Itaia 33:17 - Te B'aib'ara

¹⁷ Kam na noora te Uea ae e Kakannato ni bon oin matami; kam na noora abanueana ae e rooti taabo aika raroa ma n raababa.

Itaia 33:17 ပူးပေါင်းရင်းမြစ်များ

2.Rongorongo 32:23

A uoti aia angab'ai aomata nako Ierutarem i bukin te UEA ao taian b'aintangira naba aika a rangi ni bobuaka i bukin Etekia, ao man te bong anne, a bane botannaomata n te aonnaba ni karinea Etekia.

Iobi 19:27

N na bon nooria raoi ni matau, ao E na aki iruwa i Rou.

Taian Areru 31:8

Ko aki anga ngai nako nanoni baiia taan ribaai; Ko a tia ni kainaomataai b'a N na nako ike I kan nako iai.

Taian Areru 45:2

Te kabanea ni botonim'aane ngkoe; Te tia taetae ngkoe ae ko wikateke. E aki toki ni kakab'aiako te Atua.

Ana Anene Toromon 5:10

E botonim'aane ao e marurung, te kabanea n rianako arona mai buakoia tebwina te ngaa.

Itaia 24:23

A na kaai ni kamaamaaeaki ma ni kab'ainrangaki nam'akaina ma taai. E na tautaeka te UEA ae Moan te M'aaka i aon te Maunga are Tion i Ierutarem, ike e na kaota iai nakoia ana taan tautaeka kamimiin mimitongina.

Itaia 26:15

E a tia n rikirake ara botannaomata i bukim, te UEA ae te Atua. A m'aiti riki abara nakon ake mai m'aaina, ao ko karineaki.

Itaia 33:21

E na mena i rarikira ara UEA ae e kamimii! A na iai taian karaanga aika a iabuti ao taian karaanga aika a uarereke aika a aki konaa n roko iai aia kaibuke ara kairiribai.

Itaia 33:22

Bon ara tia Moti ara UEA ao ara tia tautaeka; bon ara king ara UEA ara E na bon kamaiura.

Itaia 37:1

Ao ngke e ongo naba te rongorongo arei Etekia, ao e raeuai kunnikaina i bukin rawaawatan nanona, ao e karin kunnikai aika a mangaingai. Ao i mwiina, e nako n rin n ana Tembora te UEA.

Itaia 6:5

Ao I takaarua ni kaangai, “I a reke n te kabuanib'ai! A bane n on n te bure au taeka aika I atong, ao ai uana naba ma aia taeka aomata nako aika i rarikiu. Ma e ngae n anne, ma I a tia n noora te UEA ae Moan te M'aaka.”

Tekaria 9:17

Ai tangirakira. A na rikirake te roronrikirake ikekei n ai aron te uita i nanon te rereua ke te kureebe i nanon te nne n aroka ni kureebe.

Mataio 17:2

A nora Iesu b'a e bitaki taraana, ao e oota moana n ai aron taai, ao a taraa ni mainaina n raneanea kunnikaina n ai aron te oota.

Ioane 1:14

E riki n aomata te Taeka, ao E maeka i buakora. E on n te akoi ma te koaua, ao ti nora mimitongina, are mimitongina n arona b'a ti Ngaia Natin te Atua.

Ioane 14:21

“Ane iai i rouna au tua nako, ao e tou mwiia, ao e kaotia iai b'a e tangirai; ao ane tangirai ao e na tangiraki iroun Tamau, ao e na tangiraki naba irou, ao N na kaotai nakoina.”

Ioane 17:24

“Tamau, I tangiriia ake Ko anganai b'a a na mena irou ike I mena iai, b'a a na nora neboakiu are Ko anganai ngke Ko tangirai i m'ain rikin aonnaba.

2.I-Korinto 4:18

B'a ti aki taratarai baika nonoraki, ma ti taratarai baika aki nonoraki; b'a baika nonoraki a kai toki, ma baika aki nonoraki a aki totoki.

1.Ioane 3:2

Ngkami aika kam tangiraki, bon natin te Atua ngaira ngkai; ao e tuai ni kaotaki b'a terana arora rimwi. Ti ataia, b'a ngkana E a manga oki Kristo, ao ti na katotonga arona, i bukina b'a ti na nora arona ni koaua.