taian Areru 33:22

E na memena am Tangira ae Teimatoa i aora te UEA, Ngkai a tiku ara kaantaninga i Roum.

Taian Areru 37:39

E kamaiuia akana raoiroi te UEA, ao E kataniia n tain te kaangaanga.

Taian Areru 46:1

Boni nera ni katantan ao korakorara te Atua. E kaan n taai nako ni buokira n tain te kangaanga.

Taian Areru 46:5

E mena te Atua n te kaawa anne, Ao e na aki kona n uruaki; E rangi n tauraoi ni buokiia.

Taian Areru 50:15

Kam na weteai n tain te kaangaanga; N na kamaiungkami, ao kam na neboai.

Taian Areru 60:11

Ko na buokira ngkana ti buakaniia aiara; b'a akea te aomata ae kona ni buokira.

Taian Areru 62:1

I taotaona nanou ni kaantaninga te Atua b'a E na kamaiuai; Ti Ngaia mwiokoni maiu.

Taian Areru 62:5

Ti te Atua mwiokoni maiu, Ao e tiku au kaantaninga i rouna.

Taian Areru 62:8

Kam na onimakina te Atua n taai nako, ngkami aika au aomata. Tai toki n tuangnga ami kangaanga ni kabane, b'a Ngaia nera ae ti rau raoi iai.

Taian Areru 90:15

Ko na kabati kukureira n ai aroni m'aitin ara tai n nanokawaki n ririkini maiura ake ti karawaawataaki iai.

Taian Areru 91:15

Ngkana a weteai, ao N na kaekaia; ngkana a kai nanoia, ao N na mena irouia. N na kamaiuia ma ni kakab'aiaia.

Te Otinako 14:27

Ma ngaia are, e arora baina Moote i aon taari, ao e a manga okira arona taari ngke e a ing mainiku, ao a kataia n rawei maiuia, ma E kab'ab'aia te UEA i taari.

Itaia 17:10

Iteraera, ko a tia ni m'aninga taekan te Atua are e kamaiungkami, teuare bon te b'a ae e korakora ike e na konaa n reke iai maium. Kam unika taiani kabanea n tamaroa ni uee i bukin karinean antiia ianena.

Itaia 25:4

Ko a tia n riki b'a te tabo ni kamanomano i bukiia aika a maiu ni kainano ma n tangira buokaia i nanon tain te kaangaanga. A buakaniira ara kairiribai kaanga rokon te karau ae e korakora ke kaanga riringan taai n te tawanou, ma ko bon riki b'a katanara.

Itaia 25:9

Ane a na kaangai aomata n te tai arei, “E a tia te UEA ni kamaiura! Ti na karaoa ara bootaki ni kukurei. Ti tataninga ma ni kakantaninga ao ngkai e a mena Atuara ikai.”

Itaia 26:16

Ngkana ko katuaaia ara aomata, ao a rairaki man tataro nakoim, ara UEA.

Itaia 26:8

Bon temanna ae e onimakinaki b'a e na uota te eti; ao ti tangira riki neboan aram nakoni b'aai ni kabane.

Itaia 37:3

Itaia, bon taai aika a matoatoa ma ni bubuaka taai aikai. Ti te bo ara botannaomata ma te aine ae akea korakorana ni bungiia natina, ngke e a bon roko ana tai ni bungiia natina.

Itaia 40:10

Nooria! E a roko te UEA ae te Atua ae e rangi ni M'aaka b'a E na tautaeka ma baina ae e korakora. Uotana te b'ai ake e a tia n uotia nakon te buaka, ao E anganiia ana Aomata kaniwangaia.

Itaia 51:5

A ingainga n tataningaai b'a N na kamaiuia aomata ake a maeka n taabo aika a raroa nako i nanon te marawa. I korakora ao I tauraoi; N na roko ni kamaiungkami n te tai ae e waekoa ao N na tautaekaniia botannaomata ni kabane.

Itaia 59:16

E na bon rangi n ribaaki riki i rouna ngkana e ataia ae akea ae e konaa ni karaoa anne. Ma ngaia are, e na bon karekea te tokanikai i bukin te koaua n oin baina ae m'aaka.

Itaia 8:17

Man te tai arei ni karokoa ngkai, ao I bon tiku naba n onimakina te UEA, e ngae ngke e a aki kukurei iroun Iteraera.

Ieremia 14:8

Bon ti Ngkoe ara kaantaninga; bon ti Ngkoe are ko konaa ni kamaiura ngkai. Ko buokiira n te bong teuana, ma Ko a manga aki n te bong are i mwiina.

B'aeb'aeti 3:23

E boou n te moaningabong koraki, n ai aron kakaonimakin otin taai.

Otea 14:2

Rairaki nakon te UEA ao kaangai, “Taiaoka ni kab'arai ara bure. Butim'aai ara karea aika a raoiroi i bukin ara nebo n onea mwiin taian kaom'aane.