Itaia 32:14 - Te B'aib'ara

¹⁴ E na kiitanaki te bareti, ao a na akea aomata. Ao a na riki taian nono ma taua b'a nneia n takaakaro n aki toki taian aati aika a aki manana ao nnen tawaana n uteute ake kanaia tiibu.

Itaia 32:14 ပူးပေါင်းရင်းမြစ်များ

2.Uea 25:9

E kabuoka ana Tembora te UEA Nebutaratan, ma ana bareti te uea, ao kateitei aika a buubura ni kabane aika a kakannato i nanon te kaawa are e buubura arei, ao ai taian auti.

2.Rongorongo 33:14

Rimwi, e a manga katea oon tinanikun m'akoron Ierutarem are i mainiku Manate ao e a manga karietaa riki. E waaki te oo aei man te M'arua are Kion i meang nakon te Mataroa are Ika ao ni katobibia m'akoron te kaawa are e buubura arei are e aranaki b'a te Maunga are Obera. Ao e anganiia naba taian aobitia n te taanga ni buaka tib'angaia n tatabemaniia nako b'a tararuakin taian kaawa aika a buubura ake a nonoaki i Iuta n tatabeua nako.

Neemia 3:26

E toki te tabo are i rarikin te Mataroa are Ran i mainiku ao n te taua i bukin teiakinan te Tembora. E tena ma te m'akoro are n te kaawa are e aranaki b'a Obera, ike a maeka iai taani m'akuri n te tembora.

Taian Areru 104:11

A bane ni moi iai maan aika aki manana; A katoki takaia iai aati aika aki manana.

Itaia 22:2

E onrake ami kaawa n taiani karongoaa n tatakarua. A na aki mate n te buaka koraki ake a wene ni manging i nanon kawain nako nuukan te kaawa.

Itaia 24:10

A onrake ma ni mangaongao taiani kaawa; ao a rokanaki ni kamatoaaki taian auti.

Itaia 24:12

A uruakaki taiani kaawa aika a buubura; ao a kamaaenikunaki ni kab'akaaki mataroan taiani kaawa.

Itaia 25:2

Ko a tia n urua nonoia ara kairiribai, ma ni katikuia ma aia kaawa ae e buubura ma te urubekebeke. Bon akea riki te b'ai ae e na manga konaa ni kateaki n te kaawa ane e buubura anne.

Itaia 27:10

A na tiku taian nono kaanga taian rereua ike akea ae e maeka iai. A na nakonako taiani kao i aona ae e a urubekebeke, ni kabaabanei arokan aona.

Itaia 3:26

E na tanginiwenei te kaawa ae e buubura ao a na tekateka i aon te baareka, ao a na akea kaaina.

Itaia 5:9

Ma e a tia ni karaoa ana berita aei te UEA ae Moan te M'aaka nako iu: A na akea kanoan taian auti akana a buubura man tamaroa akanne, ao a na akea naba te tia kaawakin.

Itaia 6:11

Ao i mwiina, I a titirakina te UEA ni kaangai, “A toki n ningai baikai?” Ao e kaeka te UEA: Ni karokoa a mauna nako aia kaawa nako ao a rereua aia auti, ni karokoa akea kanoan aia tawaana,

Itaia 7:23

Taian nne n aroka ni kureebe aika teuana tengaa taiani kureebe i nanona aika booia teuana tengaa taiani m'akorokoro n tirewa a na manga bitaki nakon taian aroka aika a kateketeke.

Ieremia 14:6

A mataki taian ati ake a aki manana i bukin korakoran te mate ni baki. Ma ngaia are, a tei i aon taian tabuki ao a kaaneneboia te ang, ma aia kaantaninga b'a a na aroka boin te uteute ae e mawaawa.

Ieremia 33:4

Bon te UEA Ngai ae Atuaia Iteraera, ae I taekinna b'a e na b'aka ni m'akoroua autin Ierutarem ao ana bareti te uea i Iuta b'a mwiin ewekakina ao buakanakina.

Ieremia 52:27

n te aba are Amata. Ao e a anaaki i roun te uea ikekei ma n oreaki ni karokoa matena. A uotaki nako kaain Iuta mai abaia nakon te kataenikaiaki.

Ieremia 6:5

ao ti na buaka n te roo ma n uruakii nonona.”

Otea 2:3

b'a I kaawa ni buuta kunnikaina ni kabebekanna kaanga te bong are e moan bungiaki iai. N na karikia b'a e na kanoabo kaanga te rereua, ao e na mate n te taka.

Mika 3:12

Ao i bukim, e na kamarauaki Tion kaanga te tawaana, ao e na riki Ierutarem b'a b'ariko ni b'ai aika a uruaki, ao tabukin te Tembora, e na riki b'a te buakonikai.

Teb'ania 2:15

Ao bon anne te b'ai ae e na riki nakon te kaawa ae e rangi ni kainikatonga, ao man taku i nanona b'a e rangi ni manoraoi man taiani kanganga. Aomatana a taku b'a bon tii aia kaawa ae moan matoatoa i aon kaawa nako n te aonnaba. E a riki b'a kaanga, te tabo ae e kamaroaa, ae nneia maan ni motirawa! Aomata ake a ri rarikina ana maaku man taua raroaia mai iai.

Teb'ania 2:7

Aomatan Iuta ake nikira ni maiu a na maekana te aba. Ana kam'arakeia aia nanai ikekei ao ana matu n autin Atikeron. Te UEA ae te Atua E na memena irouia ao E na manga kaoki kab'aiaia.

Ruka 21:20

Ma ngaia ae ngkana kam nora Ierutarem b'a e otab'aniniaki irouia taanga ni buaka, ao kam na ataia ngkanne b'a e a kaan uruana.

Ruka 21:24

ane a na tiringaki n te kabaang, ao ane a na kairaki nako b'a taenikai ao a na kauamaaeaki nako buakoia botannaomata i aonnaba; ao ane na uruaki Ierutarem irouia aomata aika tiaki I-Iutaia, ni karokoa tokin aia tai.