Itaia 32:7 - Te B'aib'ara

⁷ A taekina te kewe aomata aika a iowawa a karaoi m'akuri aika a buakaka, ao a karaoi babaaire aika a iowawa ao a tiringiia aika a maiu ni kainano ao a tangira buokaia, ngkana a buubuti i bukin te eti.

Itaia 32:7 ပူးပေါင်းရင်းမြစ်များ

Taian Areru 119:95

A karanai akana buakaka b'a a na kamateai, Ma N na iaiangoi am Taeka.

Itaia 1:23

A tia taani kairiiri n katinanikuai ao a manga riki b'a raoia koraki ake taani baabakanikawai; ao ami taan tautaeka a iangoi reken taiani b'aintangira ao m'akuri ni baabakanikawai. Bon akea itin te motikitaeka nakoia aine aika a tia ni mate buuia ao ataei aika akea aia karo.

Itaia 11:4

E na karaoaki raoi te eti ma te riai nakoia aomata aika a maiu ni kainano ao a tangira buokaia. Ana riki ana taeka b'a taian tua i aon te aba ni kabutaa, ao a na bane n tiringaki taani bure.

Itaia 26:10

E ngae ngkana e akoaki naba te aomata ae e buakaka i aon aban te eti aei, a karaoa ae kaairua ao a matakii nakon mimitongim, ara UEA.

Itaia 29:21

n reitaki ma aomata ni kabane aika a tataekina te kewe n tain te bowi ma n teimatoa n aki anganiia aika akea aia bure te babaire ae e eti.

Itaia 5:23

Kam kanakoa te tia bure ni kainaomata i bukin butim'aean te m'akuri ni kamaraato, ao kam aki karaoa ae e eti ni kabowian te aomata ae akea ana bure.

Itaia 55:7

Kaaki kawaim nako aika b'aoua ao am iango aika a buakaka. Okira te UEA ae Atuara. E na nanoangaiko ao ane E na kab'arai am bure nako.

Itaia 59:15

A bane aomata n taekina te kewe; tokiia akana a nako man te maiu ae e buakaka bon te urubekebeke. Ngkana e ataia te UEA ae e a tia ni mauna te motiraoi, ao E na bon aki kukurei iai.

Itaia 61:1

E niniai Tamnein te UEA ae te Atua ao e taniai! E a tia n rineai te UEA ao e kanakoai b'a N na tuangiia ake a karawaawataaki te rongorongo ae e raoiroi, ao ni kamaiuia aika a uruaki nanoia, ao ni katanoata nakoia taekan te kainaomataaki nakoia buure nako ao taenikai nako.

Ieremia 18:18

A taku aomata tabeman, “Ti a katiaa taekan Ieremia! Bon iai ibonga n taai nako ike a konaa n reireiniira ana Tua te Atua, ao ai uana naba ma aomata ake a rabakau b'a a konaa n anganiira taeka n reirei, ao burabeti b'a a konaa n anganiira ana rongorongo te UEA. Ma ngaia are, ti na aki manga ongo i roun Ieremia, ma ti na bukinna n te bure.”

Taniera 12:10

Ane a na m'aiti aomata aika a na kaitiakaki. Ane a na aki ataa nanona aomata aika a buakaka; ao a na teimatoa ni buakaka; bon ti aomata aika a wanawana aika a na ataa nanona.

Mika 2:1

Ai rekera kaiia aomata ake a aki matuuakin aia iango aika a buakaka, ma ni iangoi waekoan koron bukiia nakon te ingabong. Ni bon te tai are e reke iai aia tai, ao a karaoa naba te buakaka are e a iangoia.

Mika 2:11

Aikai aekakin aomata ake a tangira te burabeti ae e b'anga ni kewe ma ni kam'am'ane, are e na kaangai nakoia, “I taetae ni burabeti b'a e na raanga nako i bukimi te wain ae e kangkang ma te wain ae te kamanging.”

Mataio 26:4

ao a karekei aia iango b'a a na kam'anea n taua Iesu n te aro ni karaba, ao a na kamatea.