Itaia 33:13 - Te B'aib'ara

¹³ A bane n noori b'aai ni kabane aika ko karaoi aomata aika a kaan ma aika a raroa. Noora m'aakau ae e korakora!”

Itaia 33:13 ပူးပေါင်းရင်းမြစ်များ

Taian Areru 148:14

E kakorakoraa ana botannaomata, b'a E aonga ni kamoamoaki irouia ana aomata ni kabaneia ae te botannaomata ae Iteraera, ae kakawaki i rouna. Kam na kamoamoa te UEA!

Taian Areru 48:10

Aron aram ngkae e ataaki n taabo nako, Ao ai aron naba katituaraoam ni buta nako i aonnaba ni bane, ngkai a reke am Tokanikai ni m'aakam.

Taian Areru 97:8

A kukurei kaain Tion, ao a kim'areirei kaaini kawan nako Iuta i bukin am Moti, te UEA.

Te Otinako 15:14

A tia n ongo botannaomata, ao a ruru ni maaku; ao a rootaki kaain Biritia n te maaku.

Itaia 18:3

Kaain te aonnaba aei ni kabane, kakauongo raoi! E na kanakoaki te kanikina i aon taian maunga, ao ane kam na ongo tangin taiani buu.

Itaia 37:20

Ma bon ara UEA ao Atuara! Ti butiiko b'a ko na kamaiura mai roun uean Aturia. Ao ane a na ataiko iai aomata ni kabane n taian botannaomata b'a bon ti Ngkoe te UEA.

Itaia 49:1

Kakauongo aomata ni kabane, e ngae ngkana kam mena n abaia ianena n taabo aika raroa nako i nanoni marawa. E rineai te UEA ao e anganai arau i m'aain bungiakiu.

Itaia 52:10

E a tia te UEA ni kaota korakorani m'aakana nakoia botannaomata ni kabane; a bane aomata n noora m'aakan Atuara ni kakamaiu.

Itaia 57:19

koraki aika a tang E aoria ngkana ko mena iai, N na kamaiuko Ngai ae te UEA ao N na anganiko te rau.

Taniera 3:27

Ao a bane ni ikotaki ana aobitia te uea ma ana kowana, ao mataniwiin ana taanga ni buaka b'a a na nooriia m'aane ake teniman. E aki bue iran atuia naba teaina ma kunnikaia, ao bon akea naba te buaiai i aon rab'ataia.

1.Tamuera 17:46

E na buokai te UEA n te bong aei b'a n na tokanikai i aom. N na oroiko ni kab'akako, ao n na korea atuum ni kanakoa, ao n na anga rab'ataia tautian Biritia ake tekorakina nakoia ma mannikiba ma mannikaakang. Ao e na ataaki n te aonnaba b'a bon te Atua ni koaua Atuaia Iteraera.