Itaia 32:11 - Te B'aib'ara

¹¹ Ruru ma ni maaku, ngkami aine aika kam aki tarab'ai! Buutii kunnikaimi ao karin kunnikai aika a raeraeaki.

Itaia 32:11 ပူးပေါင်းရင်းမြစ်များ

Taian Areru 123:4

Ti maan ni kaenaenaki irouia akana kaub'ai, ao ni b'ainikirinaki irouia akana kainikatonga.

Te Otinako 33:4

Bon i m'aain naba taetaen te UEA n taekin taeka aika a kamaraki aikai, E a kaman tuanga Moote ni kaangai, “Bon aomata aika a kamangao aomata aikai, ao N na bon tiringiia n te tai ae e waekoa ngkana I iriia.

Itaia 15:3

A bane aomata i nanon te kaawa ma taiani mwenga ni kunnikaia aomata ni kunnikai aika a mangaingai ao a tang n takaarua i nanon te tai ae e maan.

Itaia 2:19

E raoiroi riki ngke kam karabaingkami i nanon taian nangananga ni b'aa ma taiani b'angab'anga e na kakamaaku te UEA, ma n tamaroa, ao ni mimitong ngkana e roko ni ioioa te aonnaba.

Itaia 2:21

E na kakamaaku te UEA, man tamaroa, ao ni mimitong ngkana e roko ni kakamaakuia kaain aonnaba ane a na karabaia i nanoni b'angab'angan taiani b'a ao i aon taian tabuki.

Itaia 20:4

A na bane ni uotaki nako iroun uean Aturia aomata ni kabane aika i nanon kaawa aika uoua aikai ao a na aki karabaaniia ao a na aki kauniwaeniia. Te ataei ma te ikawai, a na anaaki b'a taian taenikai, ao e na kamaamaaeaki Aikubita.

Itaia 22:12

Ngke a koro bukin b'aai aikai ni kabane, ao e tuangingkami te UEA ae Moan te M'aaka b'a kam na katu ranin matami ma n tang, ma ni koro marai atuumi, ao n kunnikain kunnikai aika a mangaingai.

Itaia 3:24

A na oneaki mwiin taiani boiarara n taiani boiraa; a na oneaki mwiin taian roo n nuuka, n taian roobu; a na oneaki mwiin taian irannatu aika a biraki n taiani mara n atu. A na oneaki mwiin kunnikai aika a boobuaka ni kunnikai aika a raeraeaki; A na oneaki mwiin te botanaine, n taiani m'akam'aka aika a buakaka i aon rab'ataia.

Itaia 33:14

A titiraki ma te maaku taani bure aika a buakaka ake a maeka i aon te Maunga are Tion, “Ti nang kangaa ni maeka i buakon te urarake ae akea tokina?”

Itaia 47:8

Ko taku inanom b'a ti ngkoe ae ko rangi ni m'aaka, n te aro are manga akea buum ma ni bua natim nako. Ti te b'ai ae ko tabeakinna bon te kukurei, ma ko na kakauongo nakon te b'ai ae I taekinna.

Ieremia 4:8

Ao i mwiina, I taku nako ia Iteraera, “Karin i aomi kunnikai aika mangaingai! B'aeb'aeti ao taang ni kaangai, E bon teimatoa naba n un te UEA iroura.’ ”

Ieremia 49:3

Kam na tang kaain Etibon: E na riki ami kaawa b'a b'ariko n atiibu aika a maerikiriki. Ane kam na rairaki n aki akaaka, ma a na bonotaki kawaimi. Karin kunnikai n aki akaaka i aomi ao taang, ngkami aika kaain Rab'a, i bukina b'a a na anaaki bouananti ake kam taromauri nako abaia ianena, n reitaki ma ibongana ao mataniwiin ana Tembora.

Ieremia 6:26

ao a buaka n aki anga te katauraoi. Ma ngaia are, kam na tang ngkami aika au aomata, n ai aron ae e a tia ni mate natimi. Karin kunnikai aika a karaoaki n taian kunnikai aika a mangaingai ao kam na rabinobino nako nanon te b'ariko ni mannang.”

Otea 2:3

b'a I kaawa ni buuta kunnikaina ni kabebekanna kaanga te bong are e moan bungiaki iai. N na karikia b'a e na kanoabo kaanga te rereua, ao e na mate n te taka.

Ioera 1:8

Kam na nanokawaki kaanga te ateiaine ae e tang i bukin buuna ae e a tib'a mare ma ngaia.

Amota 4:12

Ao ngkai Iteraera, N na katuaai ngkami katauraoi ngkami ni kaaitaraa Atuami!

Teb'ania 2:15

Ao bon anne te b'ai ae e na riki nakon te kaawa ae e rangi ni kainikatonga, ao man taku i nanona b'a e rangi ni manoraoi man taiani kanganga. Aomatana a taku b'a bon tii aia kaawa ae moan matoatoa i aon kaawa nako n te aonnaba. E a riki b'a kaanga, te tabo ae e kamaroaa, ae nneia maan ni motirawa! Aomata ake a ri rarikina ana maaku man taua raroaia mai iai.

Te Tua-Kaua 28:48

ao ane na kanakoia ami kairiribai b'a a na buakaningkami ma n anai ngkami b'a aia taenikai. Ao i mwiina, kam na maeka ni kainano b'a akea kanami ma nimami, ke kunnikaimi, ao a na kam'akuringkami ami toka n te m'akuri ae rawaawata ni karokoa matemi.

Iakobo 5:5

Kam a tia ni maiu ni kaub'ai ma n iri kukurein rab'atami n te maiu aei. Kam a tia ni kamarikaingkami i bukin te bongi ni kamamate.