Itaia 33:16 - Te B'aib'ara

¹⁶ A na maeka n taian nono aika a mena i aoni b'aa aika a rietaata, ao a na kang am'arake ao nimaia te ran.

Itaia 33:16 ပူးပေါင်းရင်းမြစ်များ

1.Uea 19:6

Ao e taratara nako Eria, ao e noora te tiaeki n ran i etan atuuna, ao tabeua taiani kariki. E karaua n tekateka, ao e a am'arake mani mooi, ao e a manga wene naba matu i mwiin am'arakena ma mooina.

Taian Areru 107:41

Ma E kamaiuia akana kananoanga man rawawataia, Ao E kabatiaia kaain aia utu, kanga ai aron te nanai ni man.

Taian Areru 111:5

E kareke kanaia akana karinea; E aki toki n ururinga ana boraraoi ma ngaia.

Taian Areru 15:1

Antai ae kona n tiku n ana Tembora te UEA ke ni maeka i aon Ana maunga are tabu Te UEA?

Taian Areru 18:33

E kabirim'akai waeu; n ai aron te ria E buokai b'a N na aki kabuanib'ai i aoni maunga.

Taian Areru 33:18

Ma te UEA, E tatarataraiia akana karinea, Akana onimakina ana tangira ae teimatoa.

Taian Areru 34:10

A kona raian ataei ni baki b'a akea kanaia, ma akea te b'ai ae e raoiroi ae na aki reke irouia akana ongeaba iroun te UEA.

Taian Areru 37:3

Onimakina te UEA, ao karaoa ae raoiroi; Ko na maeka ma te rau raoi i aon te aba.

Taian Areru 62:7

E mena kamaiuau ma karineau iroun te Atua; Ngaia au tabo ni kamanomano ae matoatoa, ao nneu ni katantan.

Taian Areru 90:1

Te UEA, boni nera ni maeka Ngkoe n taai nako.

Taian Areru 91:14

E taku te Atua, “N na kamaiua akana tangirai, Ao N na kakawakiniia akana ataai b'a te UEA ngai.

Taeka n Rabakau 1:33

Ma ngkana kam ongo irou, ao kam na bon mano man taiani kabuanib'ai aika a kakamaaku.”

Taeka n Rabakau 10:9

Kam na maiu ngkana kam kaakaraoa ae e raoiroi n taai nako ma kam na reke, ngkana e aki raoiroi maium.

Taeka n Rabakau 18:10

Bon te taua ae e korakora te UEA ike a konaa ni biri nako iai ana aomata ni kamanoia

Itaia 25:4

Ko a tia n riki b'a te tabo ni kamanomano i bukiia aika a maiu ni kainano ma n tangira buokaia i nanon tain te kaangaanga. A buakaniira ara kairiribai kaanga rokon te karau ae e korakora ke kaanga riringan taai n te tawanou, ma ko bon riki b'a katanara.

Itaia 30:20

E a tia n anganingkami te kangaanga ma te nanokawaki te UEA n aron te am'arake ma te mooi. Ma kam na manga noora naba riki te UEA, ami tia reirei, ao E na kairingkami.

Itaia 32:18

Kam na maeka ma te rau, kam na maeka i aan te naa ao te mwianounou, ngkami, aika ana aomata te UEA,

Itaia 49:10

A na bon aki konaa ni baki ke n taka; a na aki namakina kabuebuen taai ke angin te rereua aika a kabuebue N na bon aki nanoanga ngkana I kairiia i nanon karaangan raan.

Itaia 58:14

Ao ane kam na karekea raoi iai kakukurein ataakin te UEA. E na tautaekaningkami man te maunga ake taiani kabanea n rietaata ao ni kakab'aiaingkami n aban ami bakatibu are Iakob'a. Ngai te UEA ae I taetae!

Ieremia 37:21

Ao e anga ngai te uea are Tetekia b'a N na kainaki n te karabuuti n aia katawanang taan tei n te bareti. E tuangiia tautia b'a a na angaanganai te kariki mai buakon ake a kam'aaki ni katoa bong ni karokoa banen te uita man te kaawa.

Ioera 3:16

E na bekorara te UEA kaanga te raian mai nuukan Ierutarem e na karurua aonnaba ma karawa. Ma te UEA bon te nono, te tabo ni katantan i bukiia ana aomata aika Iteraera.

Ab'akuka 3:19

E anganai korakorau te UEA. E karaoi waeu b'a ana aki marannako n ai aron waen te ria, ao E kawakinai raoi i aon te maunga.

Mataio 6:11

Ko na anganira karara ae ti a tau iai n te bong aei.

Te Tua-Kaua 33:29

E a tia ni kamaiungkami te UEA ao ma n anganingkami taiani kakab'aia ae m'aiti riki nakon kakab'aiakiia botannaomata tabeua. Kaanga ai aron te otanga Ngaia ngkana E kamanoingkami ao bon ami kabaang ae mimitong Ngaia. A na bobaraaki ami kairiribai ma te maaku, ao ane kam na toubekai nuukaia.