Itaia 33:1 - Te B'aib'ara

¹ Ko konaiia au aomata. Ko a reke n te kangaanga! Ko tuai man ururuakaki, ma ko nang uruakaki; ko tuai man kam'aneaki; ma ko nang kam'aneaki. Ngkana e a bane am uruuru ma am kam'aam'ane, ao ko nang manga uruakaki ma ni kam'aneaki n aron anne.

Itaia 33:1 ပူးပေါင်းရင်းမြစ်များ

Taeka n Rabakau 22:23

Bon te UEA te tia tei i bukiia, ao te b'ai are kam karaoia nakoia, e na manga karaoia nakoimi.

Itaia 10:12

E na karaoa te b'ai are e a tia ni baaireia te UEA nakon Ierutarem ao te Maunga are Tion. Ao i mwiina, e na katuaaia uean Turia aika kainikatonga mani kamoamoa,

Itaia 14:25

N na kanakoia kaain Aturia mai abau, ao N na kamanatuaia akana a mena i aon taiani maunga. N na kainaomataia au aomata man te tautoronaki irouia kaain Aturia.

Itaia 17:14

E na rangi ni korakora aia buaka n te bong, ma ngke e a ingabong ao a mate. bon anne te b'ai ae e na riki nakoia akana a ewekiira ma ni kurib'aia abara.

Itaia 21:2

Bon te kaotioti ae e kakamaaku are e kaotaki nako iu te kaotioti i bukin te kam'aam'ane ao te urub'ai. Tuanga Eram ao Miria b'a a na katobibia man buakaniia kaain B'aburon. E a tia n tuea te UEA b'a na katoka te karawaawata are a karikia.

Itaia 24:16

E na ongo te aba taian anene n nebo i bukin ana motikitaeka ae eti te Atua. Ma e rangi ni korakora ma n aki rau n te rawaawata n nano. Bon iai ae e konaa n onimakinaki? Bon angiina taani kewe!

Itaia 31:8

Ane a na tiringaki kaain Aturia, ma a na aki mate n aia kabaang aomata. Ane a na kataia rorobuakana ni biri nako n rawei maiuia, ma a na manga bon reke ma ni kairoroaki b'a a na riki b'a tooro.

Itaia 48:8

Kam tuai mani kan kakauongo nakon te b'ai ae I taekinna; man te tai are kam bungiaki iai, I ataia b'a kam na kaaitaraa.

Etekiera 39:10

A na kabuoki taian b'ai ni buaka aikai n onea mwiin te kai ke kaai ake a na korokoroi man aroka ake a na kab'akai. Ao anne aroia Iteraera ni katae aia kai irouia ake a aki toki ni kikimoaia ma ni kabuakakaia. Bon aei Au taeka Ngai ae te UEA.

Teb'ania 3:19

E a roko te tai! N na katuaaia taan karawawatako; N na kamaiuia ake a ikoaki ao man kaokiia taenikai nakoni mwengaia. N na onika mamaaia nakon karineaia ao ana neboaki n te aonnaba ni kabane.

Mataio 7:2

B'a te motikitaeka ni kabuakaka are kam kabongana i bukiia aomata, ao ane E na manga motiki taekami ni kabuakakaingkami iai te Atua; ao kawai ake kam kabonganai b'a b'aini bairean motikan taekani kabuakakaia, E na kabonganai te Atua b'a b'aini baireani motikan taekami ni kabuakakaki.

Te Kaotioti 13:10

Ngkana iai ane katauaki b'a te taenikai, ao ke e nako b'a te taenikai; ao ngkana iai ane kamatea te aomata n te kabaang, ao e na kamateaki naba n te kabaang. Nanona ngkanne, b'a ake a itiaki a riai n teimatoa n aia onimaki.”

Te Kaotioti 16:6

B'a aomata a katinakoi raraaia te koraki ake a itiaki ma burabeti; ao Ko a tia n anganiia te raraa b'a a na moi iai. A riai n reke kaiia.”

Te Kaotioti 17:17

B'a E a tia te Atua ni kaaki i nanoia te kani karaoa ana kaantaninga n te nano ae ti teuana, ao n aroia n anga m'aakaia n tautaeka nakon te man arei, ni karokoa ae a kakoroaki raoi nanon ana taeka te Atua ake a tia n taekinaki.

Tani Motiki-taeka 1:7

ao e taku, “I a tia ni koroi waebuan baiia ma waeiia uea ake itingaun ma ni karaoia b'a a na kawakawa i aan au taibora i bukin kakaean kanaia. Ao ngkai E a kabooa mwiin aei te UEA nako iu.” Ao a kaira uean Beteka tautian Iuta nako Ierutarem, ike e a mate iai.

Tani Motiki-taeka 9:23

n te tai are E nang katuaaea iai te Atua ma taani kairiiri i Tekem i bukin tiringaia natin Kiteon ake itingaun. Ma ngaia are, E karikiia taani kairiiri te Atua b'a a na manga kaaitaraa Abimereka.