Itaia 33:14 - Te B'aib'ara

¹⁴ A titiraki ma te maaku taani bure aika a buakaka ake a maeka i aon te Maunga are Tion, “Ti nang kangaa ni maeka i buakon te urarake ae akea tokina?”

Itaia 33:14 ပူးပေါင်းရင်းမြစ်များ

Iobi 18:11

E otab'aniniaki ni b'aai aika kakamaaku, a iririia n taabo nako ike e nako iai.

Taian Areru 11:6

E na kab'aka te ai ma te bubu n ai ae korakora i aoia ake a bubuaka; ao E na katuuaia n te ang ae kabuebue.

Taian Areru 21:9

Ngkana E kaoti te UEA ao ane na onikia b'a te ne ni kanaiai ae ura; Ao ane E na ongia n unna, ao a na ura rake n te ai.

Taian Areru 50:3

E nangi roko Atuara, ao E na aki kainab'aabu; E ri moana te ai ae ura m'aaka, Ao E otab'aniniaki rarikina n te ang ae matoatoa karena.

Taian Areru 53:5

Ma ane kam na taonaki n te maaku ae korakora ae akea n ai arona rimoa. Te Atua e na kamaenakoi riia aia kairiribai ana aomata ao ko na bon mamaa ngkana e aki butim'aiko te Atua.

Taeka n Rabakau 28:1

A biri nako aomata aika a buakaka ngkana bon akea ae e kakioia, ma a ninikoria kaanga te raian aomata akana a eti maiuia.

Itaia 1:28

Ma a na bane ni mauna nako, koraki aika taani kaaitaraa aika taani bure, aika a kamangao, Ngai te UEA.

Itaia 10:16

E na kanakoa te aoraki ae moan te kamaamate te UEA ae Moan te M'aaka n oroia am taanga ni buaka ao ko na ura n te aoraki ae te kabuebue i aan niiniirana ni uea.

Itaia 10:6

n oreia ni kab'akaia ngkami aomata aika taan onimakiniia anti. I un iroumi, ao N na kanakoia b'a a na buakaningkami. E na anai b'aai aika e tangiri ao e na toubekaingkami kaanga taiani bokaboka ake i nanon kawain nukan te kaawa.

Itaia 29:13

E a tia ni kaangai te UEA: “A neboai aomata aikai n aia taeka ma bon akea raoi nanoia i Rou. A taromauriai ni kakaokioki taian tua ake a karaoaki i rouia aomata.

Itaia 29:6

N na roko ni kamaiuko ma m'aiei ao te baa ma te ukeukenanti Ngai ae te UEA ae Moan te M'aaka.

Itaia 32:11

Ruru ma ni maaku, ngkami aine aika kam aki tarab'ai! Buutii kunnikaimi ao karin kunnikai aika a raeraeaki.

Itaia 34:9

Ane a na oneaki taian raanga n ran ake i Etom nakon te taa ao e na riki tanona b'a taian burimton ao ane e na ura aon te aba ni kabane.

Itaia 47:14

Bon akea te b'ai ae a konaa ni karaoia aomata aika a onimakini taian itoi kaanga taian uteute i nanon te ai ae e ura. Bon akea naba ae e konaa ni kateimatoa n aangnga, i rarikin te ai ae e ti am'arake ma n te uteute.

Itaia 5:24

Kam na urarake kaanga te b'ab'ati ni uteute! Kam a tia ni katinanikua ana reirei te UEA ae e tabu ae Atuan Iteraera ae Moan te M'aaka. Ngaia ae ngkai, a na mka wakaami, ao a na riki ni bubu nako ueemi.

Itaia 66:24

A na otinako au aomata ni kakaai rab'ataia ake a kakaitaraai. A aki konaa ni mate taian ino ikekei, ao e aki konaa n toki uran te ai, ao a na rangi n ribaaki taraan rab'ataia aomata aikai irouia aomata nako.

Itaia 7:2

Ngke e roko te rongorongo n ana bareti te uea ae a bootaki ana taanga ni buaka Turia ma Iteraera, ao e a rangi ni maaku te Uea are Aati ma aomata ni kabane i Iuta ao a ruru kaanga taian aroka n tain te angibuaka.

Itaia 9:17

E a un te UEA irouia ana Aomata ao e bon teimatoa naba ni katuuaia, i bukina ngke a tia ni kaaitaraa. A buakaka ao a taetae n nanobaba. Ao bon anne bukina are e aki nanoangaiia aia roronrikirake ke aia aine aika a tia ni mate buuia ao ataei aika akea aia karo.

Itaia 9:18

E raababa nako te buakaka kaanga te buakonikai ae e urarake mani kabuoki taian buakoako ni kai aika a kateketeke ma ni kawaerakea te bubu.

Itaia 9:19

E rangi ni un te UEA ae Moan te M'aaka ao e kabonganaiia b'a kaanga te b'aa ni kanaiai are e tiringa aon te aba. A manga bon rairi buareia i bon irouia

Amota 9:10

A na bane ni mate taani bure aikai i buakoia Au aomata n te buaka, ma ai moaraara riki aomata ake a kaangai, ‘E na bon aki karokoa te kamamate te Atua i rarikira.’ ”

Naum 1:6

Antai ae e kona ni maiu ngkana E un? Antai ae e kona ni maiu i m'ain uran unna? E otinako unna n ai aron te ai. A maerikiriki b'aa, ma n riki ni bubu i matana.

Maraki 3:2

Ao ngkana e roko te bong aei, e na riki b'a kaanga te ura ae e korakora are e karana te tirewa ke kaanga te toobu ae e korakora i nanon te betin n uaati. Bon akea ae e na konaa n teirake ni kaaitaraa.

Mataio 18:8

Ao ngkana e kairiko baim ke waem nakoni karaoan te bure, ao koreia, ao tewea nako; e raoiroi riki i roum ngkana ko rin n te maiu ngkana ko m'auku, ke ngkana e uruaki b'ain rab'atam teuana nakon teweakinakom nakon te ai are aki mamate ma uaai baim, ke uaai waem.

Mataio 22:12

ao e taku nako ina, Raou, ko aera ngkai ko rin ikai n aki b'aina te kunnikai ni baka? Ao akea ana kaeka teuarei.

Mataio 24:51

ao e na kataerea ni karawawataa, ao e na kaki i rarikiia taani m'am'ana-te-aba, n te tabo ike a na tang iai aomata ma n tenai riaia b'a kaotan ae a rotaki n te maraki ae korakora.

Mataio 25:41

Ao ane E na kangai nakoia ake i angamaingina, “Naako mai Rou! Ngkami akana reke kaimi iroun te Atua. Nakon te ai are aki mamate are katauraoaki i bukin te riaboro ma ana anera!

Mataio 25:46

Ao e taku Iesu, “Ane a na bane n nako nakon reken te kai are aki toki. Ma ake a raoiroi a na nako nakon te maiu are aki toki.”

Te Tua-Kaua 4:24

E na un te UEA ngkana kam taromauri atua tabeman, ao E kona n riki b'a te ai n tiring b'aai ni kabane ake i m'aain kawaina.

2.I-Tetaronike 1:8

ma te ai ae ura m'aaka. E na kareke kaiia ake a aki ira nanon euangkerion ara Uea are Iesu Kristo.

Ebera 12:29

b'a Atuara ai aron te ai ae kamamate.

Te Kaotioti 14:10

ao e na moi n ana wain te Atua, are wainin unna, are E a tia ni kab'aroaki n aki renganaki nako nanoni m'angkon unna; ao e na b'ainikirinaki ni kamarakaki n te ai ma te burimton i mataia anera ake a raoiroi, ao i matan te Tiibuteteei.

Te Kaotioti 20:10

Ao te riaboro are e m'am'anaia e a teweaki nako n te nama are te ai ma te burimton, ike e mena naba iai te man are tiritiri ma te burabeti ni kewe; ao a na kamarakaki ni ngaina ao ni bong n aki totoki.